Dźěwin (wjes)

**Dźěwin**
němsce	Groß Düben
	Dźěwin (wjes) na karće Sakskeje
	Dźěwin (wjes) na karće Sakskeje
Zakładne daty
stat	Němska
zwjazkowy kraj	Sakska
wokrjes	Zhorjelski
wysokosć	132 metrow n.m.hł.
přestrjeń	15,08 km²
wobydlerstwo	1.067 (31. dec 2023)
hustosć zasydlenja	71 wob. na km²
póstowe čisło	02959
předwólba	(+49) 035773
awtowa značka	GR, LÖB, NOL, NY, WSW, ZI
Politika a zarjadnistwo
wjesnjanosta	Sebastian Bertko (bjezstronski)
webstrona	grossdueben-online.de
Połoženje w Sakskej
	Karta
	wikidata: Dźěwin (Q502548)

Dźěwin (němsce Groß Düben) je wjes a gmejna w sewjerowuchodnym dźělu sakskeje Hornjeje Łužicy. Leži na samym sewjeru Zhorjelskeho wokrjesa blisko braniborskeje hranicy. K Dźěwinskej gmejnje słuša wot 1999 wjesny dźěl Brězowka.

51.56666666666714.566666666667

Koordinaty: 51° 34′ S, 14° 34′ W

Dźěwin přisłuša Slepjanskej wosadźe a teritorijej Slepjanskeje narěče a je dźěl serbskeho sydlenskeho ruma.

Geografija

Gmejna nadeńdźe so někak sydom kilometrow sewjerozapadnje Běłeje Wody a třinaće kilometrow wuchodnje Grodka při sewjerozapadnej kromje Mužakowskeje hole. Saksko-braniborska krajna hranica wotpowěduje tule tež historiskej hranicu mjez Hornjej a Delnjej Łužicu. Susodne gmejny su Feliksowy jazor (wokrjes Sprjewja-Nysa) na sewjeru, Cersk na sewjerowuchodźe, Jemjelica-Źěwink a Jabłońc na wuchodźe, Běła Woda a Trjebin na juhu kaž tež Slepo a Grodk na zapadźe.

Stawizny

Prěnje historiske naspomnjenje jako Groß Duben pochadźa z lěta 1464. Přez lětstotki słušeše Dźěwin do Mužakowskeho knjejstwa, kotrež wobhospodarješe tež swójski wudwór we wsy.^[2] Cyrkwinsce bě Dźěwin hižo w 16. lětstotku dźěl Slepjanskeje wosady.

W lěće 1999 bu susodna Brězowka zagmejnowana.

Wobydlerstwo

W lěće 1884 měješe wjes po Mukowej statistice 302 wobydlerjej, mjez nimi 292 Serbow (97 %).^[3] Arnošt Černik zwěsći 1956 serbski podźěl wobydlerstwa wot jenož hišće 56,7 %.^[4]

Wjesnej dźělej

Dźěwinska gmejna wobsteji ze slědowaceju wsow:

	wob.	přer. staroba	♀/♂^a	kwocient młodych^b	kwocient starych^c	wosoby/ domjacnosć
Brězowka	523	45,0	100	20	30	2,8
Dźěwin	624	46,2	114	20	32	2,5
gmejna	1174	45,6	108	20	31	2,6
podaća po cencusu 2011; staw: 9.5.2011^[5] a: ličba mužow na 100 žonow b: poměr ličby wosobow pod 18 lětami k 100 wosobam mjez 18 a 65 c: poměr ličby wosobow nad 65 lětami k 100 wosobam mjez 18 a 65

Politika

Gmejna słuša k sakskemu wólbnemu wokrjesej 57 (Zhorjelc 1) a k zwjazkowemu wólbnemu wokrjesej 157 (Zhorjelc).

Žórła

↑ Aktualne ličby wobydlerstwa po gmejnach 2023; Statistiski krajny zarjad Sakskeje
↑ Dźěwin w Digitalnym stawizniskim zapisu městnow Sakskeje (němsce)
↑ Ernst Tschernik: Die Entwicklung der sorbischen Bevölkerung. Akademie-Verlag, Berlin 1954, str. 117. → wšě wjeski
↑ Ludwig Elle: Sprachenpolitik in der Lausitz. Ludowe nakładnistwo Domowina, Budyšin 1995, str. 255. [600 wobydlerjow, z nich 217 dorosćenych z aktiwnymi znajomosćemi serbšćiny, 42 z pasiwnymi, 81 serbskich dźěći a młodostnych, 260 bjez znajomosćow] → wšě wjeski
↑ Statistiski krajny zarjad Sakskeje: gmejna Dźěwin (němsce)

Wotkaz

Commons: Dźěwin – Zběrka wobrazow, widejow a awdiodatajow

Města a gmejny w Zhorjelskim wokrjesu

[Metadaty_wobydlerstwo_DE-SN-1] Aktualne ličby wobydlerstwa po gmejnach 2023; Statistiski krajny zarjad Sakskeje

[2] Dźěwin w Digitalnym stawizniskim zapisu městnow Sakskeje (němsce)

[3] Ernst Tschernik: Die Entwicklung der sorbischen Bevölkerung. Akademie-Verlag, Berlin 1954, str. 117. → wšě wjeski

[4] Ludwig Elle: Sprachenpolitik in der Lausitz. Ludowe nakładnistwo Domowina, Budyšin 1995, str. 255. [600 wobydlerjow, z nich 217 dorosćenych z aktiwnymi znajomosćemi serbšćiny, 42 z pasiwnymi, 81 serbskich dźěći a młodostnych, 260 bjez znajomosćow] → wšě wjeski

[5] Statistiski krajny zarjad Sakskeje: gmejna Dźěwin (němsce)

[1]

[2]

[3]

[4]

[5]