Hora (Bóšicy)

**Hora**
Guhra
	Połoženje Hory na karće Hornjeje Łužicy
	Połoženje Hory na karće Hornjeje Łužicy
gmejna:	Bóšicy
zagmejnowanje:	1. apryla 1936
wobydlerstwo:	74 (31. decembra 2022)
wysokosć:	195 metrow n.m.hł.
	51.24361111111114.286111111111195 Koordinaty: 51° 14′ 37″ S, 14° 17′ 10″ W
póstowe čisło:	02699
předwólba:	035933
starše mjena:	Gor (1312/1354), Goer (1419), Guere, Gure, Guhre, Guhere (1558), Gora (1559)
	wobydler/ka:; Horjan/ka
	adjektiw:; Horjanski
	skłonowanje:; Hory, Horje, Horu, Horu, na Horje
	Powětrowy wobraz Powětrowy wobraz
	wikidata: Hora (Q160784)

Hora (němsce Guhra) je hornjołužiska wjeska w sakskim wokrjesu Budyšin, kotraž słuša wot lěta 1936 k Bóšicam.

Geografija

Napohlad wjeski ze zapada (ze směra Jaseńcy)

Hora nadeńdźe so w Hornjołužiskich honach při juhowuchodnej kromje katolskeho serbskeho kraja. Susodne wjeski su Bóšicy na sewjeru, Nowy Łusč a Wutołčicy na juhowuchodźe, Nowa Jaseńca a Łusč na juhozapadźe kaž tež Jaseńca na sewjerozapadźe. Wuchodnje Hory nadeńdu so wětřikowy park, něhdyša hlinowa jama a Wětrowska deponija.

Při křižowanišću Wutołčanskeho puća z dróhu, wjedźacej k deponiji, steji wopomnjenski kamjeń za Jakuba Nowaka-Horjanskeho.

Ležownostne mjena

Arnošt Muka je slědowace ležownostne mjena w swojej Statistice zapisał: Syporšća, Lada, Brězynki, Parjeńcy.

Stawizny

Wjeska naspomni so prěni raz w lěće 1312 jako knježe sydło wěsteho Ticzko de Gor.^[2] a steješe tež w slědowacych lětstotkach zwjetša pod ležownostnym knjejstwom ryćerkubła.

Wobydlerstwo

W lěće 1925 měješe Hora 82 katolskich a 44 ewangelskich wobydlerjow. Katolscy přisłušachu Chróšćanskej a ewangelscy Njeswačanskej wosadźe. Po Mukowej statistice rěčachu w lěće 1884/85 wot 111 wobydlerjow 109 serbsce.^[3]

Wosobiny

Jakub Žur (1821–87) – farar, narodny a socialny prócowar
Jakub Nowak-Horjanski (1864–1938) – farar, domiznowědnik, spisowaćel
Jurij Rjeda (1881–1951) – katolski farar w Kamjencu

Wobrazarnja

Knježi dom na Horje
Hora na karće wokoło lěta 1800
Wětrnikowy park
Swjaty křiž při Jasčanskim puću
Wopomnjenski kamjeń za Jakuba Nowaka
Wojerski pomnik we wsy

Hlej tež

Kulturne pomniki na Horje

Žórła

↑ staw: 31. decembra 2022; Podaća gmejnskeho zarjadnistwa Njeswačidło
↑ Hora w Digitalnym stawizniskim zapisu městnow Sakskeje (němsce)
↑ Ernst Tschernik: Die Entwicklung der sorbischen Bevölkerung. Akademie-Verlag, Berlin 1954. → wšě wjeski

Wotkaz

Commons: Hora – Zběrka wobrazow, widejow a awdiodatajow

Wjesne dźěle Bóšic

[1] staw: 31. decembra 2022; Podaća gmejnskeho zarjadnistwa Njeswačidło

[hov-2] Hora w Digitalnym stawizniskim zapisu městnow Sakskeje (němsce)

[3] Ernst Tschernik: Die Entwicklung der sorbischen Bevölkerung. Akademie-Verlag, Berlin 1954. → wšě wjeski

[1]

[2]

[3]