Ջոն Քերի
Ջոն Ֆորբս Քերի (անգլ.՝ John Forbes Kerry, ծնվ. դեկտեմբերի 11, 1943[1][2][3][…], Ավրորա, Կոլորադո)[6], ամերիկացի քաղաքական գործիչ ԱՄՆ պետքարտուղար։ Նա եղել է Միացյալ Նահանգների Սենատի անդամ, Միջազգային հարաբերությունների կոմիտեի նախագահ։ Քերին եղել է ԱՄՆ նախագահի թեկնածու Դեմոկրատական կուսակցությունից 2004 թվականի նախագահական ընտրություններում, որի ժամանակ պարտվել է Ջորջ Ու. Բուշին։
| Ջոն Ֆորբս Քերի | |
| John Forbes Kerry | |
 | |
| ԱՄՆ-ի Պետական քարտուղար | |
| Ստանձնեց պաշտոնը՝ | փետրվարի 1, 2013 |
|---|---|
| Կուսակցություն՝ | Դեմոկրատ |
| Նախորդող՝ | Հիլարի Քլինթոն |
| Ծննդյան օր՝ | դեկտեմբերի 11, 1943[1][2][3][…] (81 տարեկան) |
| Ծննդավայր՝ | Ավրորա, Կոլորադո |
| Ամուսին ՝ | Թերեզա Հեյնց Քերի |
| Երեխաներ՝ | Վանեսա Քերի և Alexandra Kerry? |
| Հայր՝ | Ռիչարդ Ջոն Քերի |
| Մայր՝ | Ռոզմարի Ֆորբս Քերի |
| Պարգևներ՝ | |
 | |
Քերին ծնվել է Կոլորադո նահանգի Օրորա քաղաքում և սովորել է Մասաչուսեթսի և Նյու Հեմփշիր գիշերօթիկ դպրոցներում։ Նա ավարտել է Եյլի համալսարանը 1966 թվականին քաղաքագետի որակավորմամբ։ Քերին 1966 թվականին ընդգրկվել է ռամածովային պահեստազորում և 1968-1969 թվականներին չորս ամսով գործուղվել է Հարավային Վիետնամ, որպես արագ մոտորանավակի ղեկավար-սպա։ Այս ծառայության համար նրան շնորհվել է Արծաթե աստղ մեդալ, Բրոնզե աստղ մեդալ և երեք հատ Պուրպուրային սիրտ մեդալ։ Ծառայությունից վերադառնալուց հետո Քերին միացավ Վիետնամի հակապատերազմական վետերանների միությանը, որտեղ նա ծառայեց որպես հրապարակախոս և քարոզում էր հակապատերազմական սկզբունքներ ուղղված Վիետնամական պատերազմին։ Նա մասնակցեց Ֆուլբրայթի լսումներին մինչև Սենատի միջազգային հարաբերությունների կոմիտեի անդամ դառնալը, և գտնում էր, ԱՄՆ-ը Վիետնամում պատերազմական հանցագործություններ է գործել։
Բոստոնի իրավաբանական քոլեջի կողմից գիտությունների դոկտորի կոչում ստանալուց հետո Քերին աշխատեց որպես տարածքային դատախազի օգնական։ Նա ծառայել է որպես Մասաչուսեթսի Լեյտենանտ-նահանգապետ Միքայել Դուկակիսի ժամանակ 1983-ից 1985 թվականներին։ Նա կարողացավ հաղթել սենատորի ընտրություններում և դարձավ սենատոր մյուս տարվա հունվարից։ Միջազգային հարաբերությունների կոմիտեում նա նշանակեց մի շարք լսումներ, որոնց հիմնական թեման էր Իրանի դեմ պատժամիջոցները։ Քերին վերընտրվեց ևս 4 անգամ՝ 1990, 1996, 2002 և 2008 թվականներին։ 2002 թվականին Քերին կողմ քվեարկեց Նախագահին լիազորություն տալու Սադամ Հուսեյնի ռեժիմը տապալելու համար, սակայն զգուշացրեց, որ նախքան պատերազմի մեջ մտնելը պետք է սպառել բոլոր դիվանագիտական ջանքերը։
2004 թվականի նախագահական ընտրությունների քարոզարշավի ժամանակ, Քերին քննադատեց Ջորջ Ու. Բուշ-ին Իրաքյան պատերազմի համար։ Նա և նրա փոխնախագահի թեկնածու սենատոր Ջոն Էդվարդսը պարտվեցին ընտրություններում։ Քերին դարձավ Միջազգային հարաբերությունների կոմիտեի նախագահ 2009 թվականին։ 2013 թվականին Քերին Բարաք Օբամայի կողմից ներկայացվեց որպես հաջորդ պետքարտուղար, ով փոխարինեց Հիլարի Քլինտոնին և հաստատվեց Սենատի կողմից 2013 թվականի հունվարի 29-ին։
Ծանոթագրություններ
խմբագրել- ↑ 1,0 1,1 Internet Movie Database — 1990.
- ↑ 2,0 2,1 Բրոքհաուզի հանրագիտարան (գերմ.)
- ↑ 3,0 3,1 GeneaStar
- ↑ https://www.dgvn.berlin/ohfm/ohfm-2018.html
- ↑ https://www.atlanticcouncil.org/events/flagship-event/global-citizen-awards/previous-gca-recipients/
- ↑ «John Kerry born, Dec. 11, 1943». Politico. 2014 թ․ դեկտեմբերի 11. Վերցված է 2015 թ․ նոյեմբերի 16-ին.
 | Վիքիպահեստն ունի նյութեր, որոնք վերաբերում են «Ջոն Քերի» հոդվածին։ |