Gap
Gap Inc․ (արտասանվում է Գեփ) ամերիկյան խոշոր ընկերություն, որը զբաղվում է հագուստի արտադրանքով և դրա իրացմամբ։ Նրա խանութների ցանցը երկրորդ խոշորագույնն է աշխարհում[2]։ Ընկերության Կենտրոնական գրասենյակը գտնվում է Սան Բրունոյում՝ ԱՄՆ, Կալիֆորնիա։
Gap | |
|---|---|
 | |
 | |
| Տեսակ | բիզնես ձեռնարկություն, ձեռնարկություն, clothing store chain? և հանրային ընկերություն |
| Հիմնադրված է | 1969 |
| Հիմնադիր | Donald Fisher? և Doris F. Fisher? |
| Վայր | Սան Ֆրանցիսկո, Կալիֆոռնիա, ԱՄՆ |
| Երկիր |  ԱՄՆ |
| Տնօրեն | Art Peck?[1] |
| Արդյունաբերություն | մանրածախ առևտուր |
| Հասույթ | 16,6 մլրդ $ |
| Աշխատողների թիվ | 152 000 մարդ |
| Դուստր ընկերություններ | Janie & Jack?, Yeezy Gap? և Banana Republic? |
| Կայք | gap.am |
| Բորսա | NYSE: GPS |
 Gap (clothing retailer) Վիքիպահեստում | |
Պատմություն
խմբագրելԸնկերությունը հիմնադրվել է 1969 թվականին՝ Դոնալդ և Դորիս Ֆիշերների կողմից, առաջին խանութը բացվել է Սան Ֆրանցիսկոյի համալսարանի հարևանությամբ՝ Օուշեն պողոտայում գտնվող թատրոնի շենքում և վաճառել է Levi's ջինսեր և ձայնասկավառակներ։ 1972—73 թվականներին ցանցի խանութների թիվը գերազանել է 25–ը, «Gap»–ը սկսել է Կալիֆորնիայից դուրս բացել առևտրի կետեր։ 1974 թվականից ընկերությունը սկսել է ապրանքներ վաճառել՝ սեփական ապրանքանիշով։ 1983 թվականին Gap–ը ձեռք է բերել Banana Republic ապրանքանիշը (ավելի վաղ այդ ընկերությունը առևտուրը կազմակերպում էր կատալոգի օգնությամբ), 1994 թվականին թողարկվել է նոր ապրանքանիշ՝ Old Navy։
Սեփականատերեր և ղեկավարություն
խմբագրելԸնկերության հիմնադիր Դոնալդ և Դորիս Ֆիշերների ընտանիքին պատկանում է բաժնետոմսերի 33 %–ը, մնացած բաժնետոմսերն ազատ շրջանառության մեջ են։ 2008 թվականի մայիսի կեսերին ընդհանուր կապիտալը կազմել է 13,7 միլիարդ դոլար[2]։
Ընկերության տնօրենների խորհրդի նախագահն ու գլխավոր կառավարիչը Գլեն Մյորֆին է (Glenn Murphy)։
Գործունեությունը
խմբագրելԱՄՆ–ում ընկերության խանութների ցանցում հաշվվում են թվով 3150 խանութներ, խանութներ են գործում նաև Մեծ Բրիտանիայում, Կանադայում, Ֆրանսիայում, Իռլանդիայում և այլ երկրներում։ Հագուստը վաճառվում է Gap, Banana Republic, Old Navy և Piperlime ապրանքանիշերով։
Անձնակազմի թիվը մոտ 152 հազար մարդ է։ 2007 թվականին ընկերության հասույթը կազմել է 15,8 միլիարդ դոլար, մաքուր շահույթը՝ 833 միլիոն դոլար[2]։