Ծնկային հոդ

Ծնկային հոդ (լատին․՝ articulatio genus), մարդու մարմնի ամենախոշոր հոդը։ Կազմությանը մասնակցում են ազդրոսկրի ստորին ծայրն իր աճառածածկ հոդամակերեսով, ոլոքի դրսային և միջային կոճերը՝ աճառածածկ գոգ հոդամակերեսներով, և ծնկոսկրը՝ իր հոդամակերեսով։ Ծնկային հոդի հոդաշապիկը բավական պիրկ է, նրա ձուսպաթաղանթային շերտն առաջացնում է տարբեր չափերի բազմաթիվ ծալքեր, որոնք մեծացնում են մակերևույթը։ Հոդն ամրացնում են միջային և դրսային համակողմնային ու ծնկոսկրի սեփական, ինչպես նաև ներհոդային առաջային ու ետին խաչաձև կապանները։ Վերջիններս նաև սահմանափակում են հոդի շարժումների ծավալը։ Ծնկային հոդում կատարվում է ծալում և տարածում, իսկ նրա ծալված վիճակում սրունքը կատարում է ներս և դուրս պտույտներ։

Ծնկային հոդ
Տեսակ	անատոմիական կառուցվածքների դաս
Ենթադաս	free lower limb segment? և անհատական ​​անատոմիական կառուցվածք
Մասն է	lower limb? և knee joint?
Կազմված է	neural network of knee?, knee joint?, superficial fascia of knee? և posterior part of knee?
Անատոմիական տեղայնացում	lower limb?
MeSH	A01.378.610.450
Foundational Model of Anatomy	24974
Terminologia Anatomica 98	A01.1.00.036
Նկարագրված է	Գրեյի անատոմիա (20-րդ հրատարակություն), Բրոքհաուզի և Եֆրոնի հանրագիտական բառարան, Grosses vollständiges Universal-Lexicon Aller Wissenschafften und Künste?, Սովետական մեծ հանրագիտարան (1926—1947) և 1911 Encyclopædia Britannica
Knee Վիքիպահեստում

Ծնկահոդը կողքից

Ծնկահոդը հետևից

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 132)։

Վիքիպահեստն ունի նյութեր, որոնք վերաբերում են «Ծնկային հոդ» հոդվածին։