Vincent van Gogh
She peinteyr Eear-Impressionagh Ollanagh va Vincent Willem van Gogh (30 Mayrnt 1853 – 29 Jerrey Souree 1890). Lurg e vaaish, haink er dy ve coontit myr fer jeh ny figgyryn smoo ennoil as smoo cummaghtagh ayns shennaghys ellyn y Theihll Heear. Harrish jeihaght, chroo eh mysh 2,100 obbraghyn, goaill stiagh mysh 860 caslyssyn ooill, y chooid smoo jeu jeant 'sy daa vlein jerrinagh jeh'n vea echey. T'ad goaill stiagh reayrtyn çheerey, jallooyn neu-vio, co-chaslyssyn, as hene-chochaslyssyn marish daaghyn creeoil as skeabeydys dramadagh, breeoil, as trome-cheayllagh lhig da bunneeaght yn ellyn noa-emshyragh. Cha row rah hraghtee echey as, er cooishyn y verginaght as y voghtinys, hooar eh baase rere dunverys hene tra v'eh 37 bleeaney d'eash.
Va van Gogh ruggit lesh lught thie meanvrastyllagh ooasle. She paitçhey trome, kiune, as smooinaghtagh v'eh. Hoshee eh tayrn tra v'eh foast aeg as tra v'eh ny ghooinney aeg ren eh obbraghey myr delleyder ellyn, jurnaaghey dy mennick, agh haink merginaght er tra v'eh scughit dys Lunnin. Chass eh dys y chraueeaght as cheau eh lhing ghiare myr çhaghter Phrotestoonagh y tushtal ayns jiass y Velg. Feie tammylt v'eh beaghey eddyr drogh-laynt as y lomarcanys roish my doshee eh peintal ayns 1881 lurg haink eh er-ash dys y valley echey marish e phaarantyn. Ren e vraar aeg Theo meansal eh; ren y jees jeu freill co-reggyrtys liauyr lesh lettyryn chur da'n enney echey myr ellyneyr lurg e vaaish.
Cha nel daaghyn soilsheanagh sampleyragh yn obbyr yeianagh echey ry-akin ayns ny h-obbraghyn leah echey, va jeant seose jeh caslyssyn neu-vio as tuarystallyn labbreeyn y theay. Ayns 1886, darree eh dys Paarys raad haink eh quail olteynyn y ghleashaght avant-garde, goaill stiagh Émile Bernard as Paul Gauguin, va aa-reggyrt noi yn ennaghtyn Impressionagh. As yn obbyr echey lhiassaghey, chroo eh troa noa dys y jallooderys neu-vio as y reayrt çheerey. Haink er e chaslyssyn dy ve ny s'gilley car y lhing echey ayns Arles ayns jiass y Rank ayns 1888. Car y lhing shen, ren eh mooadaghey cooishyn yn obbyr echey son straihyn biljyn olive, magheryn curnee, as lussyn ny greinney y ghoaill stiagh.
Hurr van Gogh voish y çhingys aignagh, episodeyn shickoysagh, shaghraneyn as, ga dy row eh boirey er y çhickyrys inçhynagh echey, ren eh meerioose er e slaynt fishigoil, cha ren eh ee dy kiart as diu eh dy trome. Haink jerrey lesh e chaarjys marish Gauguin lurg arganeys eddyr y jees oc tra ren van Gogh giarrey peesh jeh'n chleaysh chlee echey liorish skynn-vaaree. Eisht, cheau eh lhingyn ayns thieyn lheihys shickeeatragh, goaill stiagh lhing ayns Saint-Rémy. Lurg ren eh seyrrey eh hene voish ny thieyn lheihys as erreish da arraghey dys yn Auberge Ravoux ayns Auvers-sur-Oise faggys da Paarys, haink eh fo currym y fer lhee homeopathagh Paul Gachet. Hannee y verginaght ayn as er 27 July 1890, t'eh er credjal dy ren van Gogh lhiggey eh hene 'sy chleeau liorish gunnane as hooar eh baase daa laa ny yei marish e vraar Theo ry-laue.
Cha ren van Gogh creck ny caslyssyn echey tra v'eh foast er mayrn as s'mennick dy row eh coontit myr fer keoie as rey, ga dy ren çhaghleyderyn ennagh cur enney er feeuid yn obbyr echey. Cha daink enney mooar er agh lurg e vaaish. Ta schoillaryn jiu cur enney da paart y çhuyr 'sy leigh echey - Jo Bonger-Van Gogh - ayns cummey as ardjaghey yn ard-ghoo echey myr ellyneyr.[2] Daase eh ayns smooinaghtyn y theay myr ard-cheeayllagh nagh row toiggit car e heihll. Daase yn enney echey car y 20oo eash leah tra va peeshyn y vod echey goit stiagh liorish ny Fauvee as ny h-Expressionee Ghermaanagh. Harrish ny jeihaghtyn eiyrtyssagh, hooar eh rah chremeydagh as hraghtee as t'eh coontit jiu myr peinteyr scanshoil as doo-skeealagh ta cur rish smooinaght romansagh yn ellyneyr angaaishagh.
Jiu, ta obbraghyn van Gogh coonit mastey ny caslyssyn smoo deyr 'sy Dowan as ta onnor currit da'n leggad echey liorish Thie Tashtee van Gogh va currit er bun liorish reiltys y Çheer Injil ayns Amsterdam.
Imraaghyn
reagh- ↑ "Sunflowers – Van Gogh Museum". vangoghmuseum.nl. Er ny hashtey veih’n lhieggan bunneydagh er 29 Jerrey Fouyir 2016. Feddynit magh er 21 Mean Fouyir 2016.
- ↑ Russell Shorto, "The Woman Who Made van Gogh," New York Times Magazine 160, no. 59,032 (18 Averil 2021): duillagyn 40–49, feddynit magh er 2 Jerrey Fouyir 2022
Kianglaghyn magh
reagh