Yvy ñembyaku
Yvy ñembyaku térã Yvy ijopeve ojehu upe mba'epytu ñande Yvy apekuére, yguasukuérape ha ára pytúre oñembyakuve pya'e ha yvypóra imbyry'áive.[1] Ko'ãga, Yvy mba'epytu ojupi haimete 1 C° ha ary 1750 guive, yvypóra oñepyrũvove ohapy hetaite tatapỹi.[2] Hákatu oĩ Yvy apekue vore ojehechahápe hakuveha 1 C°-gui ha oĩ imichĩve. Heta umi ohesa'ỹijóva ararováre he'i oguahẽha ary 2100 Yvy mba'epytu ojupíta ha ohupytýta 2 C° térã 4 C°, ituichave Yvy mba'epytúgui ary 1750 mboyve.[3] Ndahasýi jahecha Yvy oñemoambueha oñembyakuvégui, oñembohyku yrypy'a ojejuhúva Yvy yvateitépe ha ñembyitépe, techapyrãme Gyroẽlándia ha Antártida, upéicha okakuaa ha ojupi yguasu ha ikatu jahecháta heta táva y rembe'ýpe o'yguytaha saro'y XXI pukukuévo.
Yvy oñembyaku pya'e yvypóra ohapýgui mba'ekuéra, techapyrãme ohapy gasolína omboguata hag̃ua mba'yrumýi ha aviõ. Hákatu ku yvypóra rembiapo ombyakumínte ñande Yvy: dióxido de carbono katu upe ombyaivéva, mba'etĩ osẽva jahapývo mba'ekuéra. Yvypóra ohapývo combustible yvyguýgui, taha'e haéva itakyra, tatapỹi ha mba'etĩ yvyguýgui, omombo dióxido de carbono yvytúpe.[4]. Yvypóra oikytĩvo yvyramáta ha oitypávo ka'aguy dióxido de carbono opytave yvytúpe, ka'avokuéra oipyhýgui umi mba'etĩ ombyakúva Yvy.
Ehecha avei
jehaijeyMandu'apy
jehaijey- ↑ "What Is Global Warming?." 2019-01-22.
- ↑ IPCC (2018). "IPCC SR15 Summary for Policymakers 2018." (PDF)
- ↑ "Long-term Climate Change: Projections, Commitments and Irreversibility."
- ↑ Thompson (Climate Central), Andrea. «Atmospheric CO2 May Have Topped 400 PPM Permanently», May 19, 2016.
Joajuha
jehaijey
Wikimedia Commons oguereko ta'ãnga Yvy ñembyaku reheguaCommons.- ¿Qué es el Calentamiento Global?, National Geographic omombe'u karaiñe'ẽme mba'épa ku Yvy ñembyaku.