Galiciska

Galiciska (prjedy serbsce tež Haliska; ukrainsce Галичина/Halyčyna, pólsce Galicja) je historiska krajina na zapadnej Ukrainje (Wuchodna Galiciska) a w juhowuchodnej Pólskej (Zapadna Galiciska). Wona běše wot lěta 1772 we wobsydstwje Rakuskeje a wot 1804 oficielny dźěl rakuskeho kejžorstwa. Mjez 1867 a 1918 běše jako Kralestwo Galiciskeje a Lodomerskeje z dźělom rakuskeje połojcy Rakusko-Wuherskeje. Zarjadniske sydło kralestwa běše Lwów.

Topografiska karta kralestwa Galiciskeje (1846–1918)

Wopon Galiciskeje

Mjeno regiona pochadźa wot města Halič na dźensnišej Ukrainje, kotrež běše stolica historiskeho wjerchowstwa na tutym teritoriju.

Po rozpadźe Rakusko-Wuherskeje słušeše Galiciska wot 1918 do 1939 dospołnje k Pólskej; wot 1945 je mjez Pólskej a Ukrainu (tehdy hišće dźěl Sowjetskeho zwjazka) rozdźělena.

K tradicionelnje wjacerěčnemu a multikonfesionelnemu wobydlerstwu krajiny słušeše hač do Druheje swětoweje wójny tež wjele Židow.

Wotkaz

 Commons: Galiciska – Zběrka wobrazow, widejow a awdiodatajow