Słowakska

Słowakska republika
	zakładne daty:
swójske mjeno	Slovenská republika
stolica	Bratisława
přestrjeń	49.034 km²
wobydlerstwo	5.443.120 (2017)
hustosć	111 wob./km²
forma knježerstwa	parlamentariska republika
hłowa stata	prezident; Peter Pellegrini (wot 2019)
šef knježerstwa	ministerski prezident; Robert Fico (wot 2021)
měna	euro
hamtska rěč	słowakšćina
připóznate mjeńšinowe rěče	madźaršćina, rusinšćina, čěšćina, němčina a dr.
hymna	Nad Tatrou sa blýska
časowe pasmo	UTC +1
njewotwisnosć	1. januara 1993 wot Čěskosłowakskeje
Top Level Domain	.sk
telefon	+421
	Połoženje Słowakskeje w Europje
	Karta

48.6519.55

Koordinaty: 49° S, 20° W

Słowakska (słowaksce Slovensko; hamtsce Słowakska republika, Slovenská republika) je nutřkokrajny stat w srjedźnej Europje, kotryž mjezuje na Čěsku w zapadźe, na Pólsku w sewjeru, na Ukrainu we wuchodźe, na Madźarsku w juhu a na Awstrisku w juhozapadźe. Słowakska nasta přez měrliwe rozdźělenje Čěskosłowakskeje federatiwneje republiki dnja 1. januara 1993.

Stolica a najwjetše město je Bratisława při Dunaju, najwažnišej rěce kraja. Při pólskej hranicy na sewjeru nadeńdu so Wysoke Tatry, najmjeńše wjelhoriny Europy. Wot 2004 je Słowakska ze sobustawom Europskeje unije, wot lěta 2009 płaći zhromadna měna euro.

Wobydlerstwo

Słowakska ma cyłkownje něhdźe 5,4 miliony wobydlerjow. Wjetšina z nich su Słowacy (2011: 80,7 %); najwjetšu etnisku mjeńšinu předstaja Madźarojo (8,5 %), kotřiž su přewažnje na juhu Słowakskeje žiwi. Dwaj procentaj wobydlerjow so k romskej narodnosći wuznawatej a předewšěm w Karpatach na wuchodźe kraja bydla Rusinojo, kotřiž wučinja 0,6 % cyłkowneje ludnosće. Wot dźělenja Čěskeje a Słowakskeje w lěće 1993 płaća tež Češa (0,6 %) jako etniska mjeńšina.^[1]