Shellagh (billey)

Shellagh
	; Salix alba 'Vitellina-Tristis'; Morton Arboretum acc. 58-95*1 ;
Rang oaylleeagh
Reeriaght:	Plantae;
Rheynn:	Magnoliophyta;
Rang:	Magnoliopsida;
Oardagh:	Malpighiales;
Kynney:	Salicaceae;
Clein:	Saliceae;
Genus:	Salix; Linnaeus
Dooie
	mysh 400

She billey bun-chooish y duillag shoh. My vel anaase ayd ayns keeall elley yn 'ockle shoh, lhaih Shellagh.

She billey 'sy ghenus Salix ee shellagh. Ta mysh 400 dooie ayn.^[2] She biljyn as crouwyn yn-lhoamey t'ayn, as t'ad ry-akin er thalloo bog feayr y lieh-chruinney Hwoaie son y chooid smoo. T'ad currit da crosh-horraghey, as ta ymmodee crosh-sheelree ayn, dooghyssagh ny ellynagh. Myr sampleyr, ta shellagh lhoobagh (Salix × sepulcralis) ny crosh-sheelragh Salix babylonica Çheenagh as shellagh vane (Salix alba) Europagh.

Jalloo-oaylleeaght

Ta roost ushtagh ec shellee, as ram geayr salicylagh 'sy tapp eck. Ta fuygh meein lhoobagh eck, as fraueyn mooarey frauaigagh.

Ta ny duillagyn eck liauyr dy cadjin, agh foddee ad ve oohchrooagh. Ta oirr duillag 'eeacklagh oc dy mennick. Ta cass duillag beg oc, as dy mennick, ta ny stipuleyn feer vaghtal as gollrish duillagyn feer veg.

Ta buinnaghyn lhiattagh; cha nel buinney jerrinagh erbee eck.

Blaaghyn

Ta shallee dioecious, as ta clooieyn ny gayt firrinagh as bwoirrinagh çheet magh er daa villey. Cha nel seepalyn ny petyllyn ec ny blaaghyn.

Cha nel blaaghyn firrinagh agh staimynyn as trellag naghtyr, nyn soie er crottyl, as eshyn croghey er gass chrouw-vlaaghey. She oohchrooagh as fynnagh eh y crottyl. Ta anthyryn daa-chillagagh oc.

Cha nel blaaghyn bwoirrinagh agh un oohrey as trellag naghtyr er bun chrottyl, as eshyn croghey er gass chrouw-vlaaghey myrgeddin. Ta'n oohrey un-chillagagh, lesh gynoecium daa-vabbagh as ymmodee oohagyn.

Imraaghyn

↑ Genus Salix (willows). Taxonomy. UniProt. Feddynit er 2010-02-04.
↑ ^a ^b Mabberley, D.J. (1997). The Plant Book (Baarle). Cambridge: Cambridge University Press.

Jeeagh er

Newsholme, C. (1992). Willows: The Genus Salix. ISBN 0-88192-565-9
Warren-Wren, S.C. (1992). The Complete Book of Willows. ISBN 0-498-01262-X
Sviatlana Trybush, Šárka Jahodová, William Macalpine and Angela Karp (2008), "A genetic study of a Salix germplasm resource reveals new insights into relationships among subgenera, sections and species", BioEnergy Research 1(1), pp 67 – 79 (link)

She bun ta'n art shoh. Cur rish, son foays y yannoo da Wikipedia.

[UniProt-1] Genus Salix (willows). Taxonomy. UniProt. Feddynit er 2010-02-04.

[Mabberley-2] Mabberley, D.J. (1997). The Plant Book (Baarle). Cambridge: Cambridge University Press.

[2]

[1]