Գուլրիփշ

Գուլրիփշ (աբխազերեն՝ Гәылрыҧшь, վրաց.՝ გულრიფში), քաղաքատիպ ավան Աբխազիայի Գուլրիփշի շրջանում։ Հանդիսանում է նշված շրջանի վարչական կենտրոնը։ Հեռավորությունը Սուխումից` 12 կմ դեպի հարավ-արևելք։ Գտնվում է Սև ծովի Սուխումի ծովախորշի ափին, ծովի մակարդակից 20 մ բարձրության վրա։

Քաղաքատիպ ավան
Գուլրիփշ
աբխ.՝ Гәылрыҧшь, վրաց.՝ გულრიფში
Երկիր	Աբխազիայի Հանրապետություն
Մունիցիպալիտետ	Գուլրիփշի մունիցիպալիտետ
Համայնք	Gulripshi Municipality? և Գուլրիփշի շրջան
ԲԾՄ	20 մ
Կլիմայի տեսակ	խոնավ մերձարևադարձային
Բնակչություն	3910 մարդ (2011)
Ազգային կազմ	աբխազներ, հայեր, ռուսներ, վրացիներ
Ժամային գոտի	UTC+3
Փոստային դասիչ	7000
Ավտոմոբիլային կոդ	ABH
Գուլրիփշ (Աբխազիա)
Գուլրիփշ Վիքիպահեստում

Ընդհանուր տեղեկություն

Մինչև 1975 թվականը կոչվել է Ներքին Գուլրիփշ և նույն թվականին ստացել է քաղաքատիպ ավանի կարգավիճակ։ Այն վարչական, կրթական, մշակութային և առողջապահական (առողջարաններ, հանգստյան տներ) կարևորագույն կենտրոն է։ Զարգացած է զբոսաշրջությունը։

Կլիման

Գուլրիփշն ունի խոնավ մերձարևադարձային կլիմա, ձմռանը տաք է, ամռանը` շոգ։ Տարեկան միջին ջերմաստիճանը` 14,5 °C, հունվարին միջին ջերմաստիճանը` 6,2 °C, հուլիսին` 22,9°C: Առավելագույն ցածր ջերմաստիճանը` –12 °C, առավելագույն բարձրը` 41 °C: Տարեկան տեղումների քանակը` 1410 մմ, օդի հարաբերական խոնավությունը` 72%։ Տարեկան արևային օրերի տևողությունը` 2100 ժամ։ Կլիման ունի բուժիչ նշանակություն` հատկապես թոքերի տուբերկուլոզի դեպքում։

Բնակչությունը

1989 թվականի տվյալներով, Գուլրիփշում բնակվում էր 10697 մարդ, որից 38,4% վրացիներ, 36,4% ռուսներ, 9,6% հայեր, 4,1% աբխազներ։ 1990-ական թվականների ռազմական գործողություններից հետո, բնակչությունը խիստ կրճատվել է։ Ըստ 2011 թվականի հաշվառումների, Գուլրիփշի բնակչության թիվը կազմել է 3910 մարդ, որոնցից 1735 (44,4%) - աբխազներ, 1058 (27,1%) - ռուսներ, 638 (16,3%) - հայեր, 202 (5,2%) - վրացիներ, 96 (2,5%) - ուկրաինացիներ, 36 (0,9%) - հույներ և այլն։