Վիկ

Վիկ
Մունիցիպալիտետ
	Վիկ
	Vic
Դրոշ	Զինանշան
	Վիկի կատեդրալ
Երկիր	Իսպանիա
Ինքնավար համայնք	Կատալոնիա
Նահանգ	Բարսելոնա
Շրջան	Օսոնա
Քաղաքապետ	Խոսեպ Մարիա Վիլա դ'Աբադալ Սեռա (իսպ.՝ Josep Maria Vila d'Abadal Serra)
Մակերես	30.92 կմ²
ԲԾՄ	484 մ
Պաշտոնական լեզու	կատալաներեն
Խոսվող լեզուներ	Իսպանիա, Կատալոներենկատ.՝
Բնակչություն	41․647 մարդ (2010)
Խտություն	1,300 մարդ/կմ²
Տեղաբնականուն	Vicense, vigitano, vigatán, ausense, ausetano, ausonense
Ժամային գոտի	UTC+1, ամառը UTC+2
Փոստային դասիչ	08500
Պաշտոնական կայք	vic.cat
	Վիկ (Իսպանիա)
	Վիկ (Կատալոնիա)
	Վիկ Վիքիպահեստում

Անվան այլ կիրառումների համար տե՛ս՝ Վիկ (այլ կիրառումներ)

Վիկ (կատ.՝ Vic կամ կատ.՝ Vich^[2]^[3]), մունիցիպալիտետ Իսպանիայում։ Մտնում է Կատալոնիա ինքնավար համայնքում՝ Բարսելոնա պրովինցիայի մեջ։ Գտնվում է Օսոնա շրջանում։ Ներառում է համանուն Վիկ քաղաքն ու Սենտֆորեսն (կատ.՝ Sentfores) ու Լա Գիշան (կատ.՝ La Guixa)։ Կատալոնիայի կարևորագույն նշանակության քաղաքներից է։ Բարսելոնայից գտնվում է ընդամենը 69 կիլոմետր, իսկ Խիրոնայից՝ 60 կիլոմետր հեռավորության վրա։

Քաղաքը հայտնի է ձմռան ամիսներին դիտվող խիտ մառախուղներով։ Այստեղ միջին ցածր ջերմաստիճանը կազմում է -10 °C, իսկ առավելագույն ցածրը գրանցվել է -24 °C։ Դիտվում են սառը և դաժան ձնաբքեր։

Ք․ա․ III դարում Վիկ քաղաքը Պիրենեյան թերակղզու գլխավոր քաղաքներից։ Հետո դարձել է Հռոմեական կալոնա (գաղութ), իսկ ավելի ուշ՝ Կատալոնիայի կոմսություններից մեկի մայրաքաղաք։

Ժողովրդագրություն

Բնակչությունը 20-րդ դարի սկզբին կազմել է 9500 մարդ։ 2008 թվականի մարդահամարի տվյալների համաձայն բնակչությունը կազմել է 38.964 մարդ։

Բնակչություն^[4]
1900	1930	1950	1970	1981	1986	2006	2008
12.075	15.005	16.975	25.906	30.155	28.583	38.747	38.964

Ճարտարապետություն

Մայոր հրապարակը (կատ.՝ Plaça Major) մինչ այժմ պահպանում է գոթական ոճով կառուցված իր տեսքը, իսկ մեր օրերում այն քաղաքի գլխավոր հրապարակն է։ Երեքշաբթի և շաբաթ օրերին այստեղ ստեղծվում է շուկա, որտեղ վաճառքի են հանվում կատալոնյան երշիկեղեն և կաշվե իրեր։ Քաղաքից ոչ հեռու, XI դարում կանգնեցվել է Campanar i cripta de la catedral հռոմեական աշտարակը, որտեղ հետագայում կառուցվել է Վիկի տաճարը։ XX դարում այն նկարել է կատալոնացի հայտնի նկարիչ Խոսե Մարիա Սենտը։ Տաճարի հարևանությամբ գործում է Վիկի եպիսկոպոսական թանգարանը (Museu Episcopal de Vic), որտեղ պահվում են Կատալոնիայի հռոմեական նմուշները։ Տաճարի շուրջ կան XIV —XV դարերի առանձնատներ, ինչպես օրինակ՝ Կասա դե լա Սիուտատ (Casa de la Ciutat)։

1910 թվականի մայիս ամսվա 3 շաբաթներն այստեղ է անցկացրել կատալոնացի հայտնի քանդակագործ և ճարտարապետ Անտոնի Պլասիդ Գիլիեմ Գաուդի ի Կորնետը։

Վիկի եպիսկոպոսներ

Աբբա Օլիբա (կատ.՝ Oliba) - Վիկ քաղաքի եպիսկոպոս 1018-1046 թվականներին։ Նա լավ հարաբերությունների մեջ է եղել Բարսելոնայի կոմս Բերենգեր Ռամոն I-ի հետ և վերանորոգել է Վիկ քաղաքի տաճարը կոմսի մոր՝ Էրմեսինդա Կարկասոնացու օգնությամբ։ Նոր տաճարը վերաբացվել է 1038 թվականի օգոստոսի 31-ին՝ Պետրոսի և Պողոսի տոնի ժամանակ։
Բեռնալդ Կալբո - 1223 (որոշ աղբյուրներով՝ 1233) թվականին Վիկի եպիսկոպոս։ Մահացել է 1243 թվականին Վիկում։ Նա թաղված է Վիկի տաճարում։
Խուան Էնխուերա - եպիսկոպոս է օծվել 1505 թվականի դեկտեմբերի 19-ին, 1510 օգոստոսի 9-ին դարձել է Լլեյդայի եպիսկոպոս։ Մահացել է 1513 թվականին Վալենսիայում։

Քույր քաղաքներ

Սոմոտո, Նիկարագուա
Տորեդոնխիմենո, Իսպանիա

Պատկերասրահ

Վիկի համալսարան
Գլխավոր հրապարակ
Հռոմեական ոճով կառուցված շենք

Ծանոթագրություններ

Գրականություն

Испания. Изд-во «Вокруг света». Изд.2-е стереотипное. 2006.
Вся Барселона. Коллекция «Вся Испания». Русское издание. Editorial Escudo de Oro S.A., Barcelona

Արտաքին հղումներ

Պաշտոնական կայք Արխիվացված 2006-07-15 Wayback Machine (կատ.)
Статистика муниципалитета (կատ.)
Vic Tourist Information Office(չաշխատող հղում) (անգլ.)

Վիքիպահեստն ունի նյութեր, որոնք վերաբերում են «Վիկ» հոդվածին։

[_deff73823de99e18-1] rt.6 // (unspecified title)

[rae-2] Diccionario de la Lengua española - Vigésima segunda edición. Real Academia Española

[3] El alcalde de Vic deja UDC por la brecha ideológica con Duran i Lleida

[4] Padró municipal d’habitants. Xifres Oficials. Recomptes. Vic. Sèrie temporal.

[2]

[3]

[1]

[4]