folla

Galego

Folla de roseira.

• Etimoloxía: do latín folia, plural de folium, «folla».

• Pronuncia: /ˈfo.ʎa̝/ (AFI)

Substantivo feminino

folla (sg: folla; pl: follas)

1. (Botánica) Cada un dos órganos das plantas, xeralmente de forma laminar e de cor verde, que cumpren funcións de respiración, excreción e fotosíntese.
   • Exemplo: O que se acolle debaixo da folla, dúas veces se molla.
     
     
2. (Por extensión) Tipo de follas (órganos das plantas).
   • Exemplo: O acivro é unha árbore de folla perenne.
     
     
3. Lámina delgada e plana.
   • Exemplo: As follas dun libro. A folla do coitelo.
     
     
4. Cada unha das partes dun tipo de porta, dividida transversalmente en dous, que poden abrir e pechar independentemente.
   • Termos relacionados: postigo.
5. Corpo do bacallau estendido e desecado.
6. (Agricultura) Parcela de terra que se sementa en sistemas de rotación de cultivos.
   • Exemplo: Este ano está o pan nesta folla; o ano que vén estará na outra.
     
     

Termos relacionados

• Follada, follato, follaxe, follear, folleto.
• Folla branda, folla dura.

Traducións

• Castelán: hoja ^(es).
• Catalán: fulla ^(ca).
• Francés: (1,2,3) feuille ^(fr), (4) battant ^(fr).
• Italiano: foglia ^(it)
• Portugués: folha ^(pt)
• Vasco: orri ^(eu)