Էվերթոն ՖԱ

Էվերթոն, անգլիական պրոֆեսիոնալ ֆուտբոլային ակումբ Լիվերպուլ քաղաքից։ Ակումբը ստեղծվել է 1878 թվականին և ներկայումս հանդես է գալիս Պրեմիեր լիգայում։ Ակումբն Անգլիայի Բարձրագույն դիվիզիոնում անցկացրել է ռեկորդային 114 մրցաշրջան։

Էվերթոն
Ամբողջական անուն	Everton Football Club
Մականուն(ներ)	The Toffees (Իրիսներ) The Blues (Կապույտներ)
Հիմնադրում	1878-ին, որպես Սուրբ Դոմինգո ՖԱ
Երկիր	Միացյալ Թագավորություն
Մարզադաշտ	Գուդիսոն Պարկ
Տարողունակություն	39,572
Նախագահ	Բիլ Կենրայթ
Մարզիչ	Ռոնալդ Կուման
Կայք	Պաշտոնական կայք
Լիգա	Պրեմիեր Լիգա
2023-24	15-րդ
Տան դաշտ Մրցակցի դաշտ Երրորդ համազգեստ

Թիմը մասնակցել է ավելի շատ բարձրագույն դիվիզիոնի խաղերի, քան որևէ այլ անգլիական թիմ և 9 անգամ հաղթել առաջնությունում։ 1954 թվականից Էվերթոնը մնացել է բարձրագույն դիվիզիոնում և 1922 թվականին եղել է Պրեմիեր Լիգայի հիմնադիր անդամներից։

Պատմություն

Ձևավորված լինելով 1878 թվականին`Էվերթոնը 1888 թվականին դարձել է Ֆուտբոլի Լիգայի հիմնադիր անդամ և 2 մրցաշրջան հետո հաղթել է իր առաջին լիգայի առաջնությունը։ 4 լիգայի տիտղոսները և 2 Անգլիայի Գավաթի հաղթանակները ձեռք բերելուց հետո Էվերթոնը հետպատերազմական շրջանում «նահանջեց», և միայն 1960-ականներին հաղթեց 2 լիգայի առաջնություն և Անգլիայի Գավաթ։

1980-ականների կեսերին ունեցավ վերջին շրջանի մեծ հաջողություններ՝ երկու լիգայի առաջնության հաջողություններ, Անգլիայի Գավաթ, իսկ 1985 թվականին ձեռք բերած ՈՒԵՖԱ Գավաթակիրների Գավաթը նրանց առաջին մայրցամաքային ձեռքբերումն էր։ Ակումբի վերջին խոշոր ձեռքբերումը եղել է 1995 թվականի Անգլիայի Գավաթը։ Ակումբի կողմնակիցները հայտնի են որպես Էվերթոնիաններ։ Էվերթոնը երկրպագուների մեծ բանակ ունի, որի թիվը գնալով ավելանում է՝գերազանցելով 36,000-ը յուրաքանչյուր խաղի ժամանակ. դա կազմում է մարզադաշտի 95%-ը։ Էվերթոնը մրցակցության մեջ է հարևան Լիվերպուլ ֆուտբոլային ակումբի հետ, և երկու կողմերն էլ պարբերաբար մրցում են Մերսիսայդ Դերբիում։

Լիվերպուլ ֆուտբոլային ակումբը ձևավորվել է 1892 թվականին մի առանձնացած խմբից, որի կազմում են եղել Էվերթոնի նախկին նախագահը և մի քանի այլ խաղացողներ։ Վեճը հանգեցրեց նաև Էվերթոնի Էնֆիլդը լքելուն։ 1892 թվականից ակումբը հաստատվում է ներկայիս գլխավոր հրապարակում՝ Գուդիսոն Պարկում։

Համազգեստ

Ակումբի տնային համազգեստի գույները 1901-02 մրցաշրջանից ի վեր եղել են ավանդական արքայական կապույտը և սպիտակը։

Տարի	Համազգեստ	Հովանավոր
1974–1979	Umbro	չկա
1979–1983		Hafnia
1983–1985	Le Coq Sportif
1985–1986		NEC
1986–1995	Umbro
1995–1997		Danka
1997–2000		One 2 One
2000–2002	Puma
2002–2004		Kejian
2004–2009	Umbro	Chang Beer
2009–2012	Le Coq Sportif
2012–2014	Nike
2014–2017	Umbro
2017–ներկա		SportPesa

Արտաքին հղումներ

• Պաշտոնական կայք Արխիվացված 2009-05-26 Wayback Machine (անգլ.)
• Էվերթոնի մասին տեղեկություն Պրեմիեր Լիգայի հայալեզու կայքում (հայ.)

Վիքիպահեստն ունի նյութեր, որոնք վերաբերում են «Էվերթոն ՖԱ» հոդվածին։