Դանիել Ֆրենչ
Դանիել Ֆրենչ[14] (անգլ.՝ Daniel Chester French, ապրիլի 20, 1850[4][5][6][…], Էքսետեր, Նյու Հեմփշիր, ԱՄՆ[1][6][4][…] - հոկտեմբերի 7, 1931[4][6][7][…], Սթոքբրիջ, Բերկշիր շրջան, Մասաչուսեթս, ԱՄՆ[1][6][8][…]), ամերիկացի քանդակագործ, Ա. Լինքոլնի հայտնի քանդակի հեղինակը ԱՄՆ-ի մայրաքաղաք Վաշինգտոն ԿՇ-ում։ Նա համարվում է ԱՄՆ-ի 19-20-րդ դարերի խոշոր քանդակագործներից մեկը։ Նրա աշխատանքները կարելի է տեսնել տարբեր զբոսայգիներում, համալսարանական կամպուսներում, պաշտոական հաստատություններում և Ամերիկայի թանգարաններում։
Կյանք և աշխատանքներ
խմբագրելԴանիել Ֆրենչը ծնվել է դատապաշտպանի ընտանիքում։ Դեռ վաղ հասակում ի հայտ է եկել նրա նկարչական տաղանդը։ Ուսումը ստացել է Քեմբրիջի Մասաչուսեթսի տեխնոլոգիական ինստիտուտում։ Երբ նա այցելել էր հարազատներին Բրուքլինում, Ֆրենչը ծանոթանում է Ջոն Ուորդի հետ և մեկ ամիս աշխատում է նրա արվեստանոցում։ 1873 թվականին Ֆրենչը առաջարկ է ստանում Կոնկորդ քաղաքից, որպեսզի քանդակի Լեքսիգտոնի և Կոնկորդի միջև եղած ճակատամարտի 100-ամյակի առթիվ մի քանդակ։ The Minute Man քանդակը հանդիսավոր կերպով բացվել է 1875 թվականի ապրիլի 19-ին։ Դրանից հետո Ֆրենչը մեկ տարի ապրում է Ֆլորենցիայում, որտեղ կատարելագործում է քանդակելու իր վարպետությունը Թոմաս Բոլի գլխավորությամբ։ Կարճ ժամանակով գալով հայրենիք` Ֆրենչը նորից մեկնում է Եվրոպա, սովորում է Փարիզի Գեղեցիկ արվեստենրի ազգային դպրոցում, հետո մի քանի տարի անց է կացնում Տոսկանայում։ Ֆրենչի աշխատանքների համար հաճախ որպես բնորդուհի էր ծառայում մոդել և դերասանուհի Օդրի Մէնսոնը։
1917 թվականին ԱՄՆ-ում առաջին անգամ հանձնվում էր Պուլիցերյան մրցանակ լրագրության ոլորտում, և Դ. Ֆրենչին հանձնարարվում է դրա Ոսկե մեդալի դիզայնի մշակումը։ Քանդակագործի Չեսթերվուդի տանը, որը նախագծվել էր նրա ընկերոջ` ճարտարապետ Հենրի Բեկոնի կողմից, այժմ ստեղծվել է Դ. Ֆրենչի թանգարան։
Ճանաչում
խմբագրել- 1893 թվական` Ազգային քանդակագործների միության հիմնադիրներից մեկը
- 1893 թվական` Ամերիկյան գիտության և արվեստի ակադեմիայի անդամ
- 1901 թվական` Ազգային դիզայնի ակադեմիայի անդամ
- 1904 թվական` Ամերիկյան նկարիչների և գրողների ակադեմիայի անդամ
- Նյու-Յորքի ճարտարապետական լիգայի անդամ
- Հռոմում Սուրբ Լուկայի ակադեմիայի անդամ
- 1940 թվական` Դ. Ֆրենչի պատվին ԱՄՆ փոստային բաժանմունքը թողարկում է փոստային նամականիշ
Պատկերասրահ
խմբագրել-
Մինիմեն (The Minute Man) -
Լինքոլնի արձանը -
Թոմասը և Ալիսան (1889) -
Քանդակագործի արվեստանոցը Չեսթերվուդում -
Վաշինգտոն Իրվինի հուշահամալիրը -
ԱՄՆ փոստային դրոշմանիշ (1940) -
Ռութ Էնն Դոժի հուշահամալիրը (1916)
Ծանոթագրություններ
խմբագրել- ↑ 1,0 1,1 1,2 1,3 1,4 1,5 1,6 1,7 Library of Congress Library of Congress Name Authority File
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 2,14 2,15 Notable Names Database — 2002.
- ↑ Union List of Artist Names
- ↑ 4,00 4,01 4,02 4,03 4,04 4,05 4,06 4,07 4,08 4,09 4,10 4,11 4,12 4,13 4,14 4,15 4,16 4,17 4,18 4,19 4,20 4,21 RKDartists (նիդերլ.)
- ↑ 5,0 5,1 Benezit Dictionary of Artists — OUP, 2006. — ISBN 978-0-19-977378-7
- ↑ 6,00 6,01 6,02 6,03 6,04 6,05 6,06 6,07 6,08 6,09 6,10 Encyclopædia Britannica
- ↑ 7,0 7,1 7,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 8,0 8,1 8,2 Greenthal K. French, Daniel Chester // Grove Art Online / J. Turner — [Oxford, England], Houndmills, Basingstoke, England, New York: OUP, 2018. — doi:10.1093/GAO/9781884446054.ARTICLE.T029846
- ↑ 9,0 9,1 https://nationalacademy.emuseum.com/people/288/daniel-chester-french
- ↑ Society of Architectural Historians SAH Archipedia — Chicago, IL, [Charlottesville, Va.], London: Society of Architectural Historians, University of Virginia Press, 2012. — ISBN 978-0-8139-3348-1
- ↑ https://www.cfa.gov/about-cfa/who-we-are/daniel-chester-french
- ↑ https://web.archive.org/web/20210817120407/https://nationalsculpture.org/members/historic-members/
- ↑ AGORHA (ֆր.) — 2009.
- ↑ Ермолович Д. И. Англо-русский словарь персоналий. — М.: Рус. яз., 1993. — 336 с. — С. 130
 | Վիքիպահեստն ունի նյութեր, որոնք վերաբերում են «Դանիել Ֆրենչ» հոդվածին։ |