Konop
Konop[1][2] (Cannabis) je ród ze swójby konopowych rostlinow (Cannabaceae). Dalše serbske mjeno je konopej[1][2].
| |
| Konop (Cannabis sativa) | |
| systematika | |
|---|---|
| Domena | Eukaryoty |
| Swět | Rostlinstwo |
| Jadrowe eudikotyledony | |
| Rosidy Eurosidy I | |
| rjad: | (Rosales) |
| swójba: | Konopowe rostliny (Cannabaceae) |
| ród: | Konop[1][2] (Cannabis) |
| wědomostne mjeno | |
| Cannabis | |
| L. | |
Systematika
wobdźěłaćRód bu prěnjotnje na zakładźe wot Cannabis sativa (dźiwi konop) jako monotypiski ród wot Carl von Linne w lěće 1753 prěni raz wopisany. Lamarck wotdźěli w lěće 1785 indisku družinu na zakładźe morfologiskich přiznamjenjow a wopojneje kmanosće jako Cannabis indica a ruski botanikar Dmitrij E. Janischewsky wopisa prěni raz w lěće 1926 Cannabis ruderalis. W 20. lětstotku bě systematika roda pak do dalokeje měry dwělna, nimo modela třoch swójskich družinow su někotři awtorojo wone tři družiny wšitke jako poddružiny wot Cannabis sativa wobhladowali, hdys a hdys buchu tež hišće dalše družiny wopisane, kotrež so njejsu wězo zwjetša předrěwali.
W lěće 2003 je spisał Američan Karl W. Hillig nadrobne genetiske přepytowanje na zakładźe wot 157 populacijow w cyłej swěće,[3] kotrež je status družinow Cannabis sativa a Cannabis indica wobkrućowało. Samostatnosć družiny Cannabis ruderalis njeje so pak wěsće dopokazować móhła, pozdźiše dźěło k chemotaksonomiji roda[4] wobkrući tute wuslědki a zwuži wobjim roda na dwě družinje:
- konop (Cannabis sativa) L.
- kulturna konop (Cannabis sativa var. sativa)
- dźiwja konop (Cannabis sativa var. spontanea Vav.)
- indiska konop (Cannabis indica Lam.)
Nóžki
wobdźěłać- ↑ 1,0 1,1 1,2 Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 206.
- ↑ 2,0 2,1 2,2 W internetowym słowniku: Hanf
- ↑ Karl W. Hillig: Genetic evidence for speciation in Cannabis (Cannabaceae). W: Genetic Resources and Crop Evolution 52, 2005, S. 161–180
- ↑ Karl W. Hillig, Paul G. Mahlberg: A chemotaxonomic analysis of cannabinoid variation in Cannabis (Cannabaceae). In: American Journal of Botany, 91, 2004, S. 966–975