Wikipedia
Wikipedia (wɪkᵻˈpiːdiə/ meyalo wɪkiˈpiːdiə/ wik-i-pee-dee-ə) botiya poroyek ensiklopedia tililahepo bahasa to delomo jaringan u pereyi wawu bu'a-bu'adu, u hepopona'o lo Wikimedia Foundation, tuwawu lo organisasi nirlaba bilulo'aliyo to Amerika Serikat. Tanggulo Wikipedia lonto wumbuta lo tahe wiki wawu encyclopedia. Wikipedia pilohutuliyo le Jimmy Wales wawu Larry Sanger,[1] to tawunu 2001, wawu masa botiya ma lowali ilomata referensi u damanga da'a, molinggahu berkembang wawu masahuru to Internet.[2][3] Poroyek Wikipedia patujuliyo mongohi ilimi ode manusia.[4]
Sojara
boli'aWikipedia bungaliyo bo poroyek sampingan lo Nupedia de'uwito yito ensiklopedia pereyi daring (to delomo jaringan) wawu tuladiyo hetuladu lotawu ahali.[5] Larry Sanger, ta lopotihulo Nupedia, wole Jimmy Wales, longohi ide tomimbihu ensiklopedia berbasis wiki 10 Januari 2001 to milis Nupedia.[6] Lapatiyo ma'o tanggal 15 Januari 2001, Wikipedia resmi diluncurkan to situs web www.wikipedia.com.[7]
Tomimbihu Wikipedia
boli'aTo tibawa botiye ngolo botu karakteristik palaru to delomo poroyek Wikipedia:
- Wikipedia yito ensiklopedia.
- Wikipedia yito wiki tuwawu u mowali boli'o lo nga'amila tawu, ngopohiya lo tawu ta tilangguwaliyo wawu ngopohiya lo halaman u daha-daha.
- Wikipedia detohiyo tuwanga pereyi wawu mopohuna copyleft Lisensi dokumentasi pereyi GNU.
Jumula lo tuladu
boli'aLonto u pilohutuliyo tanggal 15 Januari 2001, Wikipedia bahasa Inggris ma iloduhenga jumula lo tuladiyo. Tanggal 21 Januari 2003, jumula lo tuladu ma woluwo artikel 100.000 artikel, lapata'o tanggal 1 Maret 2006, ma lowali 1.000.000 artikel. Jumula botiye ma he'oduhenga turusi sambe 2.000.000 artikel to tanggal 9 September 2007 wawu ma tilunggulo 5.000.000 artikel to tanggal 1 November 2015.[8] Tuladu Wikipedia to delomo nga'amila bahasa leduta'a to 1 juta artikel to hulalo September 2004 wawu ma lobotula turusi sambe ma yilimbata 38 juta artikel to tawunu 2015.[9]
Basis data mowali detohulo
boli'aTimi'idu tawu ta motohila mopohuna tuwango Wikipedia u pereyi, timi'idu wakutu, mowali modetohe/mohemi tuladu to delomo pangkalan data, wolo syarat LDGB. Beberapa lokasi, odelo Wikinfo, wordiq, thefreedictionary.com, 4reference, wawu nationmaster ma yilohemi (mirroring) wawu ma lohutu 'data turunan' (forking) tomimbihu tuwango Wikipedia.
Referensi
boli'a- ↑ Wikipediots: Who are these devoted, even obsessive contributors to Wikipedia? pilobaca 22 Mei 2018
- ↑ Look Who's Using Wikipedia Diarsipkan 2013-08-24 di Wayback Machine. pilobaca 22 Mei 2018
- ↑ Wikipedia remains go-to site for online news pilobaca 22 Mei 2018
- ↑ Wikipedia Founder Jimmy Wales Responds pilobaca 22 Mei 2018
- ↑ Andreas M. Kaplan, M. Haenlein (2014) Collaborative projects (social media application): About Wikipedia, the free encyclopedia. Business Horizons, 57 Issue 5, pp.617-626
- ↑ "Milis nupedia". Diarsipkan dari versi asli tanggal 2003-04-14. Diakses tanggal 2003-04-14.
- ↑ Tampilan perdana Wikipedia pilobaca 22 Mei 2018
- ↑ meta:Wikipedia milestones
- ↑ Wikipedia cofounder Jimmy Wales on 60 Minutes pilobaca 22 mei 2018