Porenogua tekombo'e

Porenogua tekombo'e oiko oĩvo moaranduha yvypóra poreno rehegua, mba'épa iporãva ha ivaíva yvypórape oiporanóvo rehegua, moaranduha yvypóra rete rehegua, mba'éichapa oiko tyeguasu ha membysẽ, ombo'e umi tembiaporape térã mba'ejepuru ani hag̃ua oñepyrũ tyeguasu avei, ojeheróva memby'ỹrã, ohechauka mba'éichapa oiko poreno ñeñangarekóre, araka'épa iporã ha araka'épa ivai oiporeno hag̃ua.

Ojehecha mitãrusunguéra heta tetãme ha heta avano'õme ndorekói porenogua tekombo'e imbo'ehaópe térã hógape, oĩ tapichakuéra oimo'ãgui noñeñe'ẽi va'erã umi mba'ére. Oĩramo moaranduha, ojehecha mitãrusunguéra ru ha sy ombo'e chupekuéra, hákatu ojapo upéicha hikuái imembynguéra omendajave mboyvemi. Oguejy hag̃ua tyeguasu ojeipota'ỹva umi mitãkuñarusu apytépe, ha ani hag̃ua oñemosarambi umi mba'asy oñemosarambíva poreno rupive oñemoñepyrũkuri heta mbo'ehaópe amo ary 1960-pe ko porenogua tekombo'e, iñepyrũme hetaite umíva omboapyraséva térã omokangyséva porenogua ha memby'ỹrãgua tekombo'e, tenondeitépe umíva apytépe oĩ tupã jeroviaha ruvichakuéra ha mitãrusunguéra túva ha sy.

Oñepyrũvo mba'asy SIDA ñesarambi, tapichakuéra ohecha iporã mo'ã oiko hagẽ ko porenogua tekombo'e. Heta tetã Áfrika pegua, oñemosarambihápe SIDA mba'asy pya'iterei, ojeikuaa porenogua tekombo'e ojehecha va'erã mba'e tenondeitegua yvypóra reko resãirã.

Reikuaaverã

• Poreno ñeñangarekóre
• Mba'asy oñemosarambíva poreno rupive
• Memby'ỹrã