Գոլի Թարաղի
Զոհրե Թարաղի-Մողադամ, առավել հայտնի է որպես Գոլի Թարաղի (պարս.՝ گلی ترقی)[1], (հոկտեմբերի 10, 1939, Թեհրան, Իրան), իրանցի գրող, վիպասան և պատմվածքների հեղինակ[2]։
Գոլի Թարաղի | |
|---|---|
 | |
| Ծնվել է | հոկտեմբերի 10, 1939 (85 տարեկան) |
| Ծննդավայր | Թեհրան, Իրան |
| Մասնագիտություն | գրող, սցենարիստ և վիպասան |
| Քաղաքացիություն |  Իրան |
| Կրթություն | Դրեյքի համալսարան |
| Աշխատավայր | Թեհրանի համալսարան |
Կենսագրություն
խմբագրելԳոլի Թարաղիի հայրը՝ Լոթֆոլա Թարաղին եղել է իրանական խորհրդարանի անդամ, հրատարակիչ և լրագրող, իսկ նրա մայրը՝ իրանական հասարակությունում հեղինակավոր ընտանիքից[2]։ Ծնվել և մեծացել է Թեհրանում։ Միացյալ Նահանգներում սովորել է Դրեյքի համալսարանում՝ ստանալով փիլիսոփայության բակալավրի աստիճան։ Վերադառնալով Իրան՝ 1967 թվականին Թեհրանի համալսարանում ստացել է մագիստրոսի աստիճան, իսկ 1960-ական թվականներին, որպես միջազգային հարաբերությունների մասնագետ, աշխատել Plan International-ում[3]։ 1970-ական թվականներին Թեհրանի համալսարանում նա դասավանդել է փիլիսոփայություն, առասպելաբանություն և սիմվոլիզմ[2]։ 1980 թվականին Իրանական հեղափոխությունից հետո համալսարանները ժամանակավորապես փակվել էին։ Թարաղին բաժանվեց իր ամուսնուց՝ Հազիր Դարյուշից և իր երկու երեխաների հետ արտագաղթել Փարիզ[4], չնայած 1980-ական թվականներին պարբերաբար այցելում էր Իրան[3]։
«Ձմեռային քունը» (1973 թվական) պատմվածքների ժողովածու է, որը պատկերում է միջին խավի ութ քաղաքաբնակների ներքին կյանքը, այդ թվում կրոնական խառնաշփոթն ու անոմիան, որը 1960-ական թվականներին զարգանում էր Իրանի արագ արդիականացման արդյունքում։ Նրա «Իմ հոգու տիկինը» պատմվածքը (1982 թվական)[5] հաղթել է պատմվածքների Կոնտրե-Սիել մրցանակը։ «Ավերված հիշողությունները» (1994 թվական) աշխատությունն անդրադառնում է Իրան-իրաքյան պատերազմի հուզական հետևանքներին[2]։
Գոլի Թարաղիի «Վերադարձ» վեպը 2020 թվականին հրատարակվել է հայերեն[6]։ Այն պարսկերենից հայերեն է թարգմանել Արեգ Բագրատյանը[7]։
Ծանոթագրություններ
խմբագրել- ↑ այլընտրանքային թարգմանություններ՝ Գոլի Թարաքի, Գուլի Թարաքի։
- ↑ 2,0 2,1 2,2 2,3 Kamran Talatoff, 'Taraghi, Goli' in Jane Eldridge Miller, ed., Who's Who in Contemporary Women's Writing, p.316
- ↑ 3,0 3,1 Heshmat Moayyad, ed., Stories from Iran: a Chicago anthology, 1921-1991, Mage Publishers, 1991, p.403
- ↑ «Գոլի Թարաղի. Տուն՝ երկնքում». Hetq.am. Վերցված է 2022 թ․ նոյեմբերի 19-ին.
- ↑ 'The Great Lady of My Soul: A Story', trans. Faridoun Farrokh, Iranian Studies Vol. 15, No. 1/4, pp.211-225
- ↑ «Վերադարձ | Zangak Bookstore». zangakbookstore.am. Վերցված է 2022 թ․ նոյեմբերի 19-ին.
- ↑ «Բարձր գրականություն Արքմենիկ Նիկողոսյանի հետ | Գոլի Թարաղի «Վերադարձ» | Գրանիշ» (ամերիկյան անգլերեն). Վերցված է 2022 թ․ նոյեմբերի 19-ին.