Pan
Le pan[1] (del latin panis) es un alimento basic que forma parte del dieta traditional de europa, oriente proxime, india e le americas. Usualmente, le pan es preparate in un furno de un mixtura del farina de alcun cereal (como tritico), sal, e aqua, e depende in le typo de pan, un levatura pro fermentar le mixtura e facerle plus molle e dulce. On pote cocer pan non solmente con le tritico, ma etiam con le mais, ris, e plure altere cereales. E naturalmente, il ha plure altere typos de pan que pote haber altere ingredientes, como grassias de alcun typo (como butyro o oleo de oliva), ovos, sucro, species, fructos, fructos siccate, vegetales, e altere cosas.
| Pan |
|---|
| instantia de: type of food or dish[*] |
| subclasse de: alimento de base[*], baked good[*] |
   
|
|
|
| data de creation: 30000 annos AEC |
| Commons: Bread |
Le addition de un levatura causa le fermentation del mixtura ante de cocinar; ergo le mollitate del pan es causate per le production de pauc bullas de anhydrido carbonic (CO2) que deveni immergite per tote le mixtura. Si pan es preparate sin un levatura es nominate pan azyme, e es plus commun in le dietas del oriente proxime; es credite que le prime preparationes del pan habeva ni levatura ni sal, e sol esseva granos miscite con aqua e siccate sub le sol o cocite ante de un foco. Un multe commun version de pan es le pastisseria, un typo de pan multe dulce e sucrate usualmente usate pro tortas, un typo de pan create pro facer un forma de pan plus nutritive. Al mixtura on pote dar altere formas, con le usage de varie modulos o technicas de assemblea; ergo, nos ha baguettes, pan tressate, e alteres.
Le pan ha essite un multo importante parte del alimentation human, tam importante que le parola pro pan a veces etiam es le parola pro alimento o repasto; non omitter su usage in costumes religiose o social. In tempores ancian in areas rurual le pan esseva cocinate por familias nuclear; in le citates, le paneteria esseva un boteca multo importante. Hodie nos ha apparatos domestic que face multe facile le preparation de pan, e quasi qualcunque boteca de alimentos vende le pan. Le pan es un alimento tan basic, utile, e universal que in plure linguas, le parola pro pan es un synonimo pro alimento. Multe indices economic como le IPC (le Indice de Precios Consumitori) emplea pan como un marca universal pro determinar le nivello de precios in un pais.