Տորչելլո
Տորչելլո (իտալ.՝ Torcello), քիչ բնակեցված[2] կղզի Վենետիկի ծովածոցի հյուսիսային մասում։ Վաղ միջնադարում եղել է ծովածոցի ամենամեծ բնակավայրը։ Սա քաղաք էր իր տաճարով և եպիսկոպոսով նախքան Սուրբ Մարկոսի տաճարի կառուցումը[3][4]։ Հինավուրց ժամանակներից կղզու հովանավորը Սուրբ Ֆոսկան է։
 | |
|---|---|
 | |
| Տեսակ | կղզի |
| Երկիր |  Իտալիա[1] |
| Վարչատարածքային միավոր | Վենետիկ |
| Երկարություն | 1,2 կմ |
| Լայնություն | 1 կմ |
| Մակերես | 0,441699 կմ² |
| Բնակչություն | 13 մարդ (2018) |
 | |
 | |
Պատմություն
խմբագրելԿղզու անունը կրող քաղաքը հիմնադրել են 452 թվականին[5] Ալտինում քաղաքի բնակիչները, որոնք փախել են հոների ներխուժումից։ 638 թվականին կղզի է տեղափոխվել նաև տեղի Ալտինումի եպիսկոպոսը և հիմնել տեղի եկեղեցին՝ նահատակ Իլիոդորի մասունքները պահելու համար։
Կոստանդնուպոլսի հետ առևտրական կապեր հաստատելու արդյունքում քաղաքը զգալիորեն հարստացել է և 10-րդ դարում այն արդեն ուներ առնվազն 10,000 բնակիչ (զգալիորեն ավելին, քան այն ժամանակվա Վենետիկի բնակչությունը)։
12-րդ դարում Տորչելլոյի նավահանգիստը վերածվեց գարշահոտ ճահճի (իտալ.՝ laguna morta՝ «Մեռած ծովածոց»)։ Ծովային առևտուրը դադարեց, բնակիչները մալարիայից փախան Վենետիկ, եպիսկոպոսը տեղափոխվեց Մուրանո, կառույցների մեծ մասը ապամոնտաժվեց վենետիկյան պալատներ կառուցելու համար։ 20-րդ դարի վերջին կղզում ապրում էր ձկնորսների մի քանի ընտանիք։
Կամրջից բացի՝ միջնադարյան քաղաքից պահպանվել է միայն չորս շենք՝ 14-րդ դարի երկու համեստ պալացցո (դրանցում տեղակայված են թանգարանային հավաքածուներ), Սուրբ Ֆոսկայի ռոմանական եկեղեցին (12-րդ դար) և Սանտա Մարիա Ասունտա տաճարը (864-867, վերակառուցվել է 1008 թվականին)՝ 9-րդ դարի մկրտության և 12-րդ դարի բյուզանդական խճանկարների մեծ անսամբլով։
Պատկերասրահ
խմբագրել-
Տորչելլոն 1534 թվականին Վենետիկում լույս տեսած գրքում -
Տորչելլոյի կենտրոնը՝ Սանտա Մարիա Ասունտա տաճարը և Սուրբ Ֆոսկայի ռոմանական եկեղեցին -
Պահպանված կամուրջը -
Տորչելլոն Վենետիկի ծովածոցից -
Վենետիկի ծովածոցը Տորչելլոյից
Տես նաև
խմբագրելԾանոթագրություններ
խմբագրել- ↑ archINFORM (գերմ.) — 1994.
- ↑ «Torcello, l'isola che sta sparendo Restano dieci abitanti. E un prete». Corriere del Veneto. 2014 թ․ հունիսի 28. Վերցված է 2014 թ․ դեկտեմբերի 24-ին.
- ↑ (Firm), John Murray (1853). A Handbook for Travellers in Northern Italy: Being a Guide to the States of Sardinia, Lombardy and Venice, Parma and Piacenza, Modena, Lucca, and Tuscany as Far as the Val d'Arno. էջ 347.
- ↑ The Home Encyclopædia: Compiled and Revised to Date from the Leading Encyclopædias (անգլերեն). Educational publishing Company. 1895. էջ 5870.
- ↑ Kleinhenz, Christopher (2004 թ․ օգոստոսի 2). Medieval Italy: An Encyclopedia. ISBN 9781135948795.
 | Վիքիպահեստն ունի նյութեր, որոնք վերաբերում են «Տորչելլո» հոդվածին։ |