Օսլո

Օսլո
Քաղաք
	Օսլո
	նորվ.՝ Oslo
Դրոշ	Զինանշան
Երկիր	Նորվեգիա
Երկրամաս	Արևելյան Նորվեգիա
Ֆյուլկե	Օսլո
Համայնք	Օսլո
Քաղաքապետ	Ֆաբիան Սթանգ
Հիմնադրված է	1048 թ.
Առաջին հիշատակում	1147
Այլ անվանումներ	Ասլո, Քրիտիանիա
Մակերես	454 կմ²
ԲԾՄ	23 մետր
Պաշտոնական լեզու	Նորվեգերեն
Բնակչություն	578 870 մարդ (2009)
Խտություն	1225 մարդ/կմ²
Կրոնական կազմ	նորվեգացիներ
Ժամային գոտի	UTC+1, ամառը UTC+2
Հեռախոսային կոդ	+47 22
Փոստային դասիչ	0001–1299
Պաշտոնական կայք	oslo.kommune.no(նորվ.) (անգլ.)
	Օսլո (Նորվեգիա)
	Օսլո (Նորվեգիա)
	Օսլո Վիքիպահեստում

Օսլո (նորվեգերեն արտասանվում է «ուշլու») Նորվեգիայի թագավորության մայրաքաղաքը, Նորվեգիայի ամենամեծ քաղաքը։

Հիմնադրվել է 1048 թվականին Հարալդ III թագավորի կողմից, իսկ եկեղեցական ընդհանուր տարածքային միավորում դարձել է 1070 թվականին։ Մայրաքաղաք է դարձել 1300 թվականին Հաակոն V-ի կողմից։ Միավորում է ունեցել Դանիայի հետ 1397 թվականից 1523 թվականներին, ինչպես նաև 1536 թվականից 1814 թվականներին, իսկ Շվեդիայի հետ` 1914 թվականից 1905 թվականները։ 1624 թվականին՝ հրդեհից ոչնչացվելուց հետո, քաղաքը մոտեցավ Ակերսհուսի ամրոցին և գործող թագավոր Քրիստիան IV-ի պատվին վերանվանվեց Քրիստիանիա։ Քաղաքը հիմնավորվեց որպես համայնք (formannskapsdistrikt) 1838 թվականի հունվարի 1-ից։ 1877 թվականից 1925 թվականներին հետևեց արտասանության վերափոխում (որպես Կրիստիանիա), երբ իրական նորվեգական անվանումը վերականգնվեց։

Օսլոն Նորվեգիայի թագավորության տնտեսական ու կառավարական կենտրոնն է։ Քաղաքը Նորվեգիայի առևտրի, բանկային գործունեության, արտադրության և բեռնափոխադրումների կենտրոնն է։ Այն նաև հանդիսանում է երկրի ծովային հաղորդակցման և Եվրոպայի հետ ծովային առևտրի կենտրոն։ Քաղաքը կենտրոն է բազում ծովային կազմակերպությունների համար, որոնցից մի քանիսն ունեն համաշխարհային համբավ։ Օսլոն գործունեության վայր է Եվրոպական խորհրդի և Եվրոպական հանձնաժողովի ծրագրերի համար։

2010 թվականի տվյալներով Օսլո մայրաքաղաքի բնակչությունը կազմում է 1,442,318 մարդ, որից 912,046-ը բնակվում են քաղաքին հարակից տարածքներում, և այս պատճառով այն եվրոպական մայրաքաղաքներից ամենափոքրն է։ Բնակչությունը քաղաքում աճում է ռեկորդային արագությամբ, որով ստանում է Եվրոպայում ամենաարագ աճող քաղաքի կարգավիճակը։

Աշխարհագրություն

Օսլոն գտնվում է Օսլո-ֆյորդի ամենահյուսիսային մասում և Նորվեգիայի հարավարևելյան մասում։ Օսլոյին պատկանում են նաև 40 կղզիներ։ Քաղաքի տարածքում կան 343 լճեր, որոնք հանդիսանում են խմելու ջրի հիմնական և ամենակարևոր աղբյուր։ Օսլոյի մեջով անցնում են 2 գետեր` Ակերսելվա և Ալնա։

Կլիմա

Օսլո քաղաքը Սանկտ Պետերբուրգի հետ գտնվում է աշխարհագրական միևնույն լայնության վրա։ Այն պատճառով, որ քաղաքը Սանկտ Պետերբուրգից 20 աստիճանով արևմուտք է ընկած, կլիման մոտիկ է ծովայինի։ Ամառը քաղաքում սառն է, իսկ ձմեռը` ձյունառատ։ Ձմռանը հազվադեպ են լինում ծայրահեղ ցրտեր, ամառային շոգը նույնպես հազվադեպ է։ Օթերևութաբանական դիտումների համաձայն` ջերմաստիճանը քաղաքում չի իջել ավելի ցածր, քան -26 °C և չի բարձրացել ավելին, քան +35 °C։ Աշունը երկարատև է, իսկ գարունը գալիս է միայն մարտ ամսվա վերջին։ Տարեկան միջին ջերմաստիճանը կազմում է +6,4 °C, հուլիս ամսվա միջին ջերմաստիճանը +17,2 °C է, իսկ հունվար ամսվա միջին ջերմաստիճանը` -2,9 °C։ Տարեկան տեղումների միջին քանակությունը կազմում է 805 մմ։

Բնակչություն

Տարի	Բնակչություն
2013	623 966 մարդ	^[2]
2018	673 469 մարդ	^[3]
2019	681 071 մարդ	^[4]
2020	693 494 մարդ	^[5]
2023	709 037 մարդ	^[6]
2024	717 710 մարդ	^[7]

Ծանոթագրություններ

Վիքիպահեստն ունի նյութեր, որոնք վերաբերում են «Օսլո» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 12, էջ 564)։

[1] Statistisk sentralbyrå 01.04.2009

[_2c66d87696163103-2] ttp://www.utviklings-og-kompetanseetaten.oslo.kommune.no/oslostatistikken/statistikk_om_by_og_befolkning/

[_fa905296083f0125-3] ttps://www.oslo.kommune.no/politikk-og-administrasjon/statistikk/befolkning/folkemengde-og-endringer/

[_49340e8bf4a66c33-4] Population and changes during the quarter (M) 1997K4 - 2019K2

[_d621d7e270326bd4-5] ttps://www.ssb.no/befolkning/statistikker/folkemengde — Statistics Norway.

[_3a35733759d937a0-6] Kommunefakta(նորվ.)

[_30339e12a6d22c37-7] ttps://www.ssb.no/statbank/table/01222/tableViewLayout1/

[1]

[2]

[3]

[4]

[5]

[6]

[7]