Quintin Craufurd
She ughtar Goaldagh va Quintin Craufurd (22 Mean Fouyir 1743 – 23 Sauin 1819). V'eh ruggit ayns Cill D'Fhinnein, Nalbin.
| Quintin Craufurd | |
|---|---|
| Ruggit | 22 Mean Fouyir 1743 Cill D'Fhinnein, Nalbin |
| Hooar baase | 23 Mee Houney 1819 (76 bleeaney d'eash) Paarys, Reeriaght y Rank |
| Boayl oanluckee | Ruillick Père Lachaise oaie Craufurd |
| Seyraanaght | Reeriaght Unnaneysit y Vretyn Vooar as Nerin |
| Çhengey | Baarle |
| Keird | screeudeyr |
| Sheshey | Eleanore Sullivan (1804 – 1819) |
| Ayr | Quentin Craufurd of Newark |
| Moir | Ann Robinson |
Beashnys
reagh'Sy vea leah echey hie eh dys yn Injey raad hie eh stiagh ayns shirveish Cholught Goaldagh yn Injey Hiar. Haink eh er-ash dys yn Oarpey roish my ren eh roshtyn daeed bleeaney d'eash as berçhys mooar echey. Hie eh dys Paarys raad ren eh beaghey. Hug eh mooarane dys lhiassaghey yn lettyraght as ny h-ellynyn, as chroo eh lioarlann vie as çhaglym dy pheintalyn, boynnyn, as reddyn elley shenndeeagh.
Va Craufurd mynoayllagh rish y chooyrt Rangagh, as rish Marie Antoinette er lheh. She eshyn, goll liorish e gliminagh Eleanore Sullivan, fer jeusyn ren reaghey çhea dys Varennes. Ren eh scapail dys y Vrussyl, agh ayns 1792 haink eh er-ash dys Paarys as eh shirrey ny kimmee reeoil y hauail. Ren eh beaghey mastey ny h-eebyrtee Rangagh derrey shee Amiens tra v'eh jantagh filley er-ash dys Paarys. Rere cummaght Talleyrand hannee eh ayns Paarys lurg va'n caggey aa-noait as hooar eh baase ayn er 23 Sauin 1819.