Indus
Indus (sanskrit सिन्धु Sindhu; urdusce سندھ Sindh) je z 3180 kilometrami najdlěša rěka na indiskim subkontinenće, jedna z najdlěšich w cyłej Aziji a najwuznamniša rěka Pakistana.
| सिन्धु / سندھ | |
 Indus pola Skardu, Pakistan | |
| ćeče přez | Chinu, Indisku, Pakistan |
| žórło | w Transhimalaji, Tibet (31° 25′ 7″ S, 81° 35′ 48″ W31.41861111111181.596666666667 ) |
| wysokosć | 5300 m |
| wuliw | blisko Sindha do Arabskeho morja (23° 59′ 11″ S, 67° 26′ 13″ W23.98638888888967.436944444444Koordinaty: 23° 59′ 11″ S, 67° 26′ 13″ W ) |
| wysokosć | 0 m |
| dołhosć | 3180 km |
| přestrjeń rěčiny | 980.000 km² |
Wón nastanje w horinach Transhimalaje w Tibeće z wjacorych lodowcowych rěčkow a běži přez rjećaz Himalaje w indiskej prowincy Ladakh a dale přez Kašmir do pakistanskeje prowincy Punjab. Podłu Indusa rozpřestrěwaja so hospodarsce najsylniše kónčiny Pakistana. Rěka słuži tam z pomocu wjele nasypow a kanalow powodźowanju najwjetšeje powodźowanskeje kónčiny na zemi. Za Hyderabadom twori Indus 7500 km² wulki rěčny delta a wuliwa so naposledk něhdźe 150 kilometrow južnje Karačija do Arabskeho morja.
Mjeno Indus pochadźa ze sanskrita, hdźež woznamjenja słowo सिन्धु (sindhu) prosće „rěka“. Tež Indiska jako kraj za Indusom dósta swoje mjeno w europskich rěčach wot rěki.
Kónčina při Indusu bě srjedźišćo jedneje ze zažnych wysokich kulturow, tak mjenowaneje Indusoweje kultury. Pozdźišo tworješe rěka wuchodnu hranicu mócnarstwa Aleksandra Wulkeho.
Wotkaz
wobdźěłać
Commons: Indus – Zběrka wobrazow, widejow a awdiodatajow