Joco del Calamar
Joco del Calamar (coreano: 오징어 게임, Ojing-eo Geim o Ochingŏ keim; anglese: Squid Game) es un serie televisive dramatic de tension scribite e dirigite per Dong-hyuk Hwang, e producite per Netflix in Corea del Sud. Illo narra le historia de un gruppo de 456 personas invitate a riscar lor vita in un mysteriose joco de superviventia in le qual, post haber vincite le altere concurrentes in sex provas mortal in forma de jocos infantil, on pote ganiar un premio de ₩45,6 milliardos (circa €33,3 milliones).
Le serie ha essite publicate in tote le mundo e in varie linguas le 17 de septembre 2021 sur le platteforma digital Netflix, obtenente un successo planetari immediate.
Le titulo proveni de un joco infantil traditional in Corea, citate in le serie como "le joco del calamar", ubi le pueros se affronta in duo equipas dividite in attacco e defensa, e disponite sur un designo que recorda le forma de un calamar.