Բելեք

Բելեք (թուրքերեն՝ Belek), քաղաք- հանգստավայր Թուրքիայի հարավարևմտյան մասում, Անթալիայի մարզում։ Քաղաքը գտնվում է Միջերկրական ծովի ափին։

Քաղաք
Բելեք
թուրքերեն՝ Belek
Երկիր	Թուրքիա
Մարզ	Անթալիայի մարզԱնթալիայի մարզ
Շրջան	Սերիկ
Համայնք	Serik?
Խոսվող լեզուներ	թուրքերեն
Բնակչություն	73 260 մարդ (2022)
Կրոնական կազմ	մուսուլմաններ, քրիստոնյաներ
Ժամային գոտի	UTC+2, ամառը UTC+3
Հեռախոսային կոդ	+90 242
Փոստային ինդեքս	07x xx
Փոստային դասիչ	07500
Ավտոմոբիլային կոդ	07
Պաշտոնական կայք	belek.bel.tr
Բելեք (Թուրքիա)
Բելեք Վիքիպահեստում

Բելեքի կենտրոնական մզկիթը իր մինարեներով

Բելեքը Թուրքիայի ամենաերիտասարդ հանգստավայրերից մեկն է։ Զբոսաշրջության զարգացման սկիզբը Բելեքում համարվում է 1984 թվականը։ Որոշ ժամանակ անց արդեն Բելեքը համաշխարհային ճանաչում ունեցող հանգստավայրերից մեկը դարձավ։ Տուրիզմի զարգացման հիմնական խթաններից մեկը հանդիսացավ գոլֆը։ Բելեքը գոլֆի ամենահայտնի կենտրոններից մեկն է ոչ միայն Թուրքիայում, այլև ամբողջ աշխարհում։ Բելեքում են գտնվում նաև Թուրքիայի լավագույն ֆուտբոլի դաշտերը, ի շնորհիվ տեղի կլիմայի։ Ձմեռային ամիսներին մարզումների համար այստեղ են գալիս ֆուտբոլիստներ Եվրոպայից և Ասիայից։ Այստեղ կարելի է հանդիպելի բազմաթիվ հայտնի ֆուտբոլիստների։

Բելեքի տարածքում չի պահպանվել պատմական որևիցե մի հուշարձան, սակայն ի շնորհիվ իր աշխարհագրական դիրքի, հնարավորություն է ընձեռնվում այցելելու Անթալիայի մարզի բոլոր տեսարժան վայրերը։ Բելեքի հյուրանոցները ընդունում են զբոսաշրջիկներ աշխարհի տարբեր երկրներից։ Շատ հաճախ Բելեքին անվանում են նաև «Անթալիայի մարգարիտ»։

Կլիմա

Բելեքը գտնվում է Միջերկրածովյան կլիմայի տարածքում` խիստ արտահայտված շոգ և չոր ամռան և մեղմ անձրային ձմռան առկայությամբ։ Միջին ջերմաստիճանը ձմռանը կազմում է 10 °C-ից ցածր։ Ամառային ջերմաստիճանի գագաթնակետը հասնում է մինչև 45 °C: Ձմեռային ամիսներին ծովի ջրի աստիճանը կազմում է մոտ 17 °C, իսկ ամառային ամիսներին մոտ` 27 °C: Հանգստյան ամենահարմար ամիսներն են մայիսից մինչև սեպտեմբեր ժամանակահատվածը, երբ Բելեքում գերակշիռ է շոգ, պարզ, անքամի եղանակը` մինիմալ տեղումներով :

Արտաքին հղումներ

Վիքիպահեստն ունի նյութեր, որոնք վերաբերում են «Բելեք» հոդվածին։