Guerra de Boshin
Le Guerra de Boshin (戊辰戦争, Boshin Sensō), alcun tempore cognoscite como le Revolution japonese o le Guerra Civil japonese, esseva un guerra civil in Japon combattite inter 1868 e 1869 inter fortias del dominante shogunato de Tokugawa e un clique cercante a prender poter politic in nomine del Cour imperial.
Le guerra originava del dissatisfaction inter multe nobles e samurai juvene con le maniera de tratar le stranieros per le shogunato post le apertura de Japon durante le decennio precedente. Le crescente influentia occidental in le economia conducite a un declino simile a illos de altere paises asiatic a illo tempore. Un alliance de samurai occidental, particularmente le dominios de Chōshū, Satsuma e Tosa, e functionarios de Cour obteneva le control del Cour Imperial e influentiava le juvene Imperator Meiji. Tokugawa Yoshinobu, le shōgun in officio, realisante le futilitate de su situation, abdicava e transferiva le poter politic al Imperator. Yoshinobu sperava que per facer isto le Casa de Tokugawa poterea esser preservate e participar in le futuro governamento.
Ma, le movimentos militar per le faction imperial, le violentia partisan in Edo, e un decreto imperial promovite per Satsuma e Chōshū que aboliva le Casa de Tokugawa conducite Yoshinobu a lanciar un campania militar pro prender le Cour imperial in Kyoto. Le fluxo militar rapidemente se dirigeva verso le plus parve ma relativemente modernisate faction Imperial, e post un serie de battalias culminante in le rendite de Edo, Yoshinobu personalmente se rendeva. Illos qui esseva leales al shōgun Tokugawa se retirava al nordic Honshū e postea a Hokkaidō, ubi illes fundava le Republica de Ezo. Le deffaita al Battalia de Hakodate rupteva iste ultime resistance e deixava le Imperator como un governator supremo de facto de tot Japon, completante le phase militar del Restauration de Meiji.
Approximativemente 69.000 homines esseva mobilisate durante le conflicto, e de illos circa 8.200 esseva morte. Al fin, le faction imperial victoriose abandonava su objectivo de expeller le stranieros de Japon e adoptava un politica de continuata modernisation con le scopo de eventualmente renegotiar le tractatos inaequal con le potencias occidental. A causa del persistentia de Saigō Takamori, un prominente leader del faction imperial, le leales a Tokugawa esseva misericordiosemente tractate, e multe ex-leaders del shogunato e samurai receveva postes de responsabilitate sub le nove governamento.
Quando le Guerra de Boshin comenciava, Japan ja se modernisava, seguente le mesme cursu de avanciamento como ille del nationes occidental industrialisate. Como le nationes occidental, especialmente le Regno Unite e Francia, habeva un involvimento profunde in le politica del pais, le installation del potentia imperial addeva plus turbulenta al conflicto. In le tempore, le guerra esseva romanticisate como un "revolution sin sanguine", proque le numero de victimas esseva minime relative al grandor del population de Japan. Tamen, conflictos surgiva inter le samurais occidental e le modernistas del faction imperial, que conduceva al rebellion de Satsuma, plus sanguinari.