Choraiya (Scientific naam: Amaranthus viridis, English: Slender Amaranth, Green Amaranth, Pigweed, Prince of Wales feather, Kaiviti: moca, ndriti, ngasau ni vuaka, tubua, tumbua) ek rakam ke bhaji hai jiske Fiji ke Hindustani log khaae hai. Ii garam des me hoe hai.
Gadraa (Scientific naam: Chrysopogon zizanioides, English: cuscus grass, khus-khus, vetiver grass, Kaiviti: mulimuli) ek rakam ke grass hai jiske Fiji me soil erosion ke roke khatir kaam me lawa jaae hai. Ii garam des me hoe hai.
Jamun (Scientific naam: Syzygium cumini, English: jambul, jamblang, jambolan plum, Java plum, Kaiviti: kavika ni India) ek rakam ke perr hai jiske fal ke khawa jaae hai. Ii garam des me hoe hai.
Ghoraiya (Scientific naam: Eleusine indica , English: Indian goosegrass, Wiregrass, Crowfootgrass, Kaiviti: kavoronaisivi, vorovoroisivi) ek rakam ke giras hai jiske weed maana jaae hai. Ii garam des me hoe hai.
Karamua (Scientific naam: Ipomoea aquatica , English: water spinach, swamp cabbage, water convolvulus, water morning-glory, Kaiviti: luve ni tombithi, ndrinikava, ota karisa, ota karisi, wa kumala) ek rakam ke faile waala bhaji hai jiske khawa jaae hai. Ii garam des me hoe hai.
Kundru (Scientific naam: Coccinia grandis, English: ivy gourd, scarlet gourd, scarlet-fruited gourd, Kaiviti: -) ek rakam ke faile waala paudha hai jiske fal ke kachchaa khawa jaae hai. Ii garam des me hoe hai.
Mircha (Scientific naam: Capsicum frutescens, English: bird chili, bird pepper, bird's-eye chili, bird's-eye pepper, hot pepper, perennial chili, red chili, spur pepper, Tabasco pepper, tobasco, Kaiviti: mboro, mboro nganga, mboro ni vavalangi, rokete) ek rakam ke paudha hai jiske fal kaafi titta rahe hae aur jiske khana banae me kaam me lawa jaae hai. Ii garam des me hoe hai.
Tulsi (Scientific naam: Ocimum basilicum , English: basil, common basil, mint, sweet basil, Kaiviti: tomole) ek rakam ke herb hai jiske Hundu lod puja me kaam me laae hai. Ii garam des me hoe hai.
Balambala (Scientific naam: Cyathea lunulata, Kaiviti: Balabala, English: Tree fern) ek rakam ke fern hai jon ki perr ke rakam rahe hai. Iske trunk 8-10 m, aur kabhi kabhi 20 m talal, lamba rahe hai. Iske patti 6m talak lamba rahe hai. Ii garam aur dher paani barse waala des me hoe hai aur sea level se lae ke 100m uuncha jagah talak hoe sake hai. Ii dher island me jaise ki, Solomon Islands, Vanuatu, Samoa, New Caledonia, Fiji, Tonga, Bismarck Archipelago, Caroline aur Mariana Islands me hoe hai. Ii 0 C° talak ke thanda mausam sahe sake hai.
Dakua (Scientific naam: Agathis macrophylla, English: Pacific Kauri, Kaiviti: Dakua) ek rakam ke coniferous perr hai jiske south west Pacific Ocean ke island me, jaise ki Fiji, Vanuatu, Santa Cruz Islands, aur Solomon Islands, me pawa jaae hai. Ii perr Pacific ke des me sab se barraa aur sab se jor barrhe waala perr hai. Iske timber se khar aur boat banawa jaae hai.
Pakarr (Scientific naam: Ficus obliqua, English: Banyan Tree, Justice Tree, Strangler Fig, Kaiviti: Baka) ek rakam ke fig perr hai jiske Fiji me India se lawa gais hai. Ii perr 35 m (100 ft) uuncha aur motaa hoe sake hai. Isme sea-weed ke rakam aerial jarr rahe hai jisse kuch log dare hai aur iske bhuut se associate kare hai. Ii perr ke Justice Tree bhi bolaa jaae hai kahe ki India me iske niche baith ke jabani contract pe agree karaa jawat rahaa.
Chakotra (Scientific naam: Citrus maxima, English: Pomelo, Chinese grapefruit, Kaiviti: Molikana) ek rakam ke nabbu hai jon ki nabbu plawaar me sab se barraa hai. Iske size ek basketball ke rakam hoe sake hai aur iske weight 1 -2 kg tak rahe sake hai. Iske rang pale green se lae ke yellow tak rahe hai jab ki ii pakka rahe hai tab aur iske flesh pink nai to laal rahe hai. Iske jaada kar ke South East Asia ke des me pawa jaae hai.
Khatta nabbu (Scientific naam: Citrus medica, English: Citron, Kaiviti: Molikaro) ek rakam ke nabbu hai jon ki khatta hai aur iske lage dawai ke tagat hai. Ii jaada kar ke garam des me hoe hai.
Kapok (Scientific naam: Ceiba pentandra, English: Kapok, Kaiviti: Kapok) ek rakam ke barraa perr hai jisme se rui nikaal ke takia aur gadda me bhara jaae hai. Ii perr 60-70 m (200-230 ft) uuncha aur iske trunk 3 m (10 ft) talak diameter me rahe hai.
Sankh (Scientific naam: Turbinella pyrum, English: Conch, Kaiviti: Davui) ek khara pani waala barrra snail ke shell hai jiske Kaiviti logan aapan ceremony me bajae hai. Iske machhri beje ke time bhi bajawa jaae hai. Hindu log iske katha me bajae hai.
Damu (Scientific naam: Lutjanus argentimaculatus, English: Mangrove red snapper, Mangrove Jack, Kaiviti: Damu) ek rakam ke machhri hai jon ki tiritiri aur naddi ke mouth pe pawa jaae hai. Isme kabhi kabhi jahar rahe hai.
Kanace (Scientific naam: Mugil cephalus, English: Mullet, Kaiviti: Kanace) ek rakam ke machhri hai jon ki tiritiri aur naddi ke mouth pe pawa jaae hai. Isme kabhi kabhi jahar rahe hai.
Kawango (Scientific naam: Lethrinus nebulosus, English: Sprangled emporer, Kaiviti: Kawago) ek rakam ke machhri hai jiske Pacific aur Indian Ocean ke garam jagah pe pawa jaae hai.
Kawakawa (Scientific naam: Epinephelus merra, English: Rock cod, Kaiviti: Kawakawa) ek rakam ke machhri hai jon ki samundar me rock ke biich me rahe hai.
Ongo (Scientific naam: Sphyraena barracuda, English: Barracuda, Kaiviti: Ogo) ek rakam ke machhri hai jon ki samundar me pawa jaae hai. Ii 6 feet tak lamba rahe sake hai aur iske lage bahut tagatwar jaw hai.
Hibiscus, ek rakam ke fuul waala perr hai jon ki Fiji me sab jagah pe hoe hai. Lag bhag 200 species ke hibuscus hai, lekin Fiji me sab se common hae laal hibiscus (Hibiscus rosa-sinensis) aur ii India se dunia bhar faela hai. Ii biswas karaa jaae hai ki, iske extract ke murr me lagae se baar kamti giri aur rusi bhi kamti hoe jaai. Hibiscus ke ek species South Korea ke national flower aur duusra, Malaysia ke national flower hai. Fiji me Hibiscus ke hedge banae khatir kaam me lawa jaae hai aur Suva me ek carnival ke naam ii fuul ke baad, Hibiscus Festival, rakkha gais hai.
Tagimoucia (pronounced:tahng-ee-mo-thee-ya), (Scientific name: medinilla waterhousei), Fiji ke national fuul hai, jon ki ek faile waala paudha me laal rang ke fuul, jiske biich ujjar hai, ke fuul hai. Iske chapa ke Fiji ke dher postage stamp me rakkha gais hai. Ii fuul ke khali Taveuni ke Mount Uluigalau ke uppar volcanic cratar se banaa talao ke kinare pawa jaae hai. Bahut kosis kare par bhi iske aur koi jagah nai jamawa jae sakaa hai. Kaiviti log batae hai ki ii fuul ek larrki, jon ki fuul ke vine me fas gais rahaa, ke aansu se banaa hai. Iske baare me aur khissa bhi hai lekin Kaviviti me iske naam ke matlab hai: "niind me ro"
Anaar (English: pomegranate), (Scientific name: Punica granatum), ek rakam ke fal de waala patajhaṛī jhaarri, nai to perr, hai jon ki 5 -8 metre lamba hoe sake hai. Ii biswas karaa jaae hai ki anaar Persia aur India se suruu hoe ke Mediterranean me fael gais hai. Span me ek city ke naam (Granada), anaaar ke naam se aais hai
Bulbul, (Scientific name: Pycnonotus jocosus), ek Asia ke chirria hai jiske tropical asia ,jisme India, South-East Asia aur China hai, me pawa jaae hai. Iske New South Wales, Mauritius, Fiji aur Florida me bhi introduce karaa gais hai. Ii chirria fal ke bia ras aur kirwa khae hai.
Bougainvillea (scientific naam: Bougainvillea spectabilis), South America ke ek fuul waala perr hai. Iske perr me kanta hai aur ii ek faile waala perr hai jon ki 1-12 meters lamba rahe hai. Ii perr tropical jagah me sab time green rahe hai. Iske patti, 4-13 cm lamba aur and 2-6 cm chakla rahe hai. Iske fuul chhota rahe hai aur dher rang ke rahe sake hai. Fiji me ii fuul ke sab bagal boya jaae hai aur Ba me ek festival, Bougainvillea Carnival ii fuul ke naam se rakha gais hai.
Medhak (scientific naam: Bufo marinus), South America ke native hai lekin iske Carribean aur Pacific, jisme Fiji aur Australia bhi hai, me ganna ke khet me insect ke khae khatir introduce karaa gais rahaa. Lekin ii janwar bahut native species ke barbaad kar diis hai.
Fiji Crested Iguana (Brachylophus vitiensis), Fiji me dui rakam ke iguana me se ek hai. Duusra iguana hai, Banded iguana (Brachylophus fasciatus). Duuno species iguana ke ek species me se evolve bhain hai jon ki South America se raft me bahe ke Fiji pahucha rahin. Fiji Crested Iguana ke 1979 me pahila dafe, University of the South Pacific ke Dr John Gibbons paais rahaa. Fiji Crested Iguana ke Banded iguana se antar iske male pe tiin patra ujjar band se karaa jaae sake hai jab ki Banded iguana me mota, chakla, blue band rahe hai. Fiji Crested Iguana duusra species se baraa hai, iske pithi me spiny "crest" hai aur ii aapan rang badal ke karia kar le sake hai. Ii iguana ke khali Yadua Taba Island me pawa jaae hai kahe ki huan pe bakrri nai hai jon ki iguana ke rahe waala jagah ke barbaad kar de hai.
Naura (scientific naam: Helogale parvula), ek chhota gos khaae waala janwar hai. Iske English naam, mangoose, Marathi sabd, mangus, se aais hai. Naura, Asia, Africa aur Southern Europe ke native hai, lekin iske Caribbean aur Fiji me introduce karaa gais hai. Naura, kirwa, kekrra, earthworm, bustuina, saamp, murgi aur chuha khaae hai. Naura ke kuchh species jaharila saamp ke bhi maare sake hai
Maina (scientific naam: Acridotheres tristis), South aur East Asia ke native hai, lekin iske North America, Australia New Zealand aur Fiji me introduce karaa gais hai. Maina, ek medium size ke chirriya hai jiske lage tagrra gor aur jon ki sidha line me urre hai. Maina kirwa aur fal khaae hai. Iske pakhna, dark rang ke rahe hai, jaada kar ke brown rang aur ii perr ke gadhaa me rahe hai.
