Oblasć Lwów

**Lwówska oblasć**
Львівська область (uk.)
Wopon oblasće	Chorhoj oblasće
Zakładne daty
přestrjeń	21.833 km²
wobydlerstwo	2.538.400 (2014)
hustosć zasydlenja	116 wob./km²
stolica	Lwów
	Karta
awtowa značka	BC
webstrona	loda.gov.ua

49.66723.661

Koordinaty: 49° 40′ S, 23° 40′ W

Oblasć Lwów abo Lwówska oblasć (ukrainsce Львівська область/Lwiwska oblast) je oblasć na zapadźe Ukrainy, sewjernje Karpatow. Stolica a zdobom najwjetše město je Lwów (Lwiw). Oblasć ma něhdźe 2,5 milionow wobydlerjow na přestrjeni wot 21.800 kwadratnych kilometrow a słuša tuž k wjetšim oblasćam Ukrainy.

Geografija

Oblasć mjezuje na zapadźe z Pólskej a tuž z Europskej uniju. Susodne ukrainske oblasće su Wołynska na sewjeru, Riwne a Ternopilska na wuchodźe, Iwanofrankiwska na juhowuchodźe a Zakarpatska na juhu.

Najwažnišej rěce na teritoriju oblasće stej Dnjestr, kotrež so w Lěsnych Karpatach na juhu Lwówskeje oblasće wužórli, a Zapadny Bug, kiž přeběži sewjerny dźěl oblasće.

Zarjadnistwo

Oblasć Lwów wobsteji z 20 rajonow a dźewjeć městow, kotrež podsteja bjezposrědnje zarjadnistwu oblasće. To su města:

Stawizny

Najwjetši dźěl dźensnišeje oblasće słušeše wot 1772 do rakuskeho kraja Galiciska a sta so po Prěnjej swětowej wójnje z dźělom Pólskeje. Za čas Druheje swětoweje wójny wojowachu tu Polacy, sowjetske wójsko, ukrainscy zběžkarjo kaž tež němske wójsko.

Wobydlerstwo

Napohlad Lwowa

Židowske pohrjebnišćo w Brodach

Lwówska oblasć ma sobu najwjetši podźěl ukrainskorěčnych wobydlerjow wot wšěch oblasćow. Hač do holocausta měješe region tež sylne židowske wobydlerstwo, kotrež wučinješe w někotrych městach wjetšinu.