Yn Yugoslaavey
She yn Yugoslaavey yn ennym ta currit er tree ynnydyn lheamyssagh politickagh ayns ny Çheeraghyn Balkanagh. She Çheer ny Slavee Yiassagh y keeall lesh yn ennym ayns çhengaghyn Slavagh ny Balkanee. V'ee Reeriaght ny Yugoslaavey y chied çheer dy row yn ennym shen currit urree. V'eh Reeriaght ny Serbee, ny Croitee as ny Sloveanee yn ennym oikoil urree, as v'ee bunnit ayns Mee ny Nollick 1918. Va'n ennym ceaghlit er 3 Jerrey Fouyir 1923 dys "Reeriaght ny Yugoslaavey".
1 -
Reeriaght ny Yugoslaavey2 -
PCH ny Yugoslaavey3 -
Pobblaght Chonastagh ny YugoslaaveyAyns 1941 ren yn Iddaal as y Ghermaan ruegey er yn Yugoslaavey as myr shen va'n reeriaght creaghnit 'sy vlein 1945. Va'n "Yugoslaavey Gheynlagh Chonastagh" fogrit 'sy vlein 1943 as 'sy vlein 1946 va'n ennym ceaghlit dys "Deynphobblaght Chonastagh ny Yugoslaavey" as va'n reiltys fo stiurey cummynagh. Va'n ennym ceaghlit reesht ayns 1963 dys Pobblaght Chonastagh Hoshiallagh ny Yugoslaavey. Va'n çheer co-yeant jeh shey pobblaghtyn soshiallagh: y Clovean, y Chroit, Bosnia as Herzegovina, Montenegro, y Serb, as y Vassadoan.
Ny yei tuittym veih my cheilley ny Yugoslaavey ayns ny 1990yn va Yugoslaavey noa bunnit eddyr y Serb as Montenegro myr Pobblaght Chonastagh ny Yugoslaavey. Agh va jerrey currit dy h-oikoil ayns 2006 tra hooar Montenegro e neuchroghedys.