Insula de Man
Le Insula de Man (Isle of Man o Mann; gaelico mannese: Ellan Vannin) es un insula in le Mar de Irlanda approximativemente equidistante de Irlanda, Scotia, Anglaterra e Galles que coperi circa 572 km². Le Insula de Man es un dependentia del corona britannic; nonobstante, illo face parte ni del Regno Unite ni del Union Europee. Le regina britannic es le capite del stato in su capacitate de "Lord of Mann". Le parlamento del Insula de Man es le Tynwald, que reclama un anno de establimento de 979. Le governamento del RU es responsabile del defensa, relationes estranier e bon governantia de Man, in nomine del regina, ma le Tynwald ha plen poteres in affaires domestic.
| Insula de Man | |||
|
|
|||
|
|||
| Hymno: Arrane Ashoonagh Vannin | |||
 
|
|||
| Nomine native | Isle of Man, Mannin | ||
|---|---|---|---|
| Classe | Crown Dependencies[*], stato | ||
| Pais | Insula de Man, Regno Unite | ||
| Capital | Douglas[*] | ||
| Population | 83 314 | ||
| Area | 572 km²  |
||
| Coordinatas | 54°14'6"N, 4°31'30"W | ||
| Linguas official | anglese, Lingua mannese | ||
| Fuso horari | UTC±00:00, Europe/Isle_of_Man[*] | ||
| Codice telephonic | +44 | ||
| Valuta | libra sterling[*], libra mannese[*] | ||
| Dominio de Internet | .im[*] | ||
| ISO 3166-1 alpha-2 | IM | ||
| ISO 3166-1 alpha-3 | IMN | ||
| ISO 3166-1 numeric | 833 | ||
| Geonames ID | 3042225 | ||
| Sito web: http://www.gov.im/ | |||
| Wikimedia Commons Category Isle of Man | |||
Le population total esseva 80 085 habitantes al momento del censo de 2006.[1] Le gaelico mannese ha un stato official desde 1985.[2] Le lingua anglese es usual in le insula.
«Sodor e Man» es le diocese predominante in le insula desde 1154; illo pertine al provincia de York in le Ecclesia de Anglaterra. Il ha anque importante communitates methodista e catholic. In le mythologia celta, le insula esserea sacre al deo Manannán Mac Lir.
Vikings colonisava le insula in le medievo, establiente un regno nordic de Man e le Insulas que continuava usque 1266. Durante plure seculos, controlo del insula alternava inter le coronas de Scotia e Anglaterra, ma un nivello de autonomia interne sub le Tynwald perdureva.
Referentias
modificar- ↑ Isle of Man Census 2006 - Summary Results (PDF). Isle of Man Treasury. Government of the Isle of Man (decembre 2006). Archivo del original create le 2008-10-29. Recuperate le 5 de junio 2008.
- ↑ World Directory of Minorities and Indigenous Peoples - United Kingdom : Manx. UNHCR / Minority Rights Group International (2008). Recuperate le 17 de septembre 2011.