Աիդա (օպերա)

«Աիդա» (իտալ.՝ Aida), իտալացի երգահան Ջուզեպե Վերդիի օպերա չորս գործողությամբ։ Օպերան հատուկ գրվել է Սուեզի ջրանցքի բացման առթիվ՝ Եգիպտոսի կառավարության պատվերով։ Իտալերեն լիբրետոն Անտոնիո Գիսլանցոնիի` ըստ Օգյուստ Մարիետի սցենարի։ Օպերայի գործողությունները տեղի են ունենում Հին Եգիպտոսում փարավոնների տիրապետության ժամանակ։ Օպերայում պատմվում է եգիպտական զորավար Ռադամեսի և եթովպացի ստրկուհի Աիդայի դժբախտ սիրո մասին։

Աիդա իտալ.՝ Aida
Տեսակ	դրամատիկ-երաժշտական ստեղծագործություն
Ժանր	երաժշտական դրամա
Կոմպոզիտոր	Ջուզեպպե Վերդի
Լիբրետտոյի հեղինակ	Անտոնիո Գիսլանցոնի
Գործողությունների քանակ	4
Գործողության տեղ	Մեմփիս և Թեբե
Գործողության ժամանակ	Հին Եգիպտոս
Տևողություն	մոտ 2 ժամ 15 րոպե
Կերպարներ	փարավոն, Ռամֆիս, Ռադամես, Ամներիս, Աիդա, Ամոնասրո, բանբեր, քրմուհու ձայն
Ստեղծման տարեթիվ	1871
Առաջնախաղի տարեթիվ	դեկտեմբերի 24, 1871
Առաջնախաղի վայր	Կահիրե
Պատվիրատու	Իսմայիլ-Փաշա
Հրատարակման տարեթիվ	1872
Լիբրետտոյի տեքստ	aria-database.com/cgi-bin/aria-search.pl?opera=Aida&a և opera-arias.com/verdi/aida/libretto/
Aida (opera) Վիքիպահեստում

Առաջնախաղը կայացել է 1871 թ. դեկտեմբերի 24-ին Կահիրեում։ «Աիդան» Վերդիի լավագույն և սիրված ստեղծագործություններից մեկն է, ընդգրկված է աշխարհի խոշորագույն օպերային թատրոնների խաղացանկում։

Բեմադրությունները Հայաստանում

Երևանի ազգային ակադեմիական օպերային թատրոնում բեմադրվել է 1941 թ. (դիրիժոր – Մ.Թավրիզյան, բեմ.- Ա.Գուլակյան)։ 2010 թ. դեկտեմբերի 23-ին Ա.Սպենդիարյանի օպերայի և բալետի թատրոնում կայացել է «Աիդա» օպերայի նոր բեմադրության առաջնախաղը (բեմադրիչ՝ իտալացի ռեժիսոր Մարիո Կոռադի)։ Առաջնախաղին Աիդայի դերերգով հանդես է եկել Հասմիկ Պապյանը։ 2011 թվականին թողարկվել է բեմադրության տեսատարբերակը (DVD)։

Արտաքին հղումներ

• Աիդա օպերա Արխիվացված 2014-07-13 Wayback Machine
• Հատված 2010 թ. բեմ. «Աիդա» օպերայից

Վիքիպահեստն ունի նյութեր, որոնք վերաբերում են «Աիդա (օպերա)» հոդվածին։