Troll (Internet)
In le argot de Internet, un troll es alicuno qui posta messages controverse, inflammatori, non apposite o foras de thema in un communitate online, como per exemplo un foro de discussion o un camera de conversation, con le intento de provocar altere usatores pro conducer les a un responsa emotional[1] o pro disrumper un discussion normal de un thema.[2]
| Troll |
|---|
| instantia de: occupation[*] |
| subclasse de: Internet user[*], prankster[*] |
|
|
|
| Commons: Trolls (Internet) |
Le abbreviation DNFTT es usate pro referer le phrase anglese "Do not feed the trolls" (Non alimenta le trolls).
Etymologia
modificar
Le uso contemporanee del termino es allegate a haber prime apparite in le Internet in le annos 1980,[3] sed le plus ancian exemplo registrate es de 1991.[4] Il es truncation del phrase trolling for suckers. Illo es un joco de parolas in anglese, ubi sucker es un pisce (catostomidae), e etiam un persona facilemente fraudate o decipite.[5] Illo es derivate del technica de pisca de traher lentemente un esca trans le aqua, cognoscite in anglese como trolling. Le parola etiam evoca le trolls portraitate in le folklore scandinave e contos pro infantes. Illes es frequentemente creaturas aggressive, malefic e tenebrose. Le verbo "troll" veni del francese ancian "troller", un termino de chassa. Comocunque, le substantivo "troll" es un parola non referite que veni del normanno ancian pro un gigante o un demonio.[6]
Referentias
modificar- ↑ Definition of: trolling. PCMAG.COM. Ziff Davis Publishing Holdings Inc (2009). Archivo del original create le 2018-12-25. Recuperate le 2009-03-24.
- ↑ Indiana University: University Information Technology Services (2008-05-05). What is a troll?. Indiana University Knowledge Base. The Trustees of Indiana University. Archivo del original create le 2014-05-23. Recuperate le 2009-03-24.
- ↑ Schwartz, Mattathias (2008-08-03). "The Trolls Among Us", The New York Times, pp. MM24. Recuperate le 2009-03-24.
- ↑ Oxford English Dictionary Online s.v. TROLL n.(1) and TROLL v., ambe addite in junio 2006
- ↑ sucker. Merriam-Webster's Online Dictionary. Recuperate le 2009-05-17.
- ↑ Harper, Douglas (2001-11). troll. Online Etymology Dictionary. Recuperate le 2009-03-24.