Ջոն Ռուիս

Ջոն Ռուիս
Ջոն Ռուիս
Ընդհանուր տեղեկություններ
Քաղաքացիություն	ԱՄՆ
Ծննդյան ամսաթիվ	4 հունվարի, 1972
Ծննդավայր	Մեթյուեն, Մասաչուսեթս, ԱՄՆ
Քաշային կարգ	Ծանր (90,892 կգ-ից ավելի)
Հասակ	188 սմ
Պրոֆեսիոնալ կարիերա
Վերջին մարտ	3 ապրիլի, 2010
Մարտերի թիվ	55
Հաղթանակների թիվ	44
Հաղթանակ նոկաուտով	30
Պարտություն	9
Ոչ ոքի	1
Տեղի չունեցած	1
johnthequietmanruiz.com

Ջոն Ռուիս (անգլ.՝ John Ruiz, հունվարի 4, 1972 թվական, Մեթյուեն, Մասաչուսեթս, ԱՄՆ), ամերիկացի պրոֆեսիոնալ բռնցքամարտիկ, հանդես է եկել սուպերծանր քաշային կարգում, սուպերծանր քաշային կարգում WBA (2001—2003 և 2004—2005) վարկածով աշխարհի չեմպիոն, NABF (1997—1998) և NABA (1998—1999) վարկածներով Հյուսիսային Ամերիկայի չեմպիոն։ Բռնցքամարտում հայտնի է իր անցկացրած մենամարտերի ոճով. «հարված-կլինչ, հարված-կլինչ»։

Պրոֆեսիոնալ կարիերա

Բռնցքամարտիկի պրոֆեսիոնալ կարիերան սկսել է 1992 թվականի օգոստոսին։ Առաջին մենամարտերն անցկացրել է 1-ին ծանր քաշային կարգում համեմատաբար թույլ մրցակիցների հետ մենամարտեր անցկացնելով։

Մենամարտը Սերգեյ Կոբոզևի հետ

1993 թվականի օգոստոսի 12-ին Ռուիսը մենամարտ է անցկացնում ռուս բռնցքամարտիկ Սերգեյ Կոբոզևի հետ։ 2 բռնցքամարտիկներն էլ մենամարտից առաջ պարտություն չունեին։ Մենամարտն անցնում էր հավասար պայքարում, սակայն ռուս բռնցքամարտիկը մի փոքր ավելի ագրեսիվ էր գործում։ Մրցավարների ոչ միաձայն որոշումով այս մենամարտում հաղթող է ճանաչվում Կոբոզևը։

1993 — 1995

1993 թվականին Ռուիսը տեղափոխվում է ծանր քաշային կարգ։

1994 թվականի մայիսին Ռուիսը մենամարտ է անցկացնում բրիտանացի բռնցքամարտիկ Ջուլիուս Ֆրենսիսի հետ։ Այս մենամարտում Ռուիսը կարողանում է 4-րդ ռաունդում նոկաուտով հաղթել իր մրցակցին։

1994 թվականի օգոստոսին Ռուիսը մենամարտ է անցկացնում ամերիկացի բռնցքամարտիկ Դանելլ Նիքոլսոնի հետ։ Այս մենամարտում Ռուիսը մրցավարների ոչ միաձայն որոշումով պարտություն է կրում։

1995 թվականի փետրվարին Ռուիսը մենամարտ է անցկացնում ամերիկացի բռնցքամարտիկ Բորիս Փաուելլի (23-0) հետ։ Այս մենամարտում Ռուիսը կարողանում է մրցավարների միաձայն որոշումով հաղթել Փաուելլին, ով մենամարտից առաջ պարտություն չուներ։

Մենամարտը Դևիդ Տուայի հետ

1996 թվականի մարտին Ռուիսը մենամարտ է անցկացնում սամոացի բռնցքամարտիկ Դևիդ Տուայի հետ։ Մենամարտը տևում է ընդամենը 19 վայրկյան։ Տուան ծանր նոկաուտի է ենթարկում Ռուիսին։ Ռուիսը մի քանի րոպե պառկած է մնում ռինգի հատակին։

1996 — 1999

Մենամարտը Թոնի Թակերի հետ

1998 թվականին Ռուիսը մենամարտ է անցկացնում ամերիկացի բռնցքամարտիկ Թոնի Թակերի հետ NABF վարկածով Հյուսիսային Ամերիկայի չեմպիոնի տիտղոսի համար։ Այս մենամարտում Թակերը 2 անգամ հայտնվում է նոկդաունում՝ 1-ին և 11-րդ ռաունդներում։ 11-րդ ռաունդում Ռուիսը կարողանում է տեխնիկական նոկաուտով հաղթել իր մրցակցին։

Երեք մենամարտերը Էվանդեր Հոլիֆիլդի հետ

2000 թվականի օգոստոսին Ռուիսը մենամարտ է անցկացնում ամերիկացի բռնցքամարտիկ Էվանդեր Հոլիֆիլդի հետ ծանր քաշային կարգում WBA վարկածով աշխարհի չեմպիոնի թափուր տիտղոսի համար։ Մենամարտն ընթանում է միջին և մոտ տարածությունների վրա։ 2 բռնցքամարտիկներից ոչ մեկը չուներ նկատելի առավելություն։ 12 ռաունդներից հետո մրցավարները միավորների փոքր տարբերությամբ հաղթող են ճանաչում Հոլիֆիլդին։ Մենամարտից հետո Showtime հեռուստաալիքին տված հարցազրույցի ժամանակ Ռուիսը հայտարարեց, որ մրցավարները իր հաղթանակը «գողացել են»։ Իսկ Հոլիֆիլդը հայտարարեց, որ պատրաստ է ռևանշ մենամարտի անցկացմանը^[1]։

2001 թվականի մարտին Ռուիսը իր երկրորդ մենամարտն է անցկացնում Հոլիֆիլդի հետ։ Մենամարտի մեծ մասը նման էր առաջին մենամարտի ընթացքին։ 11-րդ ռաունդում Ռուիսի անցկացրած աջ հուկից հետո մրցակիցը հայտնվում է ռինգի հատակին, սակայն կարողանում է շարունակել մենամարտը։ Ռուիսը շտապում է զարգացնելու իր հաջողությունը։ Հոլիֆիլդը գրեթե չէր պատասխանում Ռուիսի հաջող հարվածաշարերին։ Ամբողջ ռաունդի ընթացքում Հոլիֆիլդը նոկաուտի ենթարկվելու վտանգի տակ էր։ 12 ռաունդներից հետո մրցավարների միաձայն որոշումով մենամարտում հաղթում է Ռուիսը^[2]։

2001 թվականի դեկտեմբերին Ռուիսը իր երրորդ մենամարտն է անցկացնում Հոլիֆիլդի հետ։ Ինչպես նախորդ 2 մենամարտերը, այս մեկը ևս ընթանում է մինչև վերջ և չի տարբերվում իր խիստ դիտարժանությամբ։ Վերլուծությունները ցույց էին տալիս, որ Հոլիֆիլդի անցկացրած 470 հարվածներից 152-ը դիպուկ էին ստացվել, իսկ Ռուիսի անցկացրած 411 հարվածներից՝ 141-ը։ Ինչպես պարզվեց մրցավար Դոն Օ’Նիլը անձամբ ծանոթ է Ռուիսին և վերջին 7 ռաունդներում հաղթող է ճանաչել Ռուիսին, չնայած այն հանգամանքին, որ տեսանելի կերպով թեկուզ փոքր, բայց առավելություն ուներ Հոլիֆիլդը։ Մենամարտից հետո տեղի ունեցած ասուլիսը կարող էր նույնիսկ վերածվել ծեծկռտուքի։ Հոլիֆիլդի խորհրդական Ջիմ Թոմասը բարկացած էր. «Ես հրաժարվում եմ անազնիվ խաղեր խաղալուց և չեմ ուզում ձևացնել, թե մենք չենք նկատել, թե ինչ է իրականում տեղի ունեցել։ Բոլորը Ամերիկայում գիտեն, որ հաղթողը Հոլիֆիլդն է»։ Ռուիսի թիմը գոհ էր արդյունքներից նույնիսկ այսպիսի սկանդալային մենամարտից հետո, քանի որ ոչ ոքի արդյունքի դեպքում WBA կաննոների համաձայն գոտին մնում է աշխարհի չեմպիոնի մոտ։ Հոլիֆիլդի հետ մենամարտից հետո Ռուիսը ստանում է 3,2 միլիոն դոլար^[3]^[4]^[5]։

Մենամարտը Կիրկ Ջոնսոնի հետ

2002 թվականի հուլիսին Ռուիսը մենամարտ է անցկացնում կանադացի բռնցքամարտիկ պարտություն չունեցող Կիրկ Ջոնսոնի հետ։ Առաջին ռաունդի վերջում Ջոնսոնի գոտկատեղից ներքև արված հարվածից հետո Ռուիսը հայտնվում է ռինգի հատակին։ Մրցավարը ստիպված է լինում կանադացի բռնցքամարտիկից միավոր հանել։ 4-րդ ռաունդի վերջում Ջոնսոնը կրկին գոտկատեղից ներքև է հարվածում, սակայն այս անգամ մրցավարը բավարարվում է բանավոր զգուշացմամբ։ Այս անգամ Ռուիսը հարձակվում է մրցակցի վրա և կլինչի ժամանակ գլխով խփում նրան։ Մրցավարը նկատողություն է անում Ռուիսին։ Սակայն Ռուիսը երկրորդ անգամ է փորձում գլխով հարվածելու մրցակցին։ Այս անգամ մրցավարը կանգնեցնում է մենամարտը և հարցնում երկու բռնցքամարտիկներին. «Դուք ուզում եք որակազրկվել»։ Ռաունդի ավարտին դահլիճում լսելի էին հանդիսականների դժգոհության ձայները։ 7-րդ ռաունդի միջնամասում Ջոնսոնի հարվածը կրկին գոտկատեղից ներքև էր. մրցավարը ստիպված է լինում միավոր հանելու։ Ռուիսը հարվածից հետո հանգստանում է իրեն տրված 5 րոպեների ընթացքում։ 9-րդ ռաունդի վերջում Ռուիսը կարողանում է ձախ հուկ անցկացնել Ջոնսոնի ծնոտին։ 10-րդ ռաունդի վերջում Ջոնսոնը 4-րդ անգամ է հարվածում գոտկատեղից ներքև։ Մրցավարը արագ կանգնեցնում է մենամարտը և որակազրկում է կանադացի բռնցքամարտիկին^[6]։

Մենամարտը Ռոյ Ջոնսի հետ

2003 թվականի մարտին Ռուիսը մենամարտ է անցկացնում ամերիկացի բռնցքամարտիկ Ռոյ Ջոնսի հետ։ 12 ռաունդներից հետո մրցավարների միաձայն որոշումով մենամարտում հաղթում է Ռոյ Ջոնսը^[7]^[8]^[9]^[10]^[11]^[12]։

Մենամարտը Հասիմ Ռահմանի հետ

2003 թվականի դեկտեմբերին Ռուիսը մենամարտ է անցկացնում ամերիկացի բռնցքամարտիկ Հասիմ Ռահմանի հետ սուպերծանր քաշային կարգում WBA վարկածով աշխարհի ժամանակավոր չեմպիոնի տիտղոսի համար։ Մենամարտը շատ ձանձրալի ընթացք է ունենում։ Մրցավարը անընդհատ փորձում էր բռնցքամարտիկներին իրարից բաժանել։ 12 ռաունդներից հետո մրցավարների միաձայն որոշումով հաղթում է Ռուիսը, սակայն մենամարտից հետո կայացած ասուլիսի ժամանակ Ռահմանը հայտարարում էր, որ նա կարողացել է հաղթել մրցակցին իր անցկացրած ջաբերով և հարվածների թվով։

2004 — 2005

Երբ Ռոյ Ջոնսը վերադառնում է կիսածանր քաշային կարգ, սուպերծանր քաշային կարգում WBA վարկածով աշխարհի չեմպիոնի տիտղոսը վերադարձնում են Ջոն Ռուիսին։

Մենամարտը Ֆրես Օկենդոյի հետ

2004 թվականի ապրիլի 17-ին Ռուիսը մենամարտ է անցկացնում պուերտոռիկացի բռնցքամարտիկ Ֆրես Օկենդոյի հետ։ Այս մենամարտում Ռուիսը կարողանում է նոկաուտով հաղթել իր մրցակցին և պաշտպանել սուպերծանր քաշային կարգում WBA վարկածով աշխարհի չեմպիոնի տիտղոսը։

Մենամարտը Էնդրյու Գոլոտայի հետ

2004 թվականի նոյեմբերին Ռուիսը մենամարտ է անցկացնում լեհ բռնցքամարտիկ Էնդրյու Գոլոտայի հետ։ Մենամարտից առաջ Ռուիսը հայտարարում էր. «Գոլոտայի հետ մենամարտը քիչ հավանական է, որ շատ ծանր կստացվի։ Դժվար է նույնիսկ ավելի հարմար մրցակից պատկերացնել»։ Գոլոտան շատ հանգիստ էր վերաբերվում Ռուիսի հայտարարություններին. «Թող խոսի, նա ինձ չի անհանգստացնում։ Ես վստահ եմ, որ կհաղթեմ նրան նոկաուտով 5-ից 8-րդ ռաունդների ընթացքում»։ Գոլոտայի մարզիչը հայտարարում էր, որ նա շատ լավ մարզավիճակում է և կարողացել է իրեն ցույց տալ մենամարտից առաջ եղած նախապատրաստական մարտերի ժամանակ հաղթելով 2 մրցակիցների։ 2-րդ ռաունդում Ռուիսը 2 անգամ նոկաուտի է ենթարկվում։ 4-րդ ռաունդում մրցավարը ստիպված է լինում Ռուիսից միավոր հանելու. սա առաջին անգամն էր, երբ Ռուիսից միավոր էին հանում չնայած այն հանգամանքին, որ նա արդեն հասցրել էր մի քանի «կեղտոտ» մարտեր անցկացնել։ Գոլոտան նկատելի կերպով ավելի շատ հարվածներ էր անցկացնում, սակայն մրցավարների միաձայն որոշումով հաղթանակը տրվում է Ռուիսին։ Մենամարտից հետո կայացած ասուլիսի ժամանակ Ռուիսը հայտարարում է, որ սա իր կարիերայի ամենածանր մենամարտն էր։ Սա Ռուիսի 5-րդ պաշտպանությունն էր, սակայն շատ մասնագետների կարծիքով մենամարտում հաղթել էր Գոլոտան^[13]^[14]։

2005 — 2007

Մենամարտը Ջեյմս Թոնիի հետ

2005 թվականի ապրիլին Ռուիսը մենամարտ է անցկացնում ամերիկացի բռնցքամարտիկ Ջեյմս Թոնիի հետ։ Այս մենամարտում Ռուիսը պարտություն է կրում, սակայն Թոնիի դոպինգ թեստի դրական պատասխանից հետո այս մենամարտի կարգավիճակը փոխվում է որպես չկայացած (no contest)^[15]^[16]^[17]։

Առաջին մենամարտը Նիկոլայ Վալուևի հետ

2005 թվականի վերջին Ռուիսը մենամարտ է անցկացնում ռուս բռնցքամարտիկ Նիկոլայ Վալուևի հետ։ Մենամարտն անցնում է գրեթե հավասար պայքարում։ 12 ռաունդներից հետո 2 մրցավարների որոշումով հաղթող է ճանաչվում ռուս բռնցքամարտիկը (114-116, 114-114, 113-116)^[18]^[19]^[20]^[21]^[22]^[23]^[24]։

Որակավորման մենամարտը Ռուսլան Չագաևի հետ

2006 թվականին Ռուիսը մեկնում է Գերմանիա, որտեղ որակավորման մենամարտ (eliminator) է անցկացնում ուզբեկ բռնցքամարտիկ Ռուսլան Չագաևի հետ^[25]։ Մենամարտն անցնում է Չագաևի փոքր առավելությամբ։ 12 ռաունդներից հետո անակնկալ կերպով մրցավարներից մեկը հաղթանակը շնորհում է Ռուիսին 115—114 հաշվով, սակայն մյուս 2 մրցավարները հաղթանակը տալիս են ուզբեկ բռնցքամարտիկին. 117—111 և 116—112:

Որակավորման մենամարտը Ջամիլ ՄքՔլայնի հետ

2007 թվականի մարտին Ռուիսը որակավորման մենամարտ է անցկացնում ամերիկացի բռնցքամարտիկ Ջամիլ ՄքՔլայնի հետ ծանր քաշային կարգում WBC վարկածով աշխարհի չեմպիոնի տիտղոսի համար։ Երեկոյի մենամարտերից էին. Նեյթ Քեմփբելլ — Խուան Դիաս, Սեմյուել Պիտեր — Օլեգ Մասկաև։ Այս մենամարտում Ռուիսը կարողանում է միավորներով վստահ հաղթանակ տանել (117-111, 118-110, 119-109)։

Երկրորդ մենամարտը Նիկոլայ Վալուևի հետ

2008 թվականի օգոստոսին Ռուիսը երկրորդ մենամարտն է անցկացնում ռուս բռնցքամարտիկ Նիկոլայ Վալուևի հետ։ Խաղարկվում էր ծանր քաշային կարգում WBA վարկածով աշխարհի չեմպիոնի թափուր տիտղոսը։ Ինչպես առաջին մենամարտը, այս մեկը ևս անցնում էր հավասար պայքարում։ 10-րդ ռաունդի վերջում Վալուևը հրում է Ռուիսին, ինչից հետո Ռուիսը հայտնվում է ռինգի հատակին։ Մրցավարը ռուս բռնցքամարտիկից միավոր է հանում։ Այս մենամարտում 12 ռաունդներից հետո մրցավարների միաձայն որոշումով հաղթող է ճանաչվում ռուս բռնցքամարտիկը (111-116, 113-116, 113-114)^[26]։

Չեմպիոնական մենամարտը Դևիդ Հեյի հետ

2010 թվականի ապրիլին Ռուիսը մենամարտ է անցկացնում բրիտանացի բռնցքամարտիկ Դևիդ Հեյի հետ ծանր քաշային կարգում WBA վարկածով աշխարհի չեմպիոնի տիտղոսի համար։ Մենամարտը շատ ակտիվ տեմպով է սկսվում. Ռուիսը հենց սկզբից նետվում է առաջ, սակայն դա չի վախեցնում Հեյին, և նրա մի քանի հարվածներից հետո Ռուիսը հայտնվում է նոկդաունում։ Ռուիսը կարողանում է բարձրանալ, իսկ Հեյը շտապում է զարգացնելու իր հաջողությունը միևնույն ժամանակ մի քանի հարված հասնում է Ռուիսի գլխի հետևի հատվածին, ինչի համար Հեյը նկատողություն է ստանում։ Այսպիսի ծանր առաջին ռաունդից հետո Ռուիսը խուսափում է առաջին համարով հանդես գալուց։ Բրիտանացի բռնցքամարտիկը շատ հաջող կերպով հակագրոհում էր օգտագործելով իր արագությունը։ 5-րդ ռաունդի վերջում Հեյի հարվածից հետո Ռուիսը նորից է հայտնվում նոկդաունում։ 6-րդ ռաունդի սկզբում մրցավարը հերթական անգամ հաշիվ է բացում Ռուիսի համար։ Ռուիսը փորձում էր առաջ գնալ և մարտը վարել իրեն հարմար տարածության վրա, որը սակայն չի հաջողվում։ Հաջորդ ռաունդներում մենամարտի պատկերը չէր փոխվում, և 9-րդ ռաունդում Հեյի հերթական հաջող գրոհից հետո Ռուիսի անկյունից սրբիչ են նետում հրաժարվելով մենամարտի հետագա անցկացումից։

Պրոֆեսիոնալ մենամարտերի վիճակագրություն

Տերմին	Նշանակություն
	Հաղթանակ
	Ոչ ոքի
	Պարտություն
	Չկայացած
КО	Նոկաուտ
ТКО	Տեխնիկական նոկաուտ
UD, PTS	Մրցավարների միաձայն որոշում
MD	Մրցավարների մեծամասնության որոշում
SD	Մրցավարների ոչ միաձայն որոշում
RTD	Հրաժարում մենամարտի շարունակումից
DQ	Որակազրկում
NC	Չկայացած

Մենամարտ	Ցուցանիշ	Քաշային կարգ	Ամսաթիվ	Տարիք	Մրցակից	Մրցակցի տարիք	Անցկացման վայր	Ռաունդ, ժամանակ	Լրացուցիչ
55	44(30)-9-1,1NC	Ծանր	ապրիլի 3, 2010	38 տարի, 2 ամիս, 30 օր	Դևիդ Հեյ (44-8-1)	29 տարի, 5 ամիս, 21 օր	M.E.N. Arena, Մանչեստր, Լանկաշիր, Միացյալ Թագավորություն	TKO9 (12) 2:01	Մենամարտ ծանր քաշային կարգում WBA վարկածով աշխարհի չեմպիոնի տիտղոսի համար (Հեյի 1-ին պաշտպանություն)։ 1-ին ռաունդում Ռուիսը 2 անգամ հայտնվում է նոկդաունում։ 5-րդ և 6-րդ ռաունդներում Ռուիսը հայտնվում է նոկդաունում։
54	44(30)-8-1,1NC	Ծանր	նոյեմբերի 7, 2009	37 տարի, 10 ամիս, 3 օր	Ադնան Սերին (19-10-1)	30 տարի, 6 ամիս, 23 օր	Arena Nurnberger Versicherung, Նյուրնբերգ, Բավարիա, Գերմանիա	TKO7 (10) 1:34
53	43(29)-8-1,1NC	Ծանր	օգոստոսի 30, 2008	36 տարի, 6 ամիս, 26 օր	Նիկոլայ Վալուև (2) (48-1)	35 տարի, 9 օր	Max-Schmeling-Halle, Prenzlauer Berg, Բեռլին, Գերմանիա	UD12 (12)	Մենամարտ ծանր քաշային կարգում WBA վարկածով աշխարհի չեմպիոնի թափուր տիտղոսի համար։ Հաշիվ. 111-116, 113-116, 113-114:
52	43(29)-7-1,1NC	Ծանր	մարտի 8, 2008	36 տարի, 2 ամիս, 4 օր	Ջամիլ ՄքՔլայն (38-8-3)	37 տարի, 9 ամիս, 16 օր	Plaza de Toros, Կանկուն, Կինտանա Ռոո, Մեքսիկա	UD12 (12)	Որակավորման մենամարտ ծանր քաշային կարգում WBC վարկածով աշխարհի չեմպիոնի տիտղոսի համար։ Հաշիվ. 117-111, 118-110, 119-109:
51	42(29)-7-1,1NC	Ծանր	հոկտեմբերի 13, 2007	35 տարի, 9 ամիս, 9 օր	Օտիս Թիսդեյլ (25-18-1)	38 տարի, 6 ամիս, 7 օր	Sears Centre, Hoffman Estates, Իլինոյս, ԱՄՆ	TKO2 (10) 0:45
50	41(28)-7-1,1NC	Ծանր	նոյեմբերի 18, 2006	34 տարի, 10 ամիս, 14 օր	Ռուսլան Չագաև (21-0-1)	28 տարի, 30 օր	Burg-Waechter Castello, Դյուսելդորֆ, Հյուսիսային Հռենոս-Վեսթֆալիա, Գերմանիա	SD12 (12)	WBA վարկածով որակավորման մենամարտ։ Հաշիվ. 111-117, 115-114, 112-116:
49	41(28)-6-1,1NC	Ծանր	դեկտեմբերի 17, 2005	33 տարի, 11 ամիս, 13 օր	Նիկոլայ Վալուև (42-0)	32 տարի, 3 ամիս, 26 օր	Max-Schmeling-Halle, Prenzlauer Berg, Բեռլին, Գերմանիա	MD12 (12)	Կորցրել է ծանր քաշային կարգում WBA վարկածով աշխարհի չեմպիոնի տիտղոսը (Ռուիսի 4-րդ պաշտպանություն)։ Հաշիվ. 114-116, 114-114, 113-116:
48	41(28)-5-1,1NC	Ծանր	ապրիլի 30, 2005	33 տարի, 3 ամիս, 16 օր	Ջեյմս Թոնի (68-4-2)	36 տարի, 8 ամիս, 6 օր	Մեդիսոն Սքուեր Գարդեն, Նյու Յորք, Նյու Յորք (նահանգ), ԱՄՆ	ND12 (12)	Մենամարտը համարվել է չկայացած Թոնիի դոպինգ թեստի դրական լինելու պատճառով։ Հաշիվ. 111-116, 111-116, 112-115:
47	41(28)-5-1	Ծանր	նոյեմբերի 13, 2004	32 տարի, 10 ամիս, 9 օր	Էնդրյու Գոլոտա (38-4-1)	36 տարի, 10 ամիս, 8 օր	Մեդիսոն Սքուեր Գարդեն, Նյու Յորք, Նյու Յորք (նահանգ), ԱՄՆ	UD12 (12)	Պաշտպանել է ծանր քաշային կարգում WBA վարկածով աշխարհի չեմպիոնի տիտղոսը (Ռուիսի 2-րդ պաշտպանություն)։ Հաշիվ. 114-111, 113-112, 114-111:
46	40(28)-5-1	Ծանր	ապրիլի 17, 2004	32 տարի, 3 ամիս, 13 օր	Ֆրես Օկենդո (24-2)	31 տարի, 17 օր	Մեդիսոն Սքուեր Գարդեն, Նյու Յորք, Նյու Յորք (նահանգ), ԱՄՆ	TKO11 (12) 2:33	Պաշտպանել է ծանր քաշային կարգում WBA վարկածով աշխարհի չեմպիոնի տիտղոսը (Ռուիսի 1-ին պաշտպանություն)։
45	39(27)-5-1	Ծանր	դեկտեմբերի 13, 2003	31 տարի, 11 ամիս, 9 օր	Հասիմ Ռահման (35-4-1)	31 տարի, 1 ամիս, 6 օր	Boardwalk Hall, Ատլանտիկ Սիթի, Նյու Ջերսի, ԱՄՆ	UD12 (12)	Նվաճել է ծանր քաշային կարգում WBA վարկածով աշխարհի ժամանակավոր չեմպիոնի տիտղոսը։ Հաշիվ. 118-110, 115-114, 116-112:
44	38(27)-5-1	Ծանր	մարտի 1, 2003	31 տարի, 1 ամիս, 25 օր	Ռոյ Ջոնս (47-1)	34 տարի, 1 ամիս, 13 օր	Thomas & Mack Center, Լաս Վեգաս, Նևադա, ԱՄՆ	UD12 (12)	Կորցրել է ծանր քաշային կարգում WBA վարկածով աշխարհի չեմպիոնի տիտղոսը (Ռուիսի 3-րդ պաշտպանություն)։ Հաշիվ. 112-116, 110-118, 111-117:
43	38(27)-4-1	Ծանր	հուլիսի 27, 2002	30 տարի, 6 ամիս, 23 օր	Կիրկ Ջոնսոն (32-0-1)	30 տարի, 28 օր	Mandalay Bay, Լաս Վեգաս, Նևադա, ԱՄՆ	DQ10 (12) 2:17	Պաշտպանել է ծանր քաշային կարգում WBA վարկածով աշխարհի չեմպիոնի տիտղոսը (Ռուիսի 2-րդ պաշտպանություն)։
42	37(27)-4-1	Ծանր	դեկտեմբերի 15, 2001	29 տարի, 11 ամիս, 11 օր	Էվանդեր Հոլիֆիլդ (3) (37-5-1)	39 տարի, 1 ամիս, 26 օր	Foxwoods Resort, Կոնեկտիկուտ, ԱՄՆ	SD12 (12)	Պաշտպանել է ծանր քաշային կարգում WBA վարկածով աշխարհի չեմպիոնի տիտղոսը (Ռուիսի 1-ին պաշտպանություն)։ Հաշիվ. 115-113, 112-116, 114-114:
41	37(27)-4	Ծանր	մարտի 3, 2001	29 տարի, 1 ամիս, 27 օր	Էվանդեր Հոլիֆիլդ (2) (37-4-1)	38 տարի, 4 ամիս, 12 օր	Mandalay Bay, Լաս Վեգաս, Նևադա, ԱՄՆ	UD12 (12)	Նվաճել է ծանր քաշային կարգում WBA վարկածով աշխարհի չեմպիոնի տիտղոսը (Հոլիֆիլդի 1-ին պաշտպանություն)։ Հաշիվ. 116-110, 115-111, 114-111:
40	36(27)-4	Ծանր	օգոստոսի 12, 2000	28 տարի, 7 ամիս, 8 օր	Էվանդեր Հոլիֆիլդ (36-4-1)	37 տարի, 10 ամիս, 24 օր	Paris Las Vegas, Լաս Վեգաս, Նևադա, ԱՄՆ	UD12 (12)	Մենամարտ ծանր քաշային կարգում WBA վարկածով աշխարհի չեմպիոնի թափուր տիտղոսի համար։ Հաշիվ. 113-114, 113-114, 112-116:
39	36(27)-3	Ծանր	դեկտեմբերի 11, 1999	27 տարի, 11 ամիս, 7 օր	Թոմաս Ուիլյամս (25-6)	29 տարի, 5 ամիս, 11 օր	Grand Casino, Տունիկա, Միսսիսիպի, ԱՄՆ	TKO2 (12) 0:50	Պաշտպանել է WBA վարկածով Հյուսիսային Ամերիկայի չեմպիոնի տիտղոսը (Ռուիսի 3-րդ պաշտպանություն)։
38	35(26)-3	Ծանր	հունիսի 12, 1999	27 տարի, 5 ամիս, 8 օր	Ֆերնելի Ֆելիզ (16-1)	28 տարի, 10 ամիս, 28 օր	Shriner’s Auditorium, Մասաչուսեթս, ԱՄՆ	TKO7 (12) 3:00	Պաշտպանել է WBA վարկածով Հյուսիսային Ամերիկայի չեմպիոնի տիտղոսը (Ռուիսի 2-րդ պաշտպանություն)։
37	34(25)-3	Ծանր	մարտի 13, 1999	27 տարի, 2 ամիս, 9 օր	Մարիո Քաուլի (21-1)	28 տարի, 5 ամիս, 5 օր	Մեդիսոն Սքուեր Գարդեն, Նյու Յորք, Նյու Յորք (նահանգ), ԱՄՆ	TKO4 (12) 1:09	Պաշտպանել է WBA վարկածով Հյուսիսային Ամերիկայի չեմպիոնի տիտղոսը (Ռուիսի 1-ին պաշտպանություն)։
36	33(24)-3	Ծանր	սեպտեմբերի 19, 1998	26 տարի, 8 ամիս, 15 օր	Ջերրի Բալլարդ (19-1-1)	29 տարի, 7 ամիս, 22 օր	Georgia Dome, Ատլանտա, Ջորջիա, ԱՄՆ	TKO4 (12) 2:17	Պաշտպանել է NABF վարկածով Հյուսիսային Ամերիկայի չեմպիոնի տիտղոսը (Ռուիսի 3-րդ պաշտպանություն)։ Նվաճել է WBA վարկածով Հյուսիսային Ամերիկայի չեմպիոնի թափուր տիտղոսը։
35	32(23)-3	Ծանր	հունվարի 31, 1998	26 տարի, 27 օր	Թոնի Թակեր (56-6)	39 տարի, 1 ամիս, 4 օր	Ice Palace, Տամպա, Ֆլորիդա, ԱՄՆ	TKO11 (12) 0:58	Պաշտպանել է NABF վարկածով Հյուսիսային Ամերիկայի չեմպիոնի տիտղոսը (Ռուիսի 2-րդ պաշտպանություն)։
34	31(22)-3	Ծանր	հունիսի 17, 1997	25 տարի, 5 ամիս, 13 օր	Рэй Анис (24-3)	30 տարի, 10 ամիս, 3 օր	Casino Magic, Бей-Сент-Луис, Միսսիսիպի, ԱՄՆ	TKO1 (12) 0:22	Պաշտպանել է NABF վարկածով Հյուսիսային Ամերիկայի չեմպիոնի տիտղոսը (Ռուիսի 1-ին պաշտպանություն)։
33	30(21)-3	Ծանր	հունվարի 14, 1997	25 տարի, 10 օր	Ջիմմի Տունդեր (31-6)	30 տարի, 11 ամիս, 11 օր	Hale Arena, Կանզաս Սիթի, Միսսուրի, ԱՄՆ	SD12 (12)	Նվաճել է NABF վարկածով Հյուսիսային Ամերիկայի չեմպիոնի թափուր տիտղոսը։ Հաշիվ. 115-112, 116-111, 112-115:
32	29(21)-3	Ծանր	նոյեմբերի 26, 1996	24 տարի, 10 ամիս, 22 օր	Յուրի Ելիստրատով (10-3)	32 տարի, 5 ամիս, 15 օր	York Hall, Бетнал Грин, Լոնդոն, Միացյալ Թագավորություն	TKO3
31	28(20)-3	Ծանր	հոկտեմբերի 25, 1996	24 տարի, 9 ամիս, 21 օր	Նաթանիել Ֆիթչ (12-15)	37 տարի, 11 ամիս, 24 օր	The Roxy, Բոստոն, Մասաչուսեթս, ԱՄՆ	TKO3 (6)
30	27(19)-3	Ծանր	Հուլիսի 18, 1996	24 տարի, 6 ամիս, 14 օր	Գրեգ Փիքրոմ (9-1-1)	36 տարի, 1 ամիս, 27 օր	The Roxy, Բոստոն, Մասաչուսեթս, ԱՄՆ	TKO1 (10)
29	26(18)-3	Ծանր	հունիսի 6, 1996	24 տարի, 5 ամիս, 2 օր	Դոուգ Դևիս (7-17-1)	31 տարի, 10 ամիս, 19 օր	The Roxy, Բոստոն, Մասաչուսեթս, ԱՄՆ	TKO6 (10)
28	25(17)-3	Ծանր	մարտի 15, 1996	24 տարի, 2 ամիս, 11 օր	Դևիդ Տուա (22-0)	23 տարի, 3 ամիս, 23 օր	Convention Center, Ատլանտիկ Սիթի, Նյու Ջերսի, ԱՄՆ	KO1 (12) 0:19	Կորցրել է WBC վարկածով ինտերնացիոնալ չեմպիոնի տիտղոսը (Ռուիսի 1-ին պաշտպանություն)։
27	25(17)-2	Ծանր	հոկտեմբերի 7, 1995	23 տարի, 9 ամիս, 3 օր	Սթիվ Փաննելլ (18-2)	28 տարի, 8 ամիս, 5 օր	Convention Center, Ատլանտիկ Սիթի, Նյու Ջերսի, ԱՄՆ	TKO4 (10) 1:28
26	24(16)-2	Ծանր	օգոստոսի 24, 1995	23 տարի, 7 ամիս, 21 օր	Ուիլլի Ջեքսոն (10-3)	26 տարի, 5 ամիս, 27 օր	Սոմերվիլլ, Մասաչուսեթս, ԱՄՆ	KO1 (10)
25	23(15)-2	Ծանր	հունիսի 16, 1995	23 տարի, 5 ամիս, 12 օր	Դերրիկ Ռոդդի (15-4)	28 տարի, 5 օր	Elephant & Castle Centre, Southwark, Լոնդոն, Միացյալ Թագավորություն	KO2 (12) 2:56	Նվաճել է WBC վարկածով ինտերնացիոնալ չեմպիոնի տիտղոսը։
24	22(14)-2	Ծանր	մայիսի 17, 1995	23 տարի, 4 ամիս, 13 օր	Մայքլ Մյուրրեյ (12-7)	29 տարի, 8 ամիս, 14 օր	Իպսուիչ, Միացյալ Թագավորություն	TKO4 (10)
23	21(13)-2	Ծանր	մարտի 30, 1995	23 տարի, 2 ամիս, 26 օր	Ջեք Բաշթինգ (21-10)	38 տարի, 6 ամիս, 28 օր	York Hall, Bethnal Green, Լոնդոն, Միացյալ Թագավորություն	TKO1 (8)
22	20(12)-2	Ծանր	փետրվարի 4, 1995	23 տարի, 1 ամիս	Բորիս Փոուելլ (23-0)	30 տարի, 1 ամիս, 16 օր	Silver Nugget, Bethnal Green, ԱՄՆ	UD10 (10)	Հաշիվ. 97-93, 98-92, 98-92:
21	19(12)-2	Ծանր	հոկտեմբերի 1, 1994	22 տարի, 8 ամիս, 27 օր	Ռիկ Սալլիվան (3-3)	30 տարի, 9 ամիս, 3 օր	The Roxy, Բոստոն, Մասաչուսեթս, ԱՄՆ	KO2
20	18(11)-2	Ծանր	օգոստոսի 4, 1994	22 տարի, 7 ամիս	Դանելլ Նիքոլսոն (15-1)	26 տարի, 8 ամիս, 20 օր	Foxwoods Resort, Машантукет, Կոնեկտիկուտ, ԱՄՆ	SD12 (12)	Մենամարտ ծանր քաշային կարգում IBO վարկածով աշխարհի չեմպիոնի թափուր տիտղոսի համար։ Հաշիվ. 110-118, 113-115, 115-113:
19	18(11)-1	Ծանր	հունիսի 25, 1994	22 տարի, 5 ամիս, 21 օր	Մուհամմադ Ասկաի (0-7)	34 տարի, 1 ամիս, 13 օր	Revere, Մասաչուսեթս, ԱՄՆ	TKO2
18	17(10)-1	Ծանր	մայիսի 25, 1994	22 տարի, 4 ամիս, 21 օր	Ջուլիուս Ֆրենսիս (6-0)	29 տարի, 5 ամիս, 17 օր	Colston Hall, Բրիստոլ, Միացյալ Թագավորություն	KO4 (8) 2:38
17	16(9)-1	Ծանր	նոյեմբերի 27, 1993	21 տարի, 10 ամիս, 23 օր	Կարլ Ուիլյամս (14-14)	23 տարի, 11 ամիս, 3 օր	Masonic Auditorium, Քլիվլենդ, Օհայո, ԱՄՆ	PTS6 (6)
16	15(9)-1	Ծանր	նոյեմբերի 3, 1993	21 տարի, 9 ամիս, 30 օր	Կորդուելլ Հիլթոն (26-34-2)	35 տարի, 1 ամիս, 14 օր	Whitchurch Sports Centre, Բրիստոլ, Միացյալ Թագավորություն	PTS6 (6)
15	14(9)-1	1-ին ծանր	օգոստոսի 12, 1993	21 տարի, 7 ամիս, 8 օր	Սերգեյ Կոբոզև (14-0-1)	29 տարի, 23 օր	Casino Magic, Сент-Луис Бэй, Միսսիսիպի, ԱՄՆ	SD10 (10)	Հաշիվ. 94-98, 97-95, 94-96:
14	14(9)-0	Ծանր	հունիսի 25, 1993	21 տարի, 5 ամիս, 21 օր	Էկզում Սփեյթ (5-7-1)	29 տարի, 10 ամիս, 24 օր	Chelsea A.C., Челси, Մասաչուսեթս, ԱՄՆ	UD8 (8)
13	13(9)-0	Ծանր	ապրիլի 30, 1993	21 տարի, 3 ամիս, 26 օր	Ջորջ Չեմբերս (մեկնարկ)		Chelsea A.C., Челси, Մասաչուսեթս, ԱՄՆ	KO1
12	12(8)-0	1-ին ծանր	ապրիլի 16, 1993	21 տարի, 3 ամիս, 12 օր	Մարկ Սոննիեր (3-2)	28 տարի, 1 ամիս, 22 օր	Cyclorama Building, Բոստոն, Մասաչուսեթս, ԱՄՆ	TKO1
11	11(7)-0	Ծանր	ապրիլի 3, 1993	21 տարի, 2 ամիս, 30 օր	Խուան Կինտանա (6-25-2)	35 տարի, 11 ամիս, 23 օր	Սոմերվիլլ, Մասաչուսեթս, ԱՄՆ	PTS6 (6)
10	10(7)-0		մարտի 20, 1993	21 տարի, 2 ամիս, 16 օր	Լորենցո Փուլ (0-3)	25 տարի, 10 ամիս, 27 օր	Revere, Մասաչուսեթս, ԱՄՆ	KO1
9	9(6)-0	Ծանր	մարտի 5, 1993	21 տարի, 2 ամիս, 1 օր	Դերրիկ Ջոնս (дебют)		Բոստոն, Մասաչուսեթս, ԱՄՆ	TKO1
8	8(5)-0		փետրվարի 20, 1993	21 տարի, 1 ամիս, 16 օր	Ֆիլ Փրինս (1-5)		Բոստոն, Մասաչուսեթս, ԱՄՆ	KO1
7	7(4)-0	Ծանր	հունվարի 30, 1993	21 տարի, 26 օր	Միգել Ռոսա (4-20)	34 տարի, 6 ամիս, 18 օր	National Guard Armory, Челси, Մասաչուսեթս, ԱՄՆ	TKO2
6	6(3)-0	Ծանր	հունվարի 16, 1993	21 տարի, 12 օր	Ջոն Բեզիլ Ջեքսոն (2) (0-9)	28 տարի, 2 ամիս, 29 օր	Belmont, Նյու Հեմփշիր, ԱՄՆ	PTS6 (6)
5	5(3)-0	Ծանր	դեկտեմբերի 10, 1992	20 տարի, 11 ամիս, 6 օր	Խեսուս Ռոհենա (1-6)		Teachers Union Hall, Բոստոն, ԱՄՆ	TKO1
4	4(2)-0		նոյեմբերի 13, 1992	20 տարի, 10 ամիս, 9 օր	Ջոն Բեզիլ Ջեքսոն (0-8)	28 տարի, 26 օր	Revere, ԱՄՆ	PTS6 (6)
3	3(2)-0	Ծանր	նոյեմբերի 3, 1992	20 տարի, 9 ամիս, 30 օր	Բարրի Կիրտոն (5-4)		Foxwoods Resort, Կոնեկտիկուտ, ԱՄՆ	TKO2 (4)
2	2(1)-0	Ծանր	սեպտեմբերի 12, 1992	20 տարի, 8 ամիս, 8 օր	Մայք Վասսեր (дебют)		Wonderland Race Track, Revere, ԱՄՆ	KO1
1	1(0)-0	1-ին ծանր	օգոստոսի 20, 1992	20 տարի, 7 ամիս, 16 օր	Քևին Փարկեր (2-0-1)	32 տարի, 3 ամիս	Taj Majal Hotel & Casino, Ատլանտիկ Սիթի, ԱՄՆ	UD4 (4)
Մենամարտ	Ցուցանիշ	Քաշային կարգ	Ամսաթիվ	Տարիք	Մրցակից	Մրցակցի տարիք	Անցկացման վայր	Ռաունդ, ժամանակ	Լրացուցիչ

Տիտղոսներ

Տարածաշրջանային տիտղոսներ

Նախորդող՝ *Թափուր* Ջեյմս Օյեբոլա	Ծանր քաշային կարգում WBC վարկածով ինտերնացիոնալ չեմպիոն հունիս 16, 1995 — մարտի 15, 1996	Հաջորդող՝ Դևիդ Տուա
Նախորդող՝ *Թափուր* Թոնի Թակեր	Ծանր քաշային կարգում NABF վարկածով Հյուսիսային Ամերիկայի չեմպիոն հունվարի 14, 1997 — հունվար, 1999 թողնվել է թափուր	Հաջորդող՝ *Թափուր* Մայքլ Գրանտ
Նախորդող՝ *Թափուր* Ֆրանսուա Բոթա	Ծանր քաշային կարգում WBA վարկածով Հյուսիսային Ամերիկայի չեմպիոն սեպտեմբերի 19, 1998 — մայիս, 1999 թողնվել է թափուր	Հաջորդող՝ *Թափուր* Դերրիկ Ջեֆֆերսոն
Նախորդող՝ *Թափուր* Դերրիկ Ջեֆֆերսոն	Ծանր քաշային կարգում WBA վարկածով Հյուսիսային Ամերիկայի չեմպիոն հունիսի 12, 1999 — օգոստոսի 12, 2000 թողնվել է թափուր	Հաջորդող՝ *Թափուր* Նեյթ Ջոնս

Աշխարհի չեմպիոնի տիտղոսներ

Նախորդող՝ Էվանդեր Հոլիֆիլդ	Ծանր քաշային կարգում WBA վարկածով Աշխարհի չեմպիոն մարտի 3, 2001 — մարտի 1, 2003	Հաջորդող՝ Ռոյ Ջոնս
Նախորդող՝ Նոր տիտղոս	Ծանր քաշային կարգում WBA վարկածով Աշխարհի ժամանակավոր չեմպիոն դեկտեմբերի 13, 2003 — փետրվարի 20, 2004	Հաջորդող՝ *Թափուր* Լուիս Օրտիս
Նախորդող՝ Ռոյ Ջոնս թողնվել է թափուր	Ծանր քաշային կարգում WBA վարկածով Աշխարհի չեմպիոն փետրվարի 20, 2004 — ապրիլի 30, 2005	Հաջորդող՝ Ջեյմս Թոնի
Նախորդող՝ Ջեյմս Թոնի զրկվել է տիտղոսից	Ծանր քաշային կարգում WBA վարկածով Աշխարհի չեմպիոն մայիսի 19, 2005 — դեկտեմբերի 17, 2005 վերականգնվել է Աշխարհի չեմպիոնի կարգավիճակում	Հաջորդող՝ Նիկոլայ Վալուև

Ծանոթագրություններ

↑ ХОЛИФИЛД ПОБЕДИЛ, НО ЗАСТАВИЛ ЗАДУМАТЬСЯ: НАСТОЯЩИЙ ОН КОРОЛЬ ИЛИ НЕТ? Արխիվացված 2009-01-08 Wayback Machine
↑ ХОЛИФИЛД ПРОИГРАЛ! Արխիվացված 2008-12-27 Wayback Machine
↑ «РУИС — ХОЛИФИЛД: НЕНУЖНЫЙ БОЙ НЕНУЖНЫХ ЧЕМПИОНОВ». Արխիվացված է օրիգինալից 2009 թ․ հունվարի 8-ին. Վերցված է 2007 թ․ հուլիսի 24-ին.
↑ «РУИС — ХОЛИФИЛД: СТРАННАЯ ТРЕТЬЯ СЕРИЯ». Արխիվացված է օրիգինալից 2009 թ․ հունվարի 7-ին. Վերցված է 2007 թ․ հուլիսի 24-ին.
↑ «СУДЬБОНОСНОЕ РЕШЕНИЕ». Արխիվացված է օրիգինալից 2009 թ․ հունվարի 7-ին. Վերցված է 2007 թ․ հուլիսի 24-ին.
↑ «САМ СЕБЕ МАМОЧКА». Արխիվացված է օրիգինալից 2004 թ․ նոյեմբերի 12-ին. Վերցված է 2007 թ․ հուլիսի 24-ին.
↑ «РОЙ ДЖОНС И ДОН ЧИНГАЧГУК». Արխիվացված է օրիգինալից 2008 թ․ մայիսի 3-ին. Վերցված է 2007 թ․ հուլիսի 24-ին.
↑ «ДЖОНС — РУИС: БЕСПРЕЦЕДЕНТНЫЙ ПРЕЦЕДЕНТ». Արխիվացված է օրիգինալից 2005 թ․ օգոստոսի 29-ին. Վերցված է 2007 թ․ հուլիսի 24-ին.
↑ «РОЙ ДЖОНС: МАЛЕНЬКИЙ ГИГАНТ БОЛЬШОГО БОКСА». Արխիվացված է օրիգինալից 2008 թ․ մայիսի 3-ին. Վերցված է 2007 թ․ հուլիսի 24-ին.
↑ ЗАГОВОР Արխիվացված 2008-02-28 Wayback Machine
↑ «Рой ДЖОНС И БОЛЬШИЕ БРАТЬЯ». Արխիվացված է օրիգինալից 2008 թ․ մայիսի 3-ին. Վերցված է 2007 թ․ հուլիսի 24-ին.
↑ «БОЕЦ МЕСЯЦА: Рой ДЖОНС: НЕЧИСТАЯ СИЛА». Արխիվացված է օրիգինալից 2008 թ․ մայիսի 4-ին. Վերցված է 2007 թ․ հուլիսի 24-ին.
↑ Отчёт о бое Джона Руиса и Анджея Голоты
↑ Джон Руис и Анджей Голота комментируют итоги своего боя
↑ «АПРЕЛЬ-2005: НЕВОСТРЕБОВАННЫЙ ТРИУМФ ТОУНИ». Արխիվացված է օրիգինալից 2005 թ․ դեկտեմբերի 4-ին. Վերցված է 2007 թ․ հուլիսի 24-ին.
↑ «СОБЫТИЕ МЕСЯЦА ТОУНИ — ЧЕМПИОН В ТЯЖЕЛОМ ВЕСЕ». Արխիվացված է օրիգինալից 2005 թ․ մայիսի 11-ին. Վերցված է 2007 թ․ հուլիսի 24-ին.
↑ «БОЕЦ МЕСЯЦА: Джеймс ТОУНИ, НЕЗНАКОМЫЙ С СОВЕСТЬЮ». Արխիվացված է օրիգինալից 2005 թ․ դեկտեմբերի 1-ին. Վերցված է 2007 թ․ հուլիսի 24-ին.
↑ ««ЗА» И «ПРОТИВ»». Արխիվացված է օրիգինալից 2005 թ․ դեկտեմբերի 17-ին. Վերցված է 2007 թ․ հուլիսի 24-ին.
↑ «Николай ВАЛУЕВ: «НЕ ВОЛНУЙТЕСЬ, ВСЕ БУДЕТ НОРМАЛЬНО»». Արխիվացված է օրիգինալից 2007 թ․ մարտի 28-ին. Վերցված է 2007 թ․ հուլիսի 24-ին.
↑ «ТРЕНЕР РУИСА НАДЕЕТСЯ ПОЛУЧИТЬ… ПАРУ ЦВЕТОЧКОВ». Արխիվացված է օրիգինալից 2005 թ․ դեկտեմբերի 31-ին. Վերցված է 2007 թ․ հուլիսի 24-ին.
↑ «СЕГОДНЯ ВАЛУЕВ ДЕРЕТСЯ ЗА ТИТУЛ, КОТОРЫМ ВЛАДЕЛ Мохаммед АЛИ». Արխիվացված է օրիգինալից 2006 թ․ փետրվարի 21-ին. Վերցված է 2007 թ․ հուլիսի 24-ին.
↑ «Николай ВАЛУЕВ: «СЛЕДУЮЩИМ СОПЕРНИКОМ МОЖЕТ СТАТЬ Владимир КЛИЧКО»». Արխիվացված է օրիգինալից 2006 թ․ հունվարի 4-ին. Վերցված է 2007 թ․ հուլիսի 24-ին.
↑ Тяжёлый титул Валуева Արխիվացված 2006-01-04 Wayback Machine
↑ «Николай ВАЛУЕВ: И ТУТ МЫ ВЗЯЛИ В РУКИ РУЖЬЯ…». Արխիվացված է օրիգինալից 2006 թ․ հունվարի 17-ին. Վերցված է 2007 թ․ հուլիսի 24-ին.
↑ Руслан Чагаев победил Джона Руиса
↑ Николай Валуев победил Джона Руиса Արխիվացված 2008-09-12 Wayback Machine

Արտաքին հղումներ

[1] ХОЛИФИЛД ПОБЕДИЛ, НО ЗАСТАВИЛ ЗАДУМАТЬСЯ: НАСТОЯЩИЙ ОН КОРОЛЬ ИЛИ НЕТ? Արխիվացված 2009-01-08 Wayback Machine

[2] ХОЛИФИЛД ПРОИГРАЛ! Արխիվացված 2008-12-27 Wayback Machine

[3] «РУИС — ХОЛИФИЛД: НЕНУЖНЫЙ БОЙ НЕНУЖНЫХ ЧЕМПИОНОВ». Արխիվացված է օրիգինալից 2009 թ․ հունվարի 8-ին. Վերցված է 2007 թ․ հուլիսի 24-ին.

[4] «РУИС — ХОЛИФИЛД: СТРАННАЯ ТРЕТЬЯ СЕРИЯ». Արխիվացված է օրիգինալից 2009 թ․ հունվարի 7-ին. Վերցված է 2007 թ․ հուլիսի 24-ին.

[5] «СУДЬБОНОСНОЕ РЕШЕНИЕ». Արխիվացված է օրիգինալից 2009 թ․ հունվարի 7-ին. Վերցված է 2007 թ․ հուլիսի 24-ին.

[6] «САМ СЕБЕ МАМОЧКА». Արխիվացված է օրիգինալից 2004 թ․ նոյեմբերի 12-ին. Վերցված է 2007 թ․ հուլիսի 24-ին.

[7] «РОЙ ДЖОНС И ДОН ЧИНГАЧГУК». Արխիվացված է օրիգինալից 2008 թ․ մայիսի 3-ին. Վերցված է 2007 թ․ հուլիսի 24-ին.

[8] «ДЖОНС — РУИС: БЕСПРЕЦЕДЕНТНЫЙ ПРЕЦЕДЕНТ». Արխիվացված է օրիգինալից 2005 թ․ օգոստոսի 29-ին. Վերցված է 2007 թ․ հուլիսի 24-ին.

[9] «РОЙ ДЖОНС: МАЛЕНЬКИЙ ГИГАНТ БОЛЬШОГО БОКСА». Արխիվացված է օրիգինալից 2008 թ․ մայիսի 3-ին. Վերցված է 2007 թ․ հուլիսի 24-ին.

[10] ЗАГОВОР Արխիվացված 2008-02-28 Wayback Machine

[11] «Рой ДЖОНС И БОЛЬШИЕ БРАТЬЯ». Արխիվացված է օրիգինալից 2008 թ․ մայիսի 3-ին. Վերցված է 2007 թ․ հուլիսի 24-ին.

[12] «БОЕЦ МЕСЯЦА: Рой ДЖОНС: НЕЧИСТАЯ СИЛА». Արխիվացված է օրիգինալից 2008 թ․ մայիսի 4-ին. Վերցված է 2007 թ․ հուլիսի 24-ին.

[13] Отчёт о бое Джона Руиса и Анджея Голоты

[14] Джон Руис и Анджей Голота комментируют итоги своего боя

[15] «АПРЕЛЬ-2005: НЕВОСТРЕБОВАННЫЙ ТРИУМФ ТОУНИ». Արխիվացված է օրիգինալից 2005 թ․ դեկտեմբերի 4-ին. Վերցված է 2007 թ․ հուլիսի 24-ին.

[16] «СОБЫТИЕ МЕСЯЦА ТОУНИ — ЧЕМПИОН В ТЯЖЕЛОМ ВЕСЕ». Արխիվացված է օրիգինալից 2005 թ․ մայիսի 11-ին. Վերցված է 2007 թ․ հուլիսի 24-ին.

[17] «БОЕЦ МЕСЯЦА: Джеймс ТОУНИ, НЕЗНАКОМЫЙ С СОВЕСТЬЮ». Արխիվացված է օրիգինալից 2005 թ․ դեկտեմբերի 1-ին. Վերցված է 2007 թ․ հուլիսի 24-ին.

[18] ««ЗА» И «ПРОТИВ»». Արխիվացված է օրիգինալից 2005 թ․ դեկտեմբերի 17-ին. Վերցված է 2007 թ․ հուլիսի 24-ին.

[19] «Николай ВАЛУЕВ: «НЕ ВОЛНУЙТЕСЬ, ВСЕ БУДЕТ НОРМАЛЬНО»». Արխիվացված է օրիգինալից 2007 թ․ մարտի 28-ին. Վերցված է 2007 թ․ հուլիսի 24-ին.

[20] «ТРЕНЕР РУИСА НАДЕЕТСЯ ПОЛУЧИТЬ… ПАРУ ЦВЕТОЧКОВ». Արխիվացված է օրիգինալից 2005 թ․ դեկտեմբերի 31-ին. Վերցված է 2007 թ․ հուլիսի 24-ին.

[21] «СЕГОДНЯ ВАЛУЕВ ДЕРЕТСЯ ЗА ТИТУЛ, КОТОРЫМ ВЛАДЕЛ Мохаммед АЛИ». Արխիվացված է օրիգինալից 2006 թ․ փետրվարի 21-ին. Վերցված է 2007 թ․ հուլիսի 24-ին.

[22] «Николай ВАЛУЕВ: «СЛЕДУЮЩИМ СОПЕРНИКОМ МОЖЕТ СТАТЬ Владимир КЛИЧКО»». Արխիվացված է օրիգինալից 2006 թ․ հունվարի 4-ին. Վերցված է 2007 թ․ հուլիսի 24-ին.

[23] Тяжёлый титул Валуева Արխիվացված 2006-01-04 Wayback Machine

[24] «Николай ВАЛУЕВ: И ТУТ МЫ ВЗЯЛИ В РУКИ РУЖЬЯ…». Արխիվացված է օրիգինալից 2006 թ․ հունվարի 17-ին. Վերցված է 2007 թ․ հուլիսի 24-ին.

[25] Руслан Чагаев победил Джона Руиса

[26] Николай Валуев победил Джона Руиса Արխիվացված 2008-09-12 Wayback Machine

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]