Drina
Drina (kyrilisce Дрина) je rěka na Balkanskej połkupje, kotraž běži přez Bosnisku-Hercegowinu a Serbisku. Wona je prawy přitok Sawy a tuž z dźělom přitočnišća Dunaja. Drina nastanje při bosnisko-čornohórskej hranicy mjez městomaj Foča a Nikšić ze žórlicow Tara a Piva. Wobě rěce tworještej – kaž Drina sama – hłuboke wudrjeńcy přez Dinariske horiny.
| Drina, Дрина | |
 Kanjon Driny blisko Višegrada | |
| ćeče přez | Bosnisku-Hercegowinu, Serbisku |
| žórło | z Tary a Pivy pola Šćepan Polje (43° 20′ 54″ S, 18° 50′ 22″ W43.34833333333318.839444444444 ) |
| wysokosć | 441 m |
| wuliw | pola Sremskeje Rače do Sawy (44° 53′ 25″ S, 19° 21′ 14″ W44.89027777777819.353888888889Koordinaty: 44° 53′ 25″ S, 19° 21′ 14″ W ) |
| wysokosć | 90 m |
| spad rěki | 1 m/km |
| rěčina | Tara, Piva, Sutjeska, Lim, Ćeotina, Rzav |
| dołhosć | 346 km |
| přestrjeń rěčiny | 19926 km² |
Wažne města při bosniskim běhu Driny su Foča, Goražde, Višegrad a Zvornik. Niže města Goražde wužiwa so rěka přez wjacore rěčne zawěry za dobywanje energije. Tež najwažniše wobchadne zwiski wuchodneje Bosniskeje wužiwaja dolinu Driny. Nimo toho je jeje delni běh hač do wuliwa z dźělom serbisko-bosniskeje hranicy.
Jeje najwažniše přitoki su (nimo Tary a Pivy) wot praweje strony pochadźace rěki Lim, Ćeotina a Rzav.
Drina dla niłkeje wody pławna njeje.
Wotkaz
wobdźěłać
Commons: Drina – Zběrka wobrazow, widejow a awdiodatajow