Michael Caine
She aghteyr Sostynagh eh yn Reejerey Michael Caine CBE (ruggit myr Maurice Joseph Micklewhite er 14 Mayrnt 1933). T'eh goll er enney son e vlass voish Lunnin Yiass, as t'eh er chloie ayns ny smoo na 160 scannane harrish shiaght jeihaght. T'eh coontit mastey jallooagyn mooarey y scannaneaght Ghoaldagh.[1][2] T'eh er chosney ram aundyryn eigsoylagh, goaill stiagh daa Aundyr Academy, Aundyr BAFTA, tree Aundyr Golden Globe, as Aundyr y Screen Actors Guild.
Dy mennick, t'eh cloie Lunninagh. Ren eh brishey trooid ayns ny 1960yn lesh paartyn roltagagh ayns scannaneyn Goaldagh lheid as Zulu (1964), The Ipcress File (1965), Alfie (1966), The Italian Job (1969), as Battle of Britain (1969). V'eh enmyssit son Aundyr Academy son Alfie. Ren e phaartyn car ny 1970yn goaill stiagh Get Carter (1971), The Last Valley (1971), Sleuth (1972), The Man Who Would Be King (1975), The Eagle Has Landed (1976), A Bridge Too Far (1977), as California Suite (1978). Car ny 1980yn, hooar eh rah chremeydagh feer vooar lesh Dressed to Kill (1980), Educating Rita (1983), as Hannah and Her Sisters (1986) liorish Woody Allen raad hooar eh e chied Aundyr Academy son yn Aghteyr Co-hassooagh Share.
Ta enney mie er Caine foast son e chloiaghyn myr Ebenezer Scrooge ayns The Muppet Christmas Carol (1992), as son e phaartyn aitt ayns Dirty Rotten Scoundrels (1988), Miss Congeniality (2000), Austin Powers in Goldmember (2002), as Secondhand Lions (2003). Hooar eh e nah Aundyr Golden Globe son Little Voice (1998). Ayns 1999, chossyn eh e nah Aundyr Academy son yn Aghteyr Co-hassooagh Share son The Cider House Rules. Ren eh goll er oaie cloie ayns dramaghyn ard-voyllagh lheid as Quills (2000), The Quiet American (2002), as y scannane drama jee-launyssagh Children of Men (2006) liorish Alfonso Cuaron. Ren Caine cloie Alfred Pennyworth 'sy Treeskeealag The Dark Knight (2005–2012) liorish Christopher Nolan. Ta scannaneyn Caine elley liorish Nolan goaill stiagh The Prestige (2006), Inception (2010), Interstellar (2014) as Tenet (2020). Chammah's shen, ren eh cloie 'sy scannane creauagh roosteyrys Now You See Me (2013), 'sy scannane aittys jantys Kingsman: The Secret Service (2014), 'sy drama Iddaalagh Youth (2015) as 'sy scannane kimmeeys King of Thieves (2018).
Imraaghyn
reagh- ↑ O'Connor, Roisin (16 Jerrey Fouyir 2021). "Michael Caine 'not retiring' despite saying Best Sellers was his 'last part'". The Independent. Er ny hashtey veih’n lhieggan bunneydagh er 12 Boaldyn 2022. Feddynit magh er 13 Sauin 2021.
{{cite web}}: Check date values in:|accessdate=(cooney) - ↑ Stephenson, Hannah (18 Jerrey Fouyir 2018). "Sir Michael Caine - story of a British film icon". The Yorkshire Post. Feddynit magh er 13 Sauin 2021.
{{cite web}}: Check date values in:|accessdate=(cooney)
Kianglaghyn magh
reagh