Mehmed Meša Selimović

Mehmed Meša Selimović (* 26. apryla 1910 w Tuzli; † 11. julija 1982 w Běłohrodźe) bě juhosłowjanski awtor a kulturnik.

Wopytowaše gymnazij w bosniskim ródnym měsće a studowaše potom wot 1930 do 1934 při filozofiskej fakulće Běłohrodskeje uniwersity. Po studiju dźěłaše hač k započatkej Druheje swětoweje wójny 1941 při wšelakich šulach w Tuzli. W lěće 1943 přizamkny so juhosłowjanskim partizanam pod wjednistwom Josipa Broza Tita. Po wójnje bydleše Selimović wot 1947 w Sarajewje, hdźež skutkowaše mjez druhim jako profesor při pedagogiskej fakulće, wuměłstwowy nawoda firmy Bosna-Film, direktor narodneho dźiwadła a redaktor w nakładnistwje Svjetlost.

Selimović bě dźěćo z muslimskeje swójby, wuzběhowaše pak husćišo, zo so jako etniski Serb čuje. Wón bu wjacekróć namjetowany za Nobelowe myto za literaturu, njeje je pak ženje dóstał.

Twórby

• Prva četa, powědančko, wušło 1951
• Noć i jutra, wjertna kniha, 1958
• Tišine, roman, wušoł 1961
• Tuđa zemlja, 1962
• Derviš i smrt, historiski roman, 1966
• Za i protiv Vuka, 1967
• Tvrđava, historiski roman, wušło 1970
• Sjećanja [Dopomnjenki], awtobiografija, 1976
• Krug, njedokónčeny, wušoł 1983

Literatura

• Miranda Jakiša: Bosnientexte. Ivo Andrić, Meša Selimović, Dževad Karahasan. Frankfurt a. M. 2009. ISBN 978-3-631-57715-8

Wotkazaj

 Commons: Meša Selimović – Zběrka wobrazow, widejow a awdiodatajow

• Mehmed Meša Selimović – Literatura w katalogu Němskeje narodneje biblioteki (němsce)