Positivismo

Le positivismo es un systema philosophic basate in le experientia e in le cognoscimento empiric del phenomenos natural. Assi, le positivismo considera le metaphysica e le theologia como systemas de cognoscimento imperfecte e inadequate.

Positivismo
instantia de: schola de pensamento[*], social movement[*]
Commons: Positivism

Evolution

Le termino "positivismo" era utilisate le prime vice per le philosopho francese Auguste Comte, autor del obra que inaugurava iste currente de pensamento, Curso de philosophia positive (6 volum., 1830-1842). Nonobstante, alicun conceptos positivista se remonta al philosopho britannic David Hume, al francese Claude-Henri de Rouvroy, Conte de Saint-Simon, e al german Immanuel Kant.

Comte eligeva le parola "positivismo" per sublinear le realitate e le tendentia constructive que ille reclamava per le aspecto theoric de su doctrina. In general, se interessava per le reorganisation del vita social pro le ben del humanitate trans del cognoscimento scientific e, per iste via, del controlo del fortias natural. Le duo componentes principal del positivismo, le philosophia e le governamento (o programma de conducta individual e social), esseva plus tarde unificate. Comte habeva le conception de un religion in le qual le humanitate es le objecto de culto. Malgrado illo, numerose discipulos de Comte non acceptava iste disveloppamento religiose de su pensamento, proque illo pareva contradicer le philosophia positivista original. Multe del doctrinas de Comte esserea plus tarde adaptate e disveloppate per le philosophos social britannic John Stuart Mill e Herbert Spencer, assi como per le philosopho e physico austriac Ernst Mach.

Positivismo logic

A comenciamentos del seculo 20, un gruppo de philosophos interessate in le evolution del scientia moderna rejectava le traditional ideas positivista (que considerava que le base del ver cognoscimento es in le experientia personal) e sublineava le importantia del verification scientific e del uso del logica formal. Del theorias de iste pensatores (inter le que se incontrava le austriaco Ludwig Wittgenstein e le britanniches Bertrand Russell e George Edward Moore) nasceva si-dicite positivismo logic. Le Tractatus logico-philosophicus (1921), obra de Wittgenstein, resultava haber un influentia decisive in le rejection del doctrinas metaphysic per su carentia de senso e in le acceptation del empiricismo como un exigentia logic.

In le actualitate, le philosophos positivista prefere se denominar empiricistas logic, per se disassociar del importantia que donava le prime pensatores del positivismo logic al verification scientific. Mantene que le principio de verification in se mesme es inverificabile in le campo philosophic. Assi, autores tanto representative como Rudolf Carnap ha proponite nove sensos del traditional principio de verification neopositivista.

Referentias

Nota

Iste pagina contine material traducite ab Wikipedia in catalano. Le articulo original se trova a ca:Positivisme, e es usate secundo le mandatos del licentia de Wikipedia.