Kungiyar kwallon kafa ta DR Congo
Ƙungiyar ƙwallon kafa ta DR Congo, wadda FIFA ta amince da su a matsayin Congo DR (a hukumance an san ta da Zauren wanda kuma aka fi sani da Kongo-Kinshasa ), tana wakiltar Jamhuriyar Demokradiyyar Kongo a wasan ƙwallon ƙafa na duniya na maza, kuma Hukumar kula da wasan Ƙwallon ƙafa ta Congo ce ke kula da ita. Ana yi musu laƙabi da Damisa. [1] Tawagar mamba ce ta FIFA da kuma hukumar ƙwallon ƙafa ta Afirka (CAF).
 Kungiyar kwallon kafa ta DR Congo | |
|---|---|
 | |
 | |
| Bayanai | |
| Suna a hukumance |
équipe du Zaïre de football |
| Gajeren suna | ZAI |
| Iri | Ƙungiyar Ƙwallon Ƙafar Ƙasa |
| Ƙasa | Jamhuriyar dimokuradiyya Kwango |
| Mulki | |
| Mamallaki |
Fédération Congolaise de Football-Association (en)  |
| fecofa-rdc.com… | |
Congo DR ta kasance a matsayi na ashirin da takwas 28 a cikin jadawalin FIFA. A matsayinsu na Zaire su ne tawagar farko a yankin kudu da hamadar Sahara da suka samu tikitin shiga gasar cin kofin duniya ta FIFA kuma sau biyu sun lashe gasar cin kofin ƙasashen Afrika.
Tarihi
gyara sasheTarihin farko
gyara sasheAn kafa hukumar ƙwallon ƙafa ta Kongo a shekara ta alif dubu ɗaya da ɗari tara da goma sha tara 1919 lokacin da ƙasar ba ta da 'yancin kai. Tawagar ta buga wasanta na farko a shekarar aif dubu ɗaya da ɗari tara da arba'in da takwas 1948 a matsayin Belgium Congo da Arewacin Rhodesia, yanzu Zambiya. Ƙungiyar ta yi nasara da ci ukku da biyu 3-2 a gida. DR Congo tana da alaƙa da FIFA tun a shekarar 1962 kuma ta kasance memba a CAF tun a shekarar alif dubu ɗaya da ɗari tara da sittin da uku 1963. Wasan farko na ƙungiyar shi ne ranar sha ɗaya 11 ga watan Afrilun shekarar alif dubu ɗaya da ɗari tara da sittin da uku 1963, da Mauritania a gasar L'Amitié da aka buga a Dakar, Senegal. DR Congo ta samu nasara a wasan da ci shida da sifili 6-0.[2] Tawagar ƙasar ta fito a gasar cin kofin ƙasashen Afrika a karon farko a shekarar dubu ɗaya da ɗari tara da sittin da biyar 1965.
Zaman ɗaukaka
gyara sasheJamhuriyar Dimokaradiyyar Kwango ta samu nasarar farko ta ƙasa da ƙasa a gasar cin kofin nahiyar Afirka da aka gudanar a shekarar 1968 a ƙasar Habasha, inda ta doke Ghana da ci ɗaya da nema 1-0 a wasan ƙarshe. Nasara mafi girma da ƙungiyar ta taɓa samu ita ce ranar ashirin da biyu 22 ga watan Nuwamba shekarar 1969 lokacin da ta yi nasara a gida da Zambiya da ci 10-1. Ko da yake kaɗan daga cikin 'yan wasan Kongo suna taka leda a Turai (musamman Belgium) a cikin waɗannan shekarun, 'yan wasan da ke waje ba safai ake kiran su zuwa wasan ƙasa da ƙasa; Julien Kialunda wanda ya wakilci Zaire (kamar yadda aka san ƙasar a lokacin) a gasar cin kofin ƙasashen Afirka na shekarar 1972 lokacin da yake taka leda a Anderlecht.
Kambun nahiya na biyu ya zo ne a gasar cin kofin nahiyar Afirka a shekarar 1974 a Masar. Leopards ta samu nasara a kan Guinea da ci 2-1, kuma da ci 2-1 a hannun Congo da ci 4-1 a kan Mauritius. Wannan sakamakon ya kai Zaire zuwa wasan kusa da na ƙarshe inda ta doke Masar mai masaukin baki da ci 3-2. A wasan ƙarshe, Zaire ya tashi kunnen doki da Zambia 2-2. Don haka aka sake buga wasan bayan kwana biyu, inda Zaire ta ci wasan da ci 2-0. Dan wasan Zaire Ndaye Mulamba shi ne ya fi zura ƙwallo a raga da ƙwallaye tara, wanda ya zama tarihi a gasar. Bayan haka, tawagar ta koma Zaire a cikin jirgin shugaban ƙasa, wanda Mobutu Sese Seko ya ba su rance.
Ƙasar Zaire ita ce ta farko da ta fara shiga gasar cin kofin duniya a yankin kudu da hamadar Sahara, inda ta samu tikitin shiga gasar a shekara ta 1974 a madadin kasar Morocco a shekarar 1970, wadda ta doke ta a wasan share fage da ci 3-0 a ƙasar Kinshasa.[3] Irin wannan shi ne sha'awar haɓaka sunan Zaire a matsayin ɗan wasan duniya wanda Mobutu ya biya don tallata tallace-tallace a gasar cin kofin duniya don nuna saƙonni irin su 'Zaire-Peace' da 'Jeka Zaire'. A gasar da kanta, Zaire bai gudanar da zira kwallaye a raga ba kuma ya rasa dukkan wasanninsa, amma ya ba da wasanni masu inganci da Scotland da Brazil. Duk da haka, rashin nasarar da suka yi da Yugoslavia da ci 9-0 ya kasance daya daga cikin mafi munin rashin nasara a gasar cin kofin duniya. Wani abin mamaki ya zo a wasan da Brazil; yana fuskantar bugun daga kai sai mai tsaron gida Mwepu Ilunga, bayan ya ji bugun daga kai sai alkalin wasa ya fice daga bangon Zaire ya buga kwallon a sama, inda ya samu katin gargadi. An zaɓe wannan lokaci mafi girma na gasar cin kofin duniya karo na 17 a zaɓen Channel 4.[4] Ilunga ya bayyana cewa yana sane da dokar kuma yana fatan ya shawo kan alƙalin wasa ya kore shi. Jan kati da aka yi niyya zai kasance zanga-zangar adawa da hukumomin kasarsa, waɗanda ake zargin suna hana ‘yan wasan kuɗaɗensu. Yawancin masu sharhi na zamani a maimakon haka sun ɗauki shi a matsayin misali na "rashin hankali da rashin da'a" na ƙwallon ƙafa na Afirka.[5]
Lokacin rikici
gyara sashe
Bayan lashe gasar cin kofin nahiyar Afirka a shekarar alif dubu ɗaya da ɗari tara da saba'in da huɗu 1974 da kuma halartar gasar cin kofin duniya a shekarar alif dubu ɗaya da ɗari tara da saba'in da huɗu 1974, an fitar da kungiyar a zagayen farko na gasar cin kofin nahiyar Afirka a shekarar alif dubu ɗaya da ɗari tara da saba'in da shida 1976 bayan ta yi kunnen doki da rashin nasara biyu a matakin rukuni. Morocco ta ci gaba da lashe gasar. Daga shekarar alif dubu ɗaya da ɗari tara da saba'in da takwas 1978 zuwa ta alif dubu ɗaya da ɗari tara da tamanin da shida 1986, ƙasar ba ta samu tikitin shiga gasar cin kofin nahiyar Afirka ba, yayin da ba ta shiga gasar neman tikitin shiga gasar cin kofin duniya ta shekarar dubu ɗaya da ɗari tara da saba'in da takwas 1978 da kuma gasar cin kofin duniya ta shekarar alif dubu ɗaya da ɗari tara da tamanin da shida 1986. A gasar cin kofin nahiyar Afirka ta shekarar alif dubu ɗaya da ɗari tara da tamanin da takwas 1988, Zaire ta ƙare a rukuninsu na ƙarshe duk da sun yi canjaras sau biyu.
Komawa ga nasara
gyara sasheDaga shekarar alif dubu ɗaya da ɗari tara da casa'in da biyu 1992 zuwa ta shekarar alif dubu ɗaya da ɗari tara da casa'in da shida 1996, Zaire, ta kai wasan daf da na kusa da na ƙarshe a gasar cin kofin Afrika sau uku a jere. A shekarun alif dubu ɗaya da ɗari tara da casa'in da biyu 1992 da shekarar alif dubu ɗaya da ɗari tara da casa'in da huɗu 1994 Najeriya ta doke su, sannan a shekarar alif dubu ɗaya da ɗari tara da casa'in da bakwai 1996 Ghana ta doke su. A shekarar alif dubu ɗaya da ɗari tara da casa'in da bakwai 1997, ƙasar ta koma tsohuwar sunanta na Jamhuriyar Dimokaradiyyar Kwango, kuma aka sake sanya wa tawagar ƙasar laƙabi da Simbas, sunan da ya tsaya tsayin daka tsawon shekaru tara masu zuwa.[6] DR Congo ta buga wasanta na farko a ranar 8 ga watan Yunin, shekarar alif shekara ta alif dubu ɗaya da ɗari tara da casa'in da bakwai 1997 a Pointe-Noire wanda aka tashi da ci ɗaya da sifili 1-0 a hannun jamhuriyar Congo. A gasar cin kofin Afrika a shekarar alif dubu ɗaya da ɗari tara da casa'in da takwas 1998, DR Congo, ƙarƙashin jagorancin Louis Watunda, ta samu abin mamaki a matsayi na uku, bayan da ta doke Kamaru a wasan daf da na kusa da na ƙarshe, sannan Burkina Faso mai masaukin baki da ci huɗu da ɗaya 4-1 a bugun fenareti a wasansu na ƙarshe bayan da suka ci ƙwallaye uku a makare a karawar. Huɗu da huɗu 4–4.
A gasar cin kofin nahiyar Afirka da aka yi a shekarar dubu biyu 2000, tawagar ta zo ta uku a rukuninsu, kuma a shekarar dubu biyu da biyu 2002 Senegal ta fitar da su a wasan kusa da na ƙarshe. Sannan, a shekarar alif dubu biyu da huɗu 2004, an fitar da DR Congo bayan da ta sha kashi sau uku a jere a matakin rukuni. A shekara ta alif dubu biyu da shida 2006 Claude Le Roy ke jagoranta, bayan da Kamaru ta ƙare a matsayi na biyu a rukunin, Masar ta yi waje da Congo a wasan daf da na kusa da karshe da ci huɗu da ɗaya 4-1.
Manazarta
gyara sashe- ↑ "BBC SPORT | WORLD CUP | History | 1974: Zaire's show of shame". BBC News. 22 May 2002. Retrieved 15 November 2013.
- ↑ Courtney, Barrie (14 June 2007). "DR Congo (Zaire, Congo-Kinshasa) – List of International matches". FRSSF. Retrieved 10 November 2010.
- ↑ "Leopards roar to Germany 1974". FIFA.com. Archived from the original on 23 September 2016. Retrieved 21 September 2016.
- ↑ "Explore". Channel 4. Retrieved 15 November 2013.
- ↑ "The Joy of Six: Symbolic reducers, including Roy Keane, Norman Whiteside and Benjamin Massing | Football". London: theguardian.com. 23 July 2007. Retrieved 15 November 2013.
- ↑ "Football Team Nicknames". topendsports.com. Retrieved 22 September 2016.
