Դաս (եկեղեցի)

Անվան այլ կիրառումների համար տե՛ս՝ Դաս (այլ կիրառումներ)

Դաս, եկեղեցում որոշակի դասին հատկացված համապատասխան տեղը կամ բաժանմունքը (կանանց դաս, տղամարդկանց դաս, «հավատացելոց և կամ մկրտված քրիստոնեաներու» աղոթքի դաս և այլն)։ Արևմտաեվրոպական եկեղեցիներում երգչախմբի տեղը, որ սովորաբար ավագ սեղանի և խաչակենտրոնի միջև էր։ Առանձին դեպքերում, հատկապես ուշ շրջանում, դասը տեղավորվում էր սեղանից ետ ընկած մասում։ Հայոց եկեղեցում, մասնավորապես, դաս է անվանվում ավագ խորանի առջևի, եկեղեցու ամբողջ լայնքով տարածությունը, որ մեկ աստիճանով և ցած վանդակորմով բաժանվում է աղոթասրահից։ Ստորաբաժանվում է՝ աջակողմյան և ձախակողմյան դասի, ուր խորանից ձախ և աջ կանգնում են հոգևորականներն ու երգեցիկ դպիրները՝ սաղմոսներ, շարականներ և այլն փոխ առ փոխ երգելու համար։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 292)։

Վիքիպահեստն ունի նյութեր, որոնք վերաբերում են «Դաս (եկեղեցի)» հոդվածին։