Klěšnik

**Klěšnik**
Wolkenberg
	Klěšnik na karće Delnjeje Łužicy
	Klěšnik na karće Delnjeje Łužicy
město:	Grodk
wobydlerstwo:	(31. decembra 2019)
	51.60666714.259167 Koordinaty: 51° 36′ 24″ S, 14° 15′ 33″ W
póstowe čisło:
předwólba:
	Klěšnik na karće z lěta 1919 Klěšnik na karće z lěta 1919
	wikidata: Klěšnik (Q2592480)

Klěšnik (němsce Wolkenberg) bě delnjołužiska holanska wjeska a gmejna juhowuchodnje Drjowka a sewjerozapadnje Grodka, kotraž bu w lětomaj 1991/92 wotbagrowana za brunicowu jamu Wjelcej-juh. Teritorij gmejny słuša wot 1. januara 1991 ke Grodkej. Dźensa nadeńdźe so na městnje něhdyšeje wsy kumštna winica. Ke Klěšnikej słušeštej wutwaraj Dolań a Gribownja.

Wjeska namakaše so w hórkatej krajinje při kromje Łužiskeje wuhrody a bu prěnjotnje załožena wosrjedź bahnow. Hižo w 13. lětstotku steješe tu prěnja cyrkej, nimo toho nadeńdźechu při wurywanjach powostanki ze słowjanskeje doby a srjedźowěka. Někotre z nich su dźensa w słowjanskim hrodźe w Radušu widźeć. Klěšnik bě kulowc, ke kotremuž słušachu wot 18. lětstotka tež wudwór Gribona a wutwaraj Dolań a Michojc. Prěnje historiske naspomnjenje pochadźa z lěta 1353.

Cyrkej, kotraž steješe na hórce wosrjedź Klěšnika, bě twarjenje z 15. lětstotka. Wona bu hromadźe z wjesku wokoło 1990 wottorhana. Jeničce jeje drjewjana wěža zaměstni so do Pricyna.

Wobydlerstwo a rěč

Model Klěšanskeje cyrkwje

Po statistice Arnošta Muki rěčachu w lěće 1884 wot cyłkownje 329 wobydlerjow Klěšnika 318 delnjoserbsce.^[2] Arnošt Černik zwěsći w lěće 1956 jenož hišće třoch serbskorěčnych wobydlerjow. Hač do lěta 1889 wotměwachu so w Klěšniku Bože słužby w delnjoserbskej rěči.

Hač do prěnjeje połojcy 20. lětstotka nošachu žony z Klěšnika serbsku drastu. Wjes słušeše k Grodkowsko-Złykomorowskej drastowej kónčinje. Po Druhej swětowej wójnje dóńdźe k wožiwjenju serbskeje drasty, tak zo předstajichu Klěšničenju w lěće 1983 składnostnje 700-lětneho wobstaća Wjelceje serbski kwasny ćah. Po přesydlenju załožichu drastowe towarstwo Grodkowski serbski kwasny ćah z.t., kiž dale serbske tradicije haješe.

Hlej tež

Lisćina wotbagrowanych wsow we Łužicy

Žórla

Frank Förster: Verschwundene Dörfer im Lausitzer Braunkohlenrevier. [=Spisy Serbskeho instituta 8] Wobdźěłane a rozšěrjene wudaće, Ludowe nakładnistwo Domowina, Budyšin 2014, str. 357–364, ISBN 978-3-7420-1623-2.

Archiv verschwundener Orte Forst/Horno: Dokumentation bergbaubedingter Umsiedlung. 2010, str. 188sl.

↑ staw: 31. decembra 2019; Ortsteile der Stadt Spremberg na oficielnej webstronje Grodka (němsce)
↑ Ernst Tschernik: Die Entwicklung der sorbischen Bevölkerung. Akademie-Verlag, Berlin 1954. → wšě wjeski

Wotkaz

Commons: Klěšnik – Zběrka wobrazow, widejow a awdiodatajow

[1] staw: 31. decembra 2019; Ortsteile der Stadt Spremberg na oficielnej webstronje Grodka (němsce)

[2] Ernst Tschernik: Die Entwicklung der sorbischen Bevölkerung. Akademie-Verlag, Berlin 1954. → wšě wjeski

[1]

[2]