Ռոյ Անդերսոն

Ռոյ Անդերսոնը (շվեդ.՝ Roy Andersson, մարտի 31, 1943(1943-03-31)^[…], Գյոթեբորգ), շվեդ կինոռեժիսոր և պրոդյուսեր։ Հեղինակ է 5 լիամետրաժ գեղարվեստական ֆիլմի, մի քանի կարճամետրաժ ֆիլմերի և շուրջ 300 գովազդային հոլովակների։ Նրա ամենահայտնի ֆիլմերից է Շվեդական սիրո պատմությունը (1970) և «Ապրելու եռագրությունը», որն ընդգրկում է «Երգեր երկրորդ հարկից» (2000), «Դու ապրում ես» (2007) և «Աղավնին նստել է ճյուղին և մտածում է գոյության մասին» (2014) ֆիլմերը։ «Երգեր երկրորդ հարկից» ֆիլմը շատ ավելի, քան մյուսները բնորոշում է Անդերսոնի ոճը՝ երկար կադրեր, աբսուրդիզմի ու կոմեդիայի միախառնում, Ֆեդերիկո Ֆելինիի ֆիլմերին բնորոշ գրոտեսկ ու շվեդական մշակույթի բաղադրիչներ։ Ռոյ Անդերսոնն ունի իր սեփական պրոդյուսերական ընկերությունը՝ իր երկու նկարահանման հրապարակներով, ձայնագրման և մոնտաժի ստուդիաներով և կինոթատրոնով, ինչը թույլ է տալիս նրան զբաղվել նաև պրոդյուսերությամբ։ Անդերսոնն աշխատում է առանց սցենարի ու գրաֆիկայի, հիմնականում նրա բոլոր ֆիլմերը նկարվում են պավիլոնում։ Մի շարք կինոփառատոների մրցանակակիր է, նրա 2014 թ.-ին նկարահանված «Աղավնին նստել է ճյուղին և մտածում է գոյության մասին» ֆիլմն արժանացել է «Ոսկե առյուծ» մրցանակի Վենետիկյան կինոփառատոնում և գլխավոր մրցանակի Բեռլինյան կինոփառատոնում։ Եվրոպական կինոյի ամենահետաքրքիր դեմքերից է, ունենալով 4 ֆիլմ։ Ֆիլմերի եվրոպական ակադեմիայի կողմից արժանացել է մրցանակի լավագույն արտասահմանյան ֆիլմ անվանակարգում։

Ռոյ Անդերսոն Roy Andersson
Ռոյ Անդերսոնը 2004 թ.-ին
Ծնվել է	մարտի 31, 1943(1943-03-31)[…] (81 տարեկան)
Ծննդավայր	Գյոթեբորգ
Կրթություն	Լունդի համալսարան
Քաղաքացիություն	Շվեդիա
Գործունեության տարիներ	1969-մեր օրեր.
Ազգություն	շվեդ
Մասնագիտացում	կինոռեժիսոր, սցենարիստ, մոնտաժող, գրող, ռեժիսոր և կինոպրոդյուսեր
Պարգևներ	Ստիգ Դագերմանի մրցանակ Յան Մյուրդալի գրան պրի-Լենինյան մրցանակ Գյոտեբորգի համալսարանի պատվավոր դոկտոր Եվրոպական կինոյի մրցանակ լավագույն կատակերգության համար և Nordic Council Film Prize?
IMDb	ID ID 0027815
royandersson.com
Մրցանակներ Վենետիկյան միջազգային կինոփառատոն «Ոսկե առյուծ»(2014) Այլ մրցանակներ Բեռլինյան կինոփառատոնի գրանպրի (1969)

Կենսագրություն

Ռոյ Անդերսոնը ծնվել է Շվեդիայի Գյոտեբորգ քաղաքում 1943 թ.-ին։ Շվեդական ֆիլմերի ինստիտուտում մեկ տարի սովորելուց հետո 1970 թ.-ին նկարահանել է իր առաջին ֆիլմը՝ Շվեդական սիրո պատմությունը։ Նույն թվականին ֆիլմը 4 մրցանակ է ստացել 20-րդ Բեռլինյան կինոփառատոնի ընթացքում և մեծ ճանաչում բերել սկսնակ ռեժիսորին։ Բայց նրա երկրորդ՝ «Գիլիափ» ֆիլմը անհաջողության է մատնվում և ֆինանսական խնդիրների պատճառով սկսում է գովազդային հոլովակներ նկարել։ Հոլովակներն իրենցից ներկայացնում են հասարակական կարծրատիպերի երկար կադրեր, որոնք ստացել են բազմաթիվ մրցանակներ, այդ թվում նաև 7 «Ոսկե արջ» մրցանակ գովազդային հոլովակների փառատոնի ժամանակ։ 1977 թ.-ին Ռոյ Անդերսոնը հիմնում է իր պրոդյուսերական ընկերությունը՝ «Roy Andersson Production», իսկ 1984 թ.-ին «Studio 24»-ը, որը անկախ պրոդյուսերական ընկերություն է։ Այս ընկերությունը Անդերսոնը ղեկավարում է մինչ օրս։ Նյու Յորքի Արվեստների թանգարանը 2009 թ.-ի սեպտեմբերին կազմակերպել է Անդերսոնի աշխատանքների հետահայաց ցուցադրություն։

Ֆիլմացանկ

թվականը	ֆիլմի վերնագիրը	անգլերեն անվանումը	հայերեն անվանումը
1967	Besöka sin son
1968	Hämta en cykel
1969	Lördagen den 5.10
1970	En kärlekshistoria	A Swedish Love Story	Շվեդական սիրո պատմություն
1975	Giliap	Giliap	Գիլիափ
1987	Någonting har hänt	Something Happened	Ինչ-որ բան է կատարվել
1991	Härlig är jorden	The World of Glory	Կյանքը հիասքանչ է
2000	Sånger från andra våningen	Songs From the Second Floor	Երգեր երկրորդ հարկից
2007	Du Levande	You, the Living	Դու ապրում ես
2014	En duva satt på en gren och funderade på tillvaron	A Pigeon Sat on a Branch Reflecting on Existence	Աղավնին նստել է ճյուղին և մտածում է գոյության մասին

Ծանոթագրություններ

Վիքիպահեստն ունի նյութեր, որոնք վերաբերում են «Ռոյ Անդերսոն» հոդվածին։