Teresa de Calcuta
Agnes Gonxha Bojaxhiu, ojekuaavéva Teresa de Calcuta ramo, heñoiva’ekue ára 26 jasypoapy ary 1910-pe, táva Skopje (Skopie), ko’ág̃a oĩva Yvate Masendóña retãme. Tupãrembiguái ojapóva India-gui hetã mokõiha. 12 ary ombotýrõguare oike Congregación Mariana de las Hijas de María-pe, upépe oñepyrũraka’e oipytyvõ umi oikotevẽvévape.
| Teresa de Calcuta | |
 | |
| Téra teñõikua | Agnes Gonxha Bojaxhiu |
| Teñõi | 26 jasypoapy, 1910-pe Skopje, Yvate Masendóña |
| Mano | 5 jasyporundy, 1997-pe Calcuta, India |
| Nacionalidad | Albania-gua |
| Área | Tupãrembiguái |
| Premios | Premio Nobel de la Paz |
18 ary ombotýrõguare oheja hetã ha ohókuri táva Dublin, Irlanda retãme, ha upépe oike Congregación de Nuestra Señora de Loreto-pe. Oikoségui tupãrembiguáirõ India-pe, osẽ oho Bengala-pe ha upépe oñemoarandu mbo’ehararã ha oiporavo héra pyahurã: Teresa. Ombo’ejepékuri St. Mary’s High School, Calcuta-pe, ary 1948 peve. Upe arýpe Tupão ruvicha Roma-pegua omoneĩ imba’ejerure ha upe guive oñepyrũ omba’apo umi imboriahuvéva apytépe.
Ary 1950-pe Teresa de Calcuta omoheñóikuri pe aty hérava Congregación de las Misioneras de la Caridad, omboajeva’ekue ary 1965-pe Túva Marangatu Papa Pablo VI. Umi oikéva ko atýpe ombojoapy iñe’ẽme’ẽ jepiveguápe peteĩ mba’eve: omba’apo ha oipytyvõvetaha umi imboriahu apĩvape ha pya’eterei oñemopyenda hikuái India tuichakue javevépe ha haimete 100 tetãme ko yvy apére. Teresa de Calcuta omba’apo avei membykua ha tekojuka ñembotovépe, omoirũvo Túva Marangatu Juan Pablo II remiandu moañetépe.
Ary 1972-pe, Teresa de Calcuta ohupytýkuri jopói guasu hérava Premio de la Fundación Kennedy, ha ary 1979-pe oñeme’ẽkuri chupe Premio Nobel de la Paz, ha pirapire upéva rehegua ha’e ome’ẽmbaitékuri umi imboriahúvape. Ary 1986-pe og̃uahẽ hendápe Juan Pablo II, Nirmal Hidray térã Korasõ Marã’ỹ Rógape, ha’e omoheñóiva Calcuta-pe ha ojekuaavéva Omanombotaitéva Róga ramo. Ipahápe, Teresa omanókuri, táva Calcuta-pe, ára 5 jasyporundy ary 1997-pe, korasõ mba’asýgui.
23 porandu Teresa de Calcuta
jehaijey- Máva pe ára iporãvéva? – Ko ára
- Mávapa pe mba’e hasy’ivéva? – Javy
- Mávapa pe mba’e hasyvéva? – Kyhyje
- Mávapa pe jejavy tuichavéva? – Rejehejarei ndejupe
- Mávapa opaite mba’e vai rapo? – Chentesereko
- Mávapa pe mba’e ñanembopy’aroryvéva? – Mba'apo
- Mávapa pe tekombotapykueha? – Ñeñandu’i
- Mávapa umi mbo’ehára ikatupyryvéva? – Mitãmimi
- Mávapa pe tekotevẽ peteĩha? – Ñomongeta
- Mávapa pe mba’e ñanembovy’apavẽva? – Ñepytyvõ ambuépe
- Mávapa pe mba’e hekopytũvéva? – Mano
- Mávapa pe tekomarã ivaivéva? – Ay
- Mávapa pe tekove hekoñañavéva? – Pe ijapúva
- Mávapa pe mba’e’andu iky’avéva? – Py’aro
- Mávapa pe jopói iporãvéva? – Ñyrõ
- Mávapa pe temikotevẽ tuichavéva? – Ogapy
- Mávapa pe tape ipya’evéva? – Tape ikare’ỹva
- Mávapa pe mba’e’andu tuichavéva? – Py’aguapy
- Mávapa pe mo’ãha hekoañetevéva? – Tekokyre’ỹ
- Mávapa pe tekombohoryha tuichavéva? – Mba’e apopyre porã
- Mávapa pe mba’e ipu’akapáva ko yvórape? – Jerovia
- Mávapa umi tekove ñaikotevẽvéva? – Tuvakuéra
- Mávapa pe mba’e iporãvéva opaitéva apytépe? – Mborayhu