Commutator (rete de computatores)
Un commutator (in anglese: switch) es un apparato de un rete de computatores que connecte segmentos de un rete local. Illo esseva disveloppate a partir del concentrator electronic (hub), ubi le concentrator constitue le apparato nodal central pro un rete in topologia stelliforme. Con un concentrator commun, tote le connexiones de rete stelliforme recipe un quadro de diffusion. Le commutator connecte segmentos Ethernet e Token Ring basate super le adresse MAC e le connexiones es mantenite solmente durante le transmission del datos. Iste strategia puncto-a-puncto permitte que le commutator connecte multiple pares de segmentos simultaneemente, permittente que plus de un computator transmitte datos in un mesme momento.
| Commutator |
|---|
| subclasse de: networking hardware[*] |
  
|
|
|
| Commons: Ethernet switches |
Il ha tres modalitates de functionamento de un commutator:
- cut-through
- store and forward
- cut-through sin errores
Un commutator es simile a un concentrator in le facto que illo forni un unic dominio de diffusion, sed es differente in le facto que cata porta in un commutator es su proprie dominio de collision.
Le commutatores causa difficultates in le surveliantia de traffico proque cata porta es isolate usque illo transmitte datos e mesmo assi solmente le portas inviante e recipiente es connectite.
Duo methodos popular specificamente designate pro permitter a un administrator de retes surveliar le traffico es:
- port mirroring (clonage de portas): le commutator invia un copia de pacchettos de rete a un connexion de rete surveliante.
- SMON (Switch Monitoring, surveliantia de commutatores) es describite per RFC 2613 e es un protocollo pro le controlo de facilitates como le port mirroring.
Il ha essite inventate altere methodos pro permitter le investigation celate in un altere computator in le rete sin cooperation del commutator:
- ARP Spoofing -- dupar le computator visate assi que illo usa le proprie adresse MAC pro le porta de rete, o alternativemente causar que illo usa le MAC disseminate.
- MAC Flooding -- supercargar le commutator con un grande numero de adresses MAC, assi que illo cade in un modo "failopen".