BASIC

BASIC
	instantia de: linguage de programmation, non-structured programming language[], imperative programming language[], procedural programming[], object-oriented programming[]
	;
	data de creation: 1964
	Commons: BASIC (programming language)

Le BASIC, de Beginner's All-purpose Symbolic Instruction Code ((anglese): Codice de instructiones symbolic de uso general pro comenciantes) es un linguage de programmation, que esseva create pro instruer le programmation de computator. Illo es un linguage de programmation de alte nivello, le instructiones resimila a un linguage natural (specificamente anglese). Le prime BASIC, Dartmouth BASIC, esseva create in 1964 per Kemeny e Kurtz a Dartmouth College, SUA, pro facilitar le programmation de computatores pro studentes (e professores) qui habeva nulle instruction special in mathematica o scientia.

Create como un linguage de instruction, su facilitate lo rendeva popular in computatores in le annos 1970 e 1980. In iste era, BASIC habeva su plus grande successo, e esseva le prime e sol linguage de plure novicios. Hodie, pauc companias usa BASIC directemente^[1], su influentia ja vive in linguages como Python 2. Dialectos de BASIC es usate per programmas como Microsoft Office, OpenOffice, e Lotus Notes pro le creation de macros.

Historia

Al initio del annos 1960, computatores esseva costose e usate pro projectos specialisate, que solmente poteva cargar e facer un carga al vice. Le linguages de programmation de iste tempore, FORTRAN e COBOL, esseva create pro cargas special – FORTRAN pro calculationes scientific e COBOL pro le administration de commercios, pro exemplo.

Designo

Le original Dartmouth BASIC esseva designate pro permitter le creation de programmas complexe per studentes, reducente le complexitate del programmation. Le octo principios de su designo esseva:

Esser facile pro comenciantes.
Esser un linguage general.
Permitter le creation de functiones complexe, sed remaner facile pro comenciantes.
Esser interactive.
Monstrar messages de error clar e utile.
Facer resultatos rapide pro parve programmas.
Requirer nulle cognoscentia del hardware.
Proteger le systema de operation contra le usator.

Le designo del syntaxe esseva basate super le syntaxe de FORTRAN II e Algol 60.

Exemplo de programma in BASIC

Exemplo de vetule dialecto de BASIC:

 10 REM Programma pro instruer multiplication 
 20 A=INT(RND*12+1)
 30 B=INT(RND*12+1)
 40 PRINT "Quanto es ";A;" vices ";B;" ?";
 50 INPUT C
 60 IF C <> A * B THEN GOTO 90
 70 PRINT "Tu ha ration! Bon!!"
 80 GOTO 10
 90 PRINT "Infortunatemente tu non ha ration. Essaya de nove."
 100 GOTO 40

Notas

↑ On debe notar que Microsoft ha ja Visual Basic como un de su linguages .NET. Quasi 59% del disveloppatores de .NET cognosce Visual Basic como lor sol linguage.

Ligamines externe

[1] On debe notar que Microsoft ha ja Visual Basic como un de su linguages .NET. Quasi 59% del disveloppatores de .NET cognosce Visual Basic como lor sol linguage.

[1]