Toussaint L'Ouverture
François Dominique Toussaint L’Ouverture (23 de 1743 - 7 de april 1803) era un heroe national de Haiti de descendentia african (de Benin) e un lider al testa del movimento pro le independentia del territorios colonisate per le poteres europee in America Latin. Al mesmo ille era le prime propulsor pro le liberation del sclavos nigre.
| Toussaint L'Ouverture | |
|---|---|
 | |
| Sexo | mascule |
| Nascentia | 1743-05-20 (Cap-Haïtien) |
| Decesso | 1803-04-07 (Fort de Joux) |
| Causa de decesso | pneumonia[*] |
| Citatania | Saint-Domingue[*], French First Republic[*], French constitutional monarchy[*], Regno de Francia[*], Francia, Haiti |
| Occupation | politico[*], military personnel[*] |
| Partito politic | Jacobins[*] |
| Religion | Ecclesia Catholic |
| Conjuge | Suzanne Simone Baptiste Louverture[*] |
| Parentes | patre Gaou Guinou[*] |
| Lingua | francese, anglese |
| Signatura |
 |
| Identificatores | |
| ISNI | 0000000079704561 |
| VIAF | 10637807 |
| Commons | Toussaint Louverture |
Ille nasceva in un familia de sclavos in le plantation del conte de Breda, a presso de Cap Haïtien. Un sacerdote le inseniava leger, scriber e alcun latino. Al etate de 34 annos (in 1777) ille obteneva le libertate.
Al epocha de Toussaint, le insula caribe de Hispaniola, discoperite le 5 de decembre 1492 per Christophoro Columbo – era un colonia francese desde 1697, le anno in le qual Espania in le Pace de Rjiswijk cedeva su dominio a Francia. Totevia, le sphera del poter francese, debilitate per disordines politic e social, non era sufficientemente stabilisate e firme, resultante que le region oriental poteva guardar su tradition hispanic in que le influentia ethnic del west era mermente superficial.
In 1789 le notitia del revolution francese attingeva Santo Domingo), in le colonia caribe. In sequente se inflammava diverse insurrectiones regional, le quales in breve culminava in un guerra civil, in que moriva milles de combattentes e civiles – ante toto personas de descendentia african. In 1791 Touissant se univa al movimento pro le liberation del sclavos in le parte francese del insula de Hispaniola (appellate Saint-Domingue) in que ille habeva le commando. Le guerra finiva in 1793 con le victoria del insurrectos e le abolition del sclavitude in 1794. Le revolta del gente african era le insurrection le plus victoriose in un colonia europee. Per virtute de su successos militar, Toussaint bentosto era nominate le "Napoleon nigre".
Sub le commando de Toussaint Saint-Domingue se jungeva a Espania in le Guerra Franco-Espaniol. Ma in 1794 ille se poneva con quatro milles soldatos al latere del victoriose franceses, le quales confereva a Touissaint le rango militar de general de brigada.
In 1799 errumpeva un nove guerra civil inter le anterior alliatos del fortias armate de liberatión, in que Toussaint defaitava in totalitate le truppas del mulattos, commandate de André Rigaud. Ab nunc Toussaint era le dirigente incontestate del colonia. In 1801 ille occupava tambén Santo Domingo (le remote colonia espaniol in le este del país) que desde 1795 (Pace de Basilea) era governate per le franceses. Con le occupatión de Santo Domingo finiva le sclavitude tambén in iste territorio del colonia (1801) a que sequeva un grande reforma agrari.
In 1802 Toussaint se poneva in contradictión con Francia que non compliva le requirimentos del populatión nigre e le revolutión in tote su aspectos. De consequentia Toussaint expulsava le franceses del ínsula e vinceva anque le corsarios (piratas) anglese e le últime presidios e garnisones espaniol. Séquitemente Napoleón Bonaparte, a celle témpore le Prime Cónsul del República Francese, inviava un exército expeditionari a Saint-Domingue que capturava a Toussaint le 7 de junio 1802. Póstea ille era transferite a Francia, ubi moriva le 7 de april 1803 a causa de conditiones aggravante de su arresto in le Fortalessa de Joux, a presso de Doubs (Jura) e a proximitate del frontiera switze.
Post le destitutión de Toussaint L’Ouverture, le colonia francese de Saint-Domingue e le sclavitute era reinstallate per un curte período de solmente un anno e medie. Le 1e de januario 1804 le país declarava sub le nómine de Haití (Aytí) su independentia de Francia.
Haití era le prime país de América Latín que se liberava de próprie fortia del colonialismo europee. Al mesmo il es le prime República nigre del mundo a que sequeva post 43 annos le Republica de Liberia in 1847, ubi le Statos Unite de América domiciliavan circa 18.000 negros liberate.
Litteratura
modificar
Bell, Madison Smartt: Toussaint L'Ouverture: A Biography, New York 2007.
James, C.L.R.: The black Jacobins, 1938. (In Germano: Die schwarzen Jakobiner. Toussaint L’Ouverture und die San-Domingo-Revolution.Köln 1984.
James, C.L.R. Toussaint L'Ouverture: The story of the only successful slave revolt in history: A Play in Three Acts, 1934; repr. 2013.
Pluchon, P.: Toussaint Louverture - Paris, Fayard 1989.