Բաբիմոստ, (լեհ.՝ Babimost, գերմ.՝ Bomst), քաղաք Լեհաստանում մտնում է Լյուբուսկյան վոևոդության վարչական միավորման մեջ, Զելենոգուրյան կոմսությունում։ Կարգավիճակը՝ քաղաքային և գյուղական համայնք։ Զբաղեցնում է 3,62 կմ² տածածք։ 2004 թվականի հաշվարկով բնակչությունը կազմում է 4180 մարդ։
Քաղաքի իրավունք ստացել է 1397 թվականին, ծաղկում է ապրել Սիգիզմունդ I Ծեր թագավորի կառավարման ժամանակ , 1793 թվականին գրավվել է Պրուսիայի կողմից, իսկ 1945 թվականին վերամիավորվել է Լեհաստանին։ Պատմամշակութային հուշարձաններից են բարոկկոյի ժամանակաշրջանի կաթոլիկ եկեղեցին (1730-1740 թվականներ), լյութերական եկեղեցին (1789 թվական)։ Բաբիմոստը տարածաշրջանի կենտրոնն է, որտեղ պրուսիական և գերմանական իշխանությունների ժամանակ է պահպանվել է լեհերեն լեզուն, ազգային տարազները, երգերը, ծեսերը։ Հակագերմանական ազգային պայքարի համար 1973 թվականին քաղաքը ստացել է «Գրյունվալդի խաչ» շքանշան։
Լեհաստան
