Čerwjena cycawka

Čerwjena cycawka (Lamium purpureum) je rostlina ze swójby cycawkowych rostlinow (Lamiaceae).

Čerwjena cycawka

Čerwjena cycawka ( Lamium purpureum)
systematika
Domena	Eukaryoty
Swět	Rostlinstwo
	Asteridy Euasteridy I
rjad:	(Lamiales)
swójba:	Cycawkowe rostliny (Lamiaceae)
podswójba:	(Lamioideae)
ród:	Cycawka (Lamium)
družina:	Čerwjena cycawka
wědomostne mjeno
Lamium purpureum
L.

Čerwjena cycawka

Kćenja

Čerwjena cycawka

Ilustracija

Wopis

Čerwjena cycawka je jednolětne trajne zelo, kotrež docpěwa wysokosć wot 20 cm (wot 15 hač do 45 cm). Rostlina často je wioletnje přeběžana.

Stołpik je často wot deleka rozhałuzowany a štyrihranity.

Łopjena

Łopjena sedźa přez křiž přećiwostejne na stołpiku, su na spódku wutrobojte a tupje zubate a docpěwaja dołhosć wot 1 hač do 1,5 cm.

Kćenja

Wona kćěje wot apryla hač do oktobra. Kćenja su róžojte a docpěwaja wulkosć wot 1 hač do 1,5 cm. Hornja hubka ma formu helma. Kćenja sedźa po šesćoch hač po šěsnaćoch w rozporach hornich łopjenow.

Rostlina rosće jara spěšnje a móže na lěto hač do štyri generacijow wupłodźować. Při přihódnych wuměnjenjach kćěje samo w zymje.

Stejnišćo

Wona rosće na rolach, w zahrodach, we winicach, na smjećišćach, na pućach a w hlinjanych jamach. Preferuje čerstwe, wutkate pódy.

Rozšěrjenje

Čerwjena cycawka je w Europje a Aziji rozšěrjena.

Žórła

• GU Naturführer Blumen, ISBN 3-7742-1507-3, strona 136 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 90 (němsce)
• Kral, Jurij: Serbsko-němski słownik hornjołužiskeje rěče. Maćica serbska, Budyšin (1927)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)
• Völkel, Pawoł: Hornjoserbsko-němski słownik, Ludowe nakładnistwo Domowina, Budyšin (1981)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)