Արգանդափողեր

Արգադնափողեր, ֆալոպյան փողեր, ձվատար փողեր, կնոջ ներքին սեռական օրգան (երկարությունը՝ 10-12 սմ)։ Զույգ խողովակներ են, սկսվում են արգանդի մարմնի անկյուններից և ազատ ծայրով բացվում որովայնի խոռոչի մեջ։ Խողովակը բաղկացած է արգանդային (ավարտվում է արգանդի պատում), նեղացած (պարանոց) և լայնացած (ամպուլա, որը վերջանում է ծոպավոր եզրեր ունեցող ձագարով) մասերից։ Արգանդափողի պատն ունի շճային, շարակցահյուսվածքային, մկանային և լորձային թաղանթներ։ Արգանդափողի լորձաթաղանթը մի կողմից վերածվում է արգանդի լորձաթաղանթի, մյուսով կպչում որովայնամզին, հետևաբար արգանդափողերը բացվում են դեպի որովայնի խոռոչ։ Դրա հետ կապված՝ առաջանում է կնոջ սեռական օրգաններից վարակը որովայնի խոռոչ թափանցելու վտանգ։ Եթե բեղմնավորված ձվաբջջի տեղափոխումը կասեցվում է արգանդափողերում (վերջիններիս բորբոքման ժամանակ), առաջանում է փողային արտարգանդային հղիություն։

Արգանդափողեր
Տեսակ	օրգանի տիպ և անատոմիական կառուցվածքների դաս
Ենթադաս	subdivision of oviduct?, organ with organ cavity? և անհատական ​​անատոմիական կառուցվածք
Մասն է	Իգական սեռական համակարգ
Անատոմիական տեղայնացում	կոնքի խոռոչ
Լատիներեն անվանում	Tuba uterina (Greek: Salpinx)
Զարկերակ	tubal branches of ovarian artery?
Ավշային հանգույց	Lumbar lymph nodes?
Լիմֆատիկ դրենաժ	Lumbar lymph nodes?
Անատոմիական կառուցվածքի զարգացում	oviduct development?
Անվանված է	Gabriele Falloppio?
MeSH	A05.360.319.114.373 և A13.706.500
Foundational Model of Anatomy	18245
Terminologia Anatomica 98	A09.1.02.001
Նկարագրված է	Գրեյի անատոմիա (20-րդ հրատարակություն), Բրոքհաուզի և Եֆրոնի հանրագիտական բառարան և Բրոքհաուզի և Եֆրոնի փոքր հանրագիտական բառարան
Fallopian tube Վիքիպահեստում

Ծանոթագրություններ

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հանրամատչելի բժշկական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։

Վիքիպահեստն ունի նյութեր, որոնք վերաբերում են «Արգանդափողեր» հոդվածին։