abeto

Galego

• Etimoloxía: do catalán abet, e éste do latín abies, co mesmo significado.

• Pronuncia: [aˈβe.tʊ] (AFI)

• Escoitar: «abeto» (Ficheiro ─ axuda)

Substantivo masculino

abeto (sg: abeto; pl: abetos)

Abeto, Abies alba.

1. (Botánica) Árbore da familia das pináceas, Abies alba, de folla perenne, monoica, de tronco moi alto (até 50 m ou máis), recto, de codia de cor gris cincenta, coa copa cónica, ás veces case cilíndrica, pólas horizontais, follas en forma de agulla, e piñas alongadas e ergueitas, que se distribúe polas grandes montañas do sur de Europa.
   • Exemplo: A madeira do abeto é branca, lixeira e moi apreciada para a construción e en carpintaría.
     
     
   • Sinónimos: abeto branco, abeto común.
2. (Botánica) Nome común que se lles dá, ás especies dos xéneros Abies, Picea e outros, parecidos da familia das pináceas.
   • Exemplo: Abeto prateado.
     
     
3. Madeira destas árbores.
   • Exemplo: Unha cabana de abeto.
     
     

Follaxe de abeto, Abies alba.

Termos relacionados

• Abeto balsámico, abeto de Douglas, abeto do Cáucaso, abeto do Colorado, abeto grande americano, abeto prateado, abeto vermello.

Traducións

• Alemán: Tanne ^(de) f
• Castelán: abeto ^(es) m
• Esloveno: jelka ^(sl)
• Francés: sapin ^(fr) m
• Inglés: fir ^(en)
• Italiano: abete ^(it) m
• Portugués: abeto ^(pt) m
• Ruso: пихта ^(ru)

Véxase tamén

• Apéndice: Hortalizas e froitos